لـ جسم خآآآآآآلي من شوارع الخطوط البيضاء ~~ 94% ولله الحمد ..

**قطوه صغيره** · 2011-08-13, 19:55

الموضوع منقووووووووووول من المبدعه عابره سبيل اديتها

ونقلت لكم الموضوع عسب تستفيدون وتتخلصون من هالمشكله حبايبي

سووري حبايبي كنت بنزل الموضوع قبل بس كان ماعندي وقت عسب احمل الصور بس جفت واايد بنوتات يبون حل لهالمشكله قلت احط الموضوع اديتكم ........,

بسم الله نبـدأ ..

حبيباتي انا أأومن و بشده بهذي المقوله ( لكل داء دواء) ..
انتي فقط توكلي على الله ثم حطي في بالك هالمقوله ..

مين فينا ما يعاني من الخطوط البيضا .. اتعبت الكل .. ( الا من رحم ربي ) ..
يعني تلاقين عندك لو خط صغيييير ما يبين بس ودك تقشعينه .. تحسينه ينرفز ههههه ..

في معلومه عند البنات خاطئه .. و هم انهم ما يفرقون بين السيلوليت و الخطوط البيضا ( السترتش ماركس ) ..
على بالهم كلهم واحد .. عشان كذا حبيت اوضح لكم بصوره ..

هذي الخطوط البيضا + الحمرا .. اما السيلوليت فهو شي ثاااني ..

طبعا غالب هالخطوط تتركز في الفخوذ - البطن - المؤخره ..

من التجارب اللي جربتها ..

كريم افالون .. Strech Mark cream

نفس هذا بس اخذته عصار ..

النتيجه:
استعملته لين خلص الكريم و كأنه كأنه كأنه انطفت لمعة الخطوط البيضا شوي ..
ممكن يفيد اذا اخذتي كريم ثاني و ثالث .. مذكر المده اللي استخدمتها ..

كريم بانثينول ..

النتيجه:
استخدمته لمدة شهر وخفت الخطوط بنسبة 5% بس ..

زيت الزيتون + ليفه خشنه:
هذي طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه الخشنه و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
استخدمتها 3 مرات صارت تعورني مررره اذا انقلبت حمرا ..
و طول اليوم اتألم .. مع ان بشرتي مو حساسه .. فـ وقفتها ..

ملاحظه/ تختلف البشرات فـ هو يضبط معها بس معي ما ضبط ..

زيت الزيتون + ليفه عاديه (ناعمه):
هذي ايضا طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه العاديه (ناعمه) و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
مذكر المده اللي استخدمتها لكن ..كانت مع كل شاور ..
لكني ماشفت نتيجه ابد

------

هنا حطيت ستووووووب .. الوقت يمر و الخطوط ثابته ساكنه لا حرك ولا شي ..
و بديت اشتغل بهالبحوثات .. كثير يمدح كريم زبدة الكاكاو .. و الشيا .. و زيت جنين القمح ....الخ ..

خلاصه بحوثاتي كانت .. اكثر الاشياء اللي تجيب نتيجه هي:

- زبدة الشيا ( لها دور في تخفيف الخطوط البيضا و التنعيم)
- زبدة الكاكاو ( لها دور في تخفيف الخطوط البيضا )
- الكولاجين ( يجدد لك طبقة الجلد التالفه )

ملاحظه/ لا تخافون حبيباتي كملوا الموضوع وكل شي متووووفررررررر و يمكن عندكم فالبيت ..
و موجود بالصيدليات و بعض العطارين ..

لقيت زبدة الشيا في لوكسيان - الظهران مول .. بس العلبه صغيييييره ماتكفي شي ..
و بغيت زبدة الكاكاو من بالمرز وما ألقى الا الحجم الكبييييييير ..
و انا مو من النوع اللي اشتري من النت و كذا .. ما احب ..

