صفحة 1 من 14 12311 ... الأخيرةالأخيرة
النتائج 1 إلى 7 من 98
  1. #1
    عضوة جديدة


    رقم العضوية: 207115

    تاريخ التسجيل
    22 - 09 - 2011
    مشاركات
    13

    افتراضي مصيبتي ... ريل خالتي تحرش فيني ...


    السلام عليكم ....
    هاذي اول مرة اكتب فيه موضوع عن نفسي لاني الصراحة شفت اردودكم اتريح النفس ومنطقية والواحد يعرف كيف يتصرف في مشكلته ...
    انا مشكلتي بدت من قبل ما اعرس لاني عشت حياتي بدون ام ولا اب ومع يدتي وكان تعاملنا في البيت انه الولد والبنت واحد وما في تفرقة ما بينا وما كان في ريال مسؤؤل عنا فنحن الي كنا نداري امور البيت المهم انا تلقيت الكثير من التحرشات قبل ما اعرس ولكن دوم كنت ادافع عن نفسي وكنت الحمدلله بنفسي احل موضوعي لاني مارست واايد مهارات بس عشان احمي روحي ...
    الصدمة بدت يوم كنت صف سابع تلقيت تحرش من خالي وانا كنت راقدة فتحت عيوني وصارت ضرابة بيني وبينه كبيرة لدرجة نزف دم لاني رميت عليه قلاص بس الحمدلله مب انه زنى ولا شي ..
    المهم يدتي درت بالموضوع وطردته من البيت بس ترى مب انا الي تكلمت لاني ابدن ما الجئ لحد ...
    ونهت سالفتة ,,,
    والصدمة الثانية وهي اقوى لقيت تحرش من ريل خالتي يوم كنت صف عاشر كنت راقدة في بيت خالتي وتحرش فيني ,,, عاد مني انا صدمت صدمة كبيرة لانه كان اعتبرة ابوي اهو كان يدرسني ياخذني من المدرسة يحل مشاكلي في المدرسة كيف حن على خاطرة يسوي فيني هلشي كنت هو كان يدافع عني يوم تصير ضرابة في البيت ... وكنت واااايد اغلي هالانسان لاني صدق لقيت منه الحنان ,,,, لكن انه يتحرش فيني ...صدمة ماعرفت شو اسوي خفت اتكلم اهدم بييت بكبرة ويصير طلاق وحرام عندهم اعيال وخفت انه ايجذب وينكر ويصير الموضوع ضدي ... سكتت عن الموضوع وقلت انا بحله بنفسي ..
    المهم نحن متعودين النظام انه يوديني المدرسة ويدرسني وجي فماعرفت شو اسوي فكنت اطلع الفير من البيت واروح تكسي المدرسة ,,, عشان ما يوصلني والقهر انه كان كل ما يلقاني روحي في غرفة او شي ايي ويتحرش... المهمة هددته اكثر عن مرة ماينفع ,,, ووالله كان ما يستحي وقوي عين ,,المهم انا قمت ابتعد كل ما ايي بيتنا اطلع برع البيت اروح الفروسية او بيت اربيعتي لين الفليل يطلع برع بيتنا ارد البيت وكنت احاول قد ما اقدر اتحاشاه ,,, المهم خفف من التحرش ماله وعدت سنة وانا تزوجت من احسن انسان في الدنيا وكان هالانسان شاريني صدق ووايد يحبني سبحان الله شوفي كيف الله يعوضلج سلب مني اغلى ناسي بس عطاني احلى شي شفته في حياتي انسان الصراحة ماعلية كلام مهندس وامه تحبني حيييل وتعتبرني بنتها المهم ,,,,
    الصدمة الثالثة انا عرست وهذا الانسان الي خذته شفت فيه كل الخير قلتله عن ريل خالتي عشان يوقفه حده لانه كان خوفي يرد يتحرش فيني وانا معرسة عاد شو صار يوم خبرتة خاف علي واايد وغيرته ذبحته وما كان يرقد ليل نهار ...وانا الصراحة ارتحت لاني خبرته ,,,, انه يوقفة حده ,,,,بعد شهوور انا حملت ويبت ولد وفجأه رحت بيت هلي ,,,, ورد ريل خالتي وتحرش فيني ....ياسلام ,,, عاد مني انا ما كنت بسكت ,,, المهم ,,,, قلت انا رمست وقلت حق ريلي في البداية وجلب علي ,,, ووايد شدد علي ,,, قلت خلني احل مصيبتي انا ,,,المهم حضرته ريل خالتي تم يتصل علي وتلقيت منه اكبر تهديد ,,, وانصدمت منه والله قالي اذا فتنتي او قلتي شي ,,, وصارت مشكله عودة بقولهم انه زنى معاي ,,,وقسمن بالله ماشفت انسان ما عنده ذرت احترام او خووف ,,,,المهم طقعتله ,,, قلتله روووح زييين ,,, وفريته ومشيت المهم ,,, بعد مرور سنتين حملت مرة ثانية وشو صار كنا في عزيمة ببيت خالتي وتمينا لين الفليل ريلي تعب اشوي انسدح على الكرسي الي في الممر المهم انا قمت تعشيت ورحت اغسل ايدي وانا ماشية زخني ريل خالتي من ايدي ويحاول يتقرب مني يداام ريلي اهوو على باله انه راقد المهم قام ريلي طاح فييه ضرب قسمن بالله لعن خامس خامسة ,,, وانا ما عورت راسي وياه لاني انا عارفة روحي ما مسوية شي غلط اهو الي يتحرش فيني ,,,,
    شوفو الصدمة مني ,,, ريل خالتي قالهم انه زنى معاي لكن قسمن بالله انه ما صار هلشي تمنيت اني ماكنت معرسة عشان ايبين وريلي انصدم وانا انصدمت ياه عندي يسألني قلتله مستحيل وحلفت له على القران انا واثق من نفسي ما سويت هلشي ,,, تخيلوا بعد حلفي وكل شي خالتي ييت وطاحت فيني وقالت هاي جذابة من يومها عاد ترى انا وخالاتي دووم تصير بينا خلاف قبل اهي استغلت المووضوع ,,, وخذت راس ريلي تميت الاسبوع الاول كلهم واقفيني ضدي وادعي ربي شو اسوي مااعرف بس قلت بصبر الله ما يظلم عبيدة والله يا بنات صبرت بس اسبوع وباان كللل شي ,,,, وطلعت انا الصح وهذاك الجذاب المهم ريلي اعتذر مني لانه كان ما مصدقني في البداية وواقف ضدي بعدين وقف معااي وما خله اي حد يقول كلمة غلط عني لانه خلاص بان كل شي ,,,, المهم بعدهااا بفترة شووو صاار ...
    قلت الحمدلله انه خلاص كل شي انحل ,,, وجي ,, تعالوا شوفو شو صار القى تهديدات على فوني ,,, وريلي خااف علي واااااااايد لدرجة خذا موبايلي وما يخلين اطلع لانه يخااف حد يشوفوني ويسويلي مشاكل ,,,,, بنااات انا سجلني ريلي قبل في جامعة وكنت رايحة اقدم ليسن تخيلوا انه كل هذا الحين حرمني منه ,,,, وانا وااااااايد متضايقة لاني احس اني مالي ذنب في هلشي بس صدق اغلبيتهم قالولي غلطتج انج سكتي زين انا تكلمت في البداية قلت حق ريلي ولا سوا ولاشي الا زاد الطين بلة ... المهم الحين يمكن ما مرت على السالفة غير شهور بسيطة بس انا سألت ريلي ليش حارمني زين من دراستي قالي انا خايف البنات يسونلج مشاكل او في التلفون حد يكلمج يسويلج مشاكل او تظهرين ويسونلج مشاكل ,,,,, بس والله انا حاسة روحي حبيسة في البيت وما اعرف شو اسوي اكثر عن جي ,,,احس اني انظلمت واااايد , قولولي شو الحل يعني خلاص انسى دراستي وكل شي زين انا ما سويت شي ليش انحرم من كل شي ؟؟؟؟؟؟

