مشكلتي مع بنتي

**dina1984** · 2011-10-18, 07:43

السلام عليكم
كيفكم ان شاء الله احوالكم كلها تمام
انا ببدأ مشكلتي بدون مقدمات انا عندي 3 بنات الله يحفظهم وحده 7 سنين و التانيه 5 سنين و التالته 3 سنين تقريبا انا عايشه في بلد اوروبي يعني لا في خدم و لا ما يحزنون و بيتي كبير 3 طوابق يعني الله وحده بعلم بالضغط النفسي الي علي و غير انه اهلي مش موجودين عندي هاي نبذه عن حياتي ...
المشكله بنتي الي عمرها 5 سنين دايما لما تكون مع ابوها بتحكيلوا انها ما بتحبني و انه انا دايما معصبه و انه انا ما بعملها اشياء بتحبها مع العلم و الله العظيم انه في يوم العطل دايما باخدهم مشوار يا على المول او اماكن فيها العاب اطفال و غير انه ملابسهم انا بشتريها انا بعترف انه زوجي كتييييييير حنون معهم لدرجة و الله العظيم عمره ما مد ايده على ايا وحده حتى لما وحده تغلط بجيها باسلوب التفاهم بجرب يفهمها انه الي عملته غلط جوزي تربيه بلاد بره ههههههههه انا تربية عرب انا من النوع الي بضرب في حال فقدة اعصابي و هاي نادرة جدا بناتي بحبوا قبل النوم احكيلهم قصه ما بستوعبوا اني تعبانه بيت و شغل و تنضبف وزوج و اطفال كلها مسؤوليه فوق راسي ما بيجي اخر النهار الي انا مهدود حيلي...
بنتي الي عمرها 5 سنين عنجد اليوم حسيتها بتكرهني نايمه في حضن ابوها و بتقارن بيني و بينه و اني انا مو منيحه و ما بعملها ايا اشي انا بعرف انها طفله و ابوها حنون و كريم و ما بحكيلهم لأ على ايا اشي بدهم اياه لو شو ما كان شكله او حتى سعره بس هدا مش معناته اني انا لئيمه اليوم بس سمعتها لأول مره تعاملت معها كأنها عمرها 20 سنه حكتلها انا ما بدي اكون امك و لا رح اصحى معك على المدرسه و لا رح اعملك اكل و لا ايا شي يمكن ردة فعلي كانت عنيفه بس هاي مو اول مره بتعترف انها بتحب ابوها و ما بتحبني مع العلن انا الي بقضي وقت اكتر معهم في البيت بحكم جوزي بشتغل ...
كيف اتصرف معها و بحكوا انه لصغار ما بعرفوا يكذبوا معقول بنتي بتكرهني عنجد

ارجوكم الي عندها حل كيف اتصرف او ايا طريقه اتعامل معها فيها تخبرني و احكولي اذا هالشعور الي بتحسه بنتي طبيعي تجاهي و لا لأ
فب أمان الله

المزيد من آخر المواضيع من نفس القسم:

**نبض الشارقة** · 2011-10-18, 07:43

إليك كلمات أتعبت الملائكة بكتابة الأجر فشكوا إلى ربهم ما ذا يفعلون ؟
فقال سبحانه : اطووها بصحائفها وضعوها تحت عرشي فتبقى حسناتها إلى يوم القيامة .
إنها : اللهم لك الحمد كما ينبغي لجلال وجهك وعظيم سلطانك

**أمورة دمشقية** · 2011-10-18, 11:21

الطفل عند ولادته يتعلق بأمه كثيراً ويزداد تعلقه بها كلما كبر ثم يبتعد عنها شيئاً فشيئاً بعد عمر السنتين.. إلا أن معظم الأولاد وخاصة البنات.. يتركون أمهم ويتحببون للأب وخاصة فترة 3-7 سنوات ..وبعدها يرجع عندهم التوازن بين الأب والأم...بصراحة ابنتك لا تكرهك إنما تقول هذا لتلفت انتباهك إليها ... مررت بنفس هذه التجربة وقالت لي ابنتي نفس الشيء بعمر 4سنوات وقرأت عن الموضوع في كتب تربية الأطفال وكان الجواب هو أن(( الطفل يريد اهتمام منك إما لعملك خارج المنزل أو لذهابه إلى الحضانة والبقاء وقت طويل دون العائلة، أو وجود أخ أو أخت أصغر يسبب لديه الغيرة لاهتمام الأم بالصغير أكثر منه ))... وقتها رميت شغل البيت وتركت كل شي واهتمت فيها وصرت أشاركها بكل شيء وتشاركني هي بشغل البيت والطبخ حتى رجعت علاقتنا قوية...أحسست فعلاً أني كنت مهملة لمشاعرها بالفترة الماضية ...وعلى فكرة قصة قبل النوم كتير مهمة ممكن تعلمين فيها أولادك أشياء لا تخطر ع بالك..وخاصة إذا حكيت لهم قصصك وأنت صغيرة (وكيف كنت تفكري وكيف غيرك يطلب منك تعملي وأمك ماذا تقول لك وأخوانك وأقاربك وأصدقائك..طبعاً ممكن تبدعي قصص من عندك عن أولاد وكيف يعملوا أشياء غير جيدة وأصدقائهم ينصحونهم ...)وهيك بتصل العبرة لبناتك من غير تعب...وبعد القصة ركزي انتباهك كتير ع هالناحية هو دعاء النوم وسورة صغيرة من القرآن يكرروها معك ...الصدق هالشيء ياخذ 10-15دقيقة فقط وبعدها عطيهم بوسات حنونة كتير واتركيهم ...أهم شي أنك تكوني هادئة معهم وحنونة كتير قبل النوم ...بدون صراخ وانسي البيت والشغل...وهي فترة بترتاحي فيها ع السرير معهم(إذا بتفكري من ناحية تانية)...هي تجربتي وأنا وجدتها ذات فائدة ..والله ييسر أمورك

**صمت الغلا** · 2011-10-18, 13:09

الله ايسر امورج ازمة وبتعدى ان شاء الله

**مسك غالي** · 2011-10-18, 15:39

الله يعينج على تربيتهم بس ليش ما جيبي حد يساعدك لأنك لما تكوني تعبانه شي طبيعي تعصبي مثلا تجيبي خدامه بالساعات تنظف البيت وشغلي قران كريم كل يوم وكثري من الاستغفار ولما يروحو البنات على المدرسه خذي غفوه بترتاحي وبعد روحي اعملي سبا بترتاح أعصابك ولما تكلمي الوالده خلها تدعيلك أن الله يكون في عونك

**رمش الغلآ ،** · 2011-10-18, 17:31

آلله يعيـنج ِ آلغآليه ْ

**عيون مشتاقه** · 2011-10-18, 21:31

للرفع

**dina1984** · 2011-10-19, 05:56

مشكورين على الردود الحلوه و ان شاء الله رح اعمل فيها و الله يقدم الي فيه الخير مشكورين

الموضوع: مشكلتي مع بنتي

أدوات الموضوع

عرض

مشكلتي مع بنتي

المزيد من آخر المواضيع من نفس القسم:

المواضيع المتشابهه

مشكلتي بنتي

مشكلتي بنتي

مشكلتي بنتي

مشكلتي بنتي؟؟

بنتي هي مشكلتي