و تعرفوني حبيباتي احب استخدم اشياء ما تكثر عن 50 ريال .. ولو زاد يزيد بـ شي معقول ..
مو بخل والله .. بس كثير رميت فلوسي على منتجات غاليه ما جابت معي أي نتيجه ..

المزيد من آخر المواضيع من نفس القسم:

**قطوه صغيره** · 2011-08-13, 19:55

اللي بقوله لكم ما بيكلفكم شييي .. كل اللي تحتاجونه شيئين:

- كريم ريينيوول ( Renewal ) البنفسجي من فازلين ..
- كريم زبدة الكاكاو و الشيا من فازلين .. ( العلبه المدوره و ليست الطويله ) ..

ملاحظه/ بعض الاخوات يبالغون لما يقولون ريحته تلوع الكبد و بغينا نستفرغ ..
بصراحه ريحته اقل من عاديه .. و اذا تشربته البشره يروح على طول ..
انا اختي تحب ريحته ..

و كريم فازلين المدور يحتوي على ( زبدة الكاكاو + زبدة الشيا ) مع بعض ..

انتبهوا يا بنات انا قلت العلبه المدوره و ليست اللوشن الطويل ..
لان اللوشن يحتوي على زبدة كاكاو و فيتامين E و ليست زبدة شيا ..

يعني الاختصار المفيد هالصوره تعبر ..

----------------

النتايج :

مدة استخدامه:
عندي خطوط بيضا في:

صدري: اسبوعين ونص ..
جوانب بطني: اسبوعين ونص ..
اسفل ظهري (بداية المؤخره): 3-4 اسابيع ..
الفخوذ: 3 اسابيع ..

كيفية استخدامه:
كريم زبدة الكاكاو و الشيا: العصر او الصبح
كريم رينيوول: قبل النوم

حطيتهم بدون لا تدليك ولا مساج ولا شي ..
فقط لين تتشربه البشره و ألبس لبسي

ملاحظه/ اذا بتحطينه الصبح او العصر لا تتعرضين لأشعة الشمس ..
لان معروف منتجات فازلين بالشمس تسمر .. وهذا مكتوب خلف كل علبه ..

الخطوط البيضا:
في اول اسبوع راح تحسين ان لمعة الخطوط البيضا تنطفي .. ثم بعدها بتخف بالتدريج ..

الخطوط الحمرا:
في اول اسبوع راح تحسين ان لونها ينقلب للبني .. ثم بعدها بتخف بالتدريج ..

النتيجه:
صدري: اختفت بنسبة 98%
جوانب بطني: اختفت 95%
اسفل ظهري (بداية المؤخره): جهه 96% .. و جهه 90%
الفخوذ: جهه 100% .. جهه 99%

مدة النتيجه:

صدري: اختفت بعد اسبوعين ونص
جوانب بطني: اختفت بعد اسبوعين ونص
اسفل ظهري (بداية المؤخره): جهه اختفت و جهه بقى لها شوي
الفخوذ: جهه اختفت و جهه بقى لها شييييي يذكر (ما تبان ابد)

ملاحظه/ احيانا اسحب كم يوم لاني اضطر انام خارج البيت وما تكون عندي العلب ..
( ممكن تلاحظين الخطوط تخف في اقل من مدتي انا .. لان كل وحده تختلف خطوطها عن الثانيه
يعني حطوا في بالكم ان الخطوط البيضا اساسا يبيلها 3 شهور لكن الحمدلله جبت لكم شي بأقل بإذن الله)

السعر المستخدم كله:

33 ريال ونص ..

كريم رينيوول: 26 ريال ونص ..
كريم زبدة الكاكاو و الشيا: 7 ريال (العلبه الصغيره) ..

للامانه انا استخدمت علبه وربع من كريم زبدة الكاكاو و الشيا ..
يعني الاجماعي: 40 ريال ونص ..