  2. #2
    نجمة برونزية


    رقم العضوية: 83033

    تاريخ التسجيل
    22 - 03 - 2008
    الدولة
    بــوظــبــي
    مشاركات
    2,585

    افتراضي

    حاولو تنقلون لامارة غير عن إمارتكم عسب تبتعدون عن المشاكل



    "اللهم صوِّره في أحسن صورة ونجِّه من كل تشويه ومرض"



  3. #3
    نجمة براقة


    رقم العضوية: 8261

    تاريخ التسجيل
    17 - 08 - 2006
    الدولة
    أبوظبي
    مشاركات
    759

    افتراضي

    إنتي ريلج يوم حرمج مب لأن مب واثق فيج... لأن خايف عليج...
    يعني هو معاج مب ضدج...
    إنتي يلسي وياه في وقت يكون راااااايق فيه.. قوليله أبي أكلمك في موضوع..
    قوليله مابي حياتي توقف عشان إنت خايف تستوي لي مشاكل....
    لا دراسة لا ليسن لا مستقبل مب حالة.... قوليله لازم أكمل حياتي....
    أبي أشوف نفسي ومستقبلي... لين متى بتم محبوسة في البيت....
    حاولي تفهمينه بأسلوبج وطريقتج...
    الله يعينج والله...
    اقري سورة البقرة كل يوم... أمورج بتصير أحسن ما يكون....

