تذاكر الدرجة الأولى والبزنس طيران الاتحاد بسعر خيالي جدا... بس محتارة .. شو رايكن؟

**جودي أبت** · 2011-08-07, 01:28

السلام عليكم

شحالكن خواتي

عساكن كلكن بخير وسهالة

ادريبكن ما بتقصرن وياي

الله يسلمكن .. قصتي قصة

من زمان خاطري اسافر لامريكا.. شيكا بيكا
وتعرفون مسافة السفر وايد طويلة
وخاطري بــ
الدرجة الأولى فطيران الاتحاد ( الدرجة الماسية الأولى)
آخر دلع كباين خاصة ....... الخ

او درجة رجال الاعمال

بس الاسعاااار ناااااااار الصراحة

لكن يتلنا الفرصة

والحمدلله حصلنا تذاكر من واحد يبيع تذاكر البزنس والدرجة الاولى لطيران الاتحاد... طبعاً بسعر اقل وااايد عن سعر التذكرة
فعطانا بسعر واايد حلو اقل بوااااايد بخصم خيالي

الحين عن الهذرة الزايدة وخلصينا

اقوللكم قصتيه عشان تساعدونيه

وتعرفون انها فرصة يتني اتمنى تساعدوني فيها

الله يسلمكن انا الحين ابي اعرف الفرق بين درجة رجال الاعمال والدرجة الماسية الأولى للي جد سافرن فيها

لان الاسعار اكيد تفرق...

شفت في موقعهم بس ما كاتبين بالتفصيل يعني بس الاكل المختلف والتلفزيون والمقعد واسال مجرب ....

ارجو من اللي سافرت على الدرجتين اتخبرني بالفرق
واترقب آراءكم ومشورتكم

والرحلة طويلة لي امريكا ويفضل فيها الدرجة الاولى او البزنس لطول المسافة
والسعر الصراحة مغري والسفر بيكون بإذن الله مب الحين ع نهاية السنة
بس عشان الحجوزات
انتظركن ...

ولكن كل الشكر والتقدير مقدماً*

المزيد من آخر المواضيع من نفس القسم:

**فجر المعاني** · 2011-08-07, 03:25

دام حصلتوا سعر حلو .. فخذي الأغلى .. واعتقد الفرق بين الدرجتين هي ميزة الكباين !! وافضل لج الكبينة للخصوصية ... تبين تعقلين شيلتج .. تنسدحيين .. محد يجوفج

**حُرّة** · 2011-08-07, 04:16

والله مدري شو الفرق
بس اذا الاسعار متقاربة وماعندج مشكلة ف انج تاخذين فالدرجة الاولى
توكلي على الله
اكيد امتيازاتها متفوقة على درجة رجال الاعمال

**جودي أبت** · 2011-08-07, 04:59

المشاركة الأصلية كتبت بواسطة فجر المعاني

دام حصلتوا سعر حلو .. فخذي الأغلى .. واعتقد الفرق بين الدرجتين هي ميزة الكباين !! وافضل لج الكبينة للخصوصية ... تبين تعقلين شيلتج .. تنسدحيين .. محد يجوفج

بعد فكرة مافكرت فيها قبل

الكبينة حلو فيها الخصوصية وخاصة للسفرات الطويلة

مشكورة الغالية ع رايج

المشاركة الأصلية كتبت بواسطة حُرّة

والله مدري شو الفرق
بس اذا الاسعار متقاربة وماعندج مشكلة ف انج تاخذين فالدرجة الاولى
توكلي على الله
اكيد امتيازاتها متفوقة على درجة رجال الاعمال

هو اكيد في فرق في السعر لانه بالاصل شي فرق في السعر الاصلي خاصة لامريكا
بس بعد مثل ماقالت الاخت فجر .. عن موضوع الكباين

مشكورة الغالية ع رايج

والله يسهل الامور

**~..أم الدويس..~** · 2011-08-07, 12:21

ماعليه اسال كيف حصلتوهن واذا في مجال نحن ناخذ منه ؟!

انا رديت على البزنس من امريكا.. ورقدت طول الدرب براحه .. اذا مافيه فرق بالسعر وايد خذي الاولى اكيد احسن واريح

وتروحين وتردين بالسلامة

**جودي أبت** · 2011-08-07, 14:17

المشاركة الأصلية كتبت بواسطة ~..أم الدويس..~

ماعليه اسال كيف حصلتوهن واذا في مجال نحن ناخذ منه ؟!

انا رديت على البزنس من امريكا.. ورقدت طول الدرب براحه .. اذا مافيه فرق بالسعر وايد خذي الاولى اكيد احسن واريح

وتروحين وتردين بالسلامة

هي الغالية هذا أخوي يعرف وااحد .. يبيعهن ..

بسأله .. وبطرشلج الرقم ..

بس لازم تحجزين قبل بفترة .. ..

هيه أنتي مجربة البزنس عيل .. تعرفين هو عطانا البزنس أقل عن سعر الشركة بـ 4 آلاااف تقريباً

بس الدرجة الأولى عطانا بخصم وااايد حلو أقل بــ 10 آلااف تقريباً إذا ما غلطلت في الحسبة ..

صح بتكون أغلى عن البزنس .. لكن أريح ..

والدرجة الأولى للندن عطانا أقل بـ 15 ألف .. واكثر عن البزنس بس بـ ألفين اتخيلي .. > وااايد حلو .. بس بعد خاطري بأمريكا

والمشكلة ان الاختيار علي عسب جي محتارة واااااااااااااااااااااااااااااااااااااااااااااايد

و بعدني أتشاور عليها .. <أمريكا>

ونحن بس بنكون شخصين ..

شكلي بستخير وبتوكل ..

**جودي أبت** · 2011-08-07, 14:19

خواتي اللي يطرشن لي يبن يعرفن سعر التذكرة ..

الغاليااات أنا ماااااااا أعرف السعر بالضبط لأن أخوي هو اللي رتبلنا ..
بس كتبت اللي أعرفه في الرد السابق

واللي يسألني عن الطيرااان .. والطريقة
وليش ما كتبت التفاصيل ع العام

أنا ما اباا اسوي دعاية عسب ما يحذفون موضوعي ..

ولأ أنا مستفيدة شي منهم

إلا جان انتو بتدعون لي

والسموووووووووحة

بس كتبت عسب الرسايل اللي قاعدة اتييني..
واللي حابة بعد ما بقصر وياها باللي أقدر عليه
وما أبا غير دعوة حلوة إن نتوفق
وإن الله يشفي مريضنا ..
وكل مرضانا ومرضى المسلمين

والسمووووحة

**الـدماني** · 2011-08-07, 16:19

موفقة حبيبتي

**جودي أبت** · 2011-08-07, 20:52

واياااج ان شاء الله

**Um Rashid 09** · 2011-08-07, 21:54

حبيبتي ممكن رقم الريال

الله يوفقج عزيزتي

**miss pure** · 2011-08-07, 22:47

أكيد اختاري الأولى =)

ممكن رقم الريال اللي سوالكم الخصومات !!

**حــــلاوه** · 2011-08-07, 23:03

لا اله الا الله

**أم منصور