ملاحظه/ صيدلية النهدي تبيعه بـ 8 ريال .. اما الدواء تبيعه بـ 7 ريال ..
--------------

للمعلوميه//
هالكريمات عطيتهم:
امي: زنودها الخطوط البيضا خففت كثيييييير
اختي: خطوطها حمرا (في بطنها) خفت كثييييييير مع انها ما تداوم ابد ابد ..
خالتي: خطوطها البيضا في زندها رااااحت
خالتي الثانيه: دكتورها قال لها مافي فايده من هالخطوط مافي شي يوخرها .. الليزر فقط يخففها ..
وكانت فاقده الامل .. ولما شافت الخطوط عندنا راحت انصدمت و بتستخدم هالكريمين بإذن الله ..

-----------------
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم انكم تدعون لعابره سبيل وتدعون لي بالخير ...........,

**قطوه صغيره** · 2011-08-13, 20:04

حبايبي ويييييين الردود؟؟؟؟؟؟؟؟؟؟؟؟؟؟؟؟؟؟؟

**يا لبيهـ** · 2011-08-13, 20:30

ياااااااااااي من اضعف راححح اجربه على طول ..

بس من اروح السوق راح بشتريه والحين بكتبهم ..

ويزاج الله الف الف الف الف خيييير ...

وااو اخيرا نلقا حل ..

**الفدعانية** · 2011-08-13, 20:32

شي طيب......

**mischocolat** · 2011-08-13, 21:31

جزاج الله خير حبوبه وان شاءالله البنات يستفيدن من هالتجربه

**hope09** · 2011-08-13, 22:25

للرفع

**مالها وجود** · 2011-08-13, 22:39

يزاج الله خير اختي على طرح تجربتج

***شموسه دبي*** · 2011-08-13, 22:48

يزاج ربي الف خير
وان شاء الله بجربه

**çϋтê мéмë** · 2011-08-13, 22:55

مشكوره عالافاده وماقصصصرتي ^^

**um yazan** · 2011-08-13, 23:04

شكرا عالموضوع انشالله يجيب معي نتيحه يارب

**سمــو ذاتــي** · 2011-08-13, 23:10

بكتبه في أول لستة السوبرماركت

يعطيها ربي كل خير الغالية عابرة سبيل على هالوصفة والتوضيح

ويزاج ربي كل خير عالنقل

انا تعبت مع اني عصقولة لكن في اماكن فيها ستريتش مارك

جربت زيت جونسن مافاد \ جربت كريم بالمرز مال الحمل بعد مافاد

بجرب منتجات فازلين وان شاء الله بسجل ملاحظاتي اول بأول

وان فاد وياي بسدح تجربتي ^^

لأني حاليا استخدم اشياءات وان فادن وياي بكتب تقرير عن تجربتي

ادعيلي انه الاشياء تييب فايدة وياي ^^

**فوعة الفلي** · 2011-08-13, 23:12

جزاج ربي الجنه بجربها

**أسيرة الماضي** · 2011-08-13, 23:17

تسلمين الغالية على الموضووع

وجاري التجربة

**M!ss~Mo0oN** · 2011-08-14, 00:56

تسلمين ع الوصفه والله اني تعبت من هالخطوووووط انشا الله بجرب وصفتج وبخبرج بالنتيجه

الموضوع: لـ جسم خآآآآآآلي من شوارع الخطوط البيضاء ~~ 94% ولله الحمد ..

أدوات الموضوع

عرض

لـ جسم خآآآآآآلي من شوارع الخطوط البيضاء ~~ 94% ولله الحمد ..

المزيد من آخر المواضيع من نفس القسم:

المواضيع المتشابهه

الخطوط البيضاء

أخيراً وداعاً للخطوط البيضاء مع إنفراده و سبق لا مثيل له كريم لإزالة الخطوط البيضاء

الدفعه الثالثه من البودره البيضاء ولله الحمد

أخيراً وداعاً للخطوط البيضاء مع إنفراده و سبق لا مثيل له كريم لإزالة الخطوط البيضاء