  4. #4
    نجمة برونزية


    رقم العضوية: 192194

    تاريخ التسجيل
    08 - 04 - 2011
    الدولة
    على أرض تستحق التقدير
    مشاركات
    1,007

    افتراضي

    حسبي الله ونعم الوكيل
    شين وقوة عين
    انا رايي من راي الاخت
    الانتقال اريح
    وربي يفرج عنكم

  5. #5
    نجمة


    رقم العضوية: 201925

    تاريخ التسجيل
    30 - 07 - 2011
    مشاركات
    163

    افتراضي

    الله ينصرج يارب ويظهر حقج

    بس اختي بعد ماتزوجتي ليه تروحين بيتهم يعني وقت العزيمه بما ان بيئتكم عادي ممكن تتوايهين ويا ريل خالتج

    ممكن اروح لخالتي صلة رحم يوم بتأكد ان شبه الرجل هذا محد

    لاحول ولاقوة الا بالله

    كيف هالقلوووب وكيف هالبشررر

  6. #6
    نجمة لامعة


    رقم العضوية: 182993

    تاريخ التسجيل
    08 - 11 - 2010
    الدولة
    لأمارات العربيه
    مشاركات
    549

    افتراضي

    حبيبتي قصدك اكثرث فيني كثير.........بس حلو إنك خبرتي زوجك الحمدالله .......وترى ربي بوفقك
    بس صدقيني زوجك خايف عليك ........يعرف انه راح يذوك .......انصحك نصيحه حبيبتي خليك ورى ريلك احســـن وهو عارف ايش يسوي عشان كده لاتتغطي عليه .........بقلك كوني اطلعي وياه زوجك نهايه لاسبوع ..
    يعني غيري جو..........بس وبالبيت انشغلي باي شي سويلك اي شي حبيبتـــي وربي إنشالله بوفقك وبيبعد عنك كل سوء

    بس انتي عاد ادعي كثري من لاستغار وفي دعاء
    اللهم احفظني من فوقي ومن جنبي ومن تحتي واحرسني بالملاكتك المقربه .

    اختي كثري من الدعاء لربك عشان يحفظك وشكرا .........


    [I]للهم بارك لي في بنتي ميـــــــــــــرا

    ولا تضــــــــــرها ووفقهــــــــــــــــــا
    لطاعــــــــــــــتك

    وأرزقـــــــــــــني بــــــــــــــرهـــــــــــا

    أمــــــــــــين يــــــــــــارب العالمـــــــــــين.



  7. #7
    نجمة فضية


    رقم العضوية: 135394

    تاريخ التسجيل
    05 - 07 - 2009
    الدولة
    في دار الفناء
    مشاركات
    5,282

    افتراضي

    مبين عليج اختي شخصيتج مهزوزة و ضعيفة
    و هاي من صفات اكثر ضحايا التحرش الجنسي
    الحل انكم ( انتي و ريلج ) توقفون هالبهيمة عن تصرفاته و لو اضطريتوا انكم توصولونه للسجن و اقطعي علاقتج بخالتج نهائياً لانها وجودها شر في حياتج ، و الصيبة العودة انها واقفة مع هالعوي اللي عندها و سبحان الله الخبيثون للخبيثات .
    الحل الحين انج تصبرين شوي و مردها الامور بتهدأ و ريلج بيتغير و بيعطيج حريتج شوي شوي و بتبدين تطلعين بس عطي المسأله وقتها
    و لو سمحتي قوي شخصيتج ع هالذيابه اللي عندج و صيري شرسه معاهم و الشرطة اقرب طريق لج في حاله تجاوزوا حدهم
    و ريلج اسمعي كلامه و شوره و مردها الامور بتتحسن و دوام الحال من المحال !


    سبحان الله و بحمده ، سبحان الله العظيم



صفحة 1 من 14 12311 ... الأخيرةالأخيرة


المواضيع المتشابهه

  1. حتى أخويه تحرش فيني وأنا صغيرة..!!
    بواسطة عيمية حلوة في قسم : التنمية البشرية و تطوير الذات
    مشاركات: 150
    : 2009-12-08, 08:35
  2. مشاركات: 73
    : 2008-10-13, 22:12
  3. خالتي ضيقت فيني
    بواسطة بنت القمر في قسم : التنمية البشرية و تطوير الذات
    مشاركات: 14
    : 2008-02-17, 11:53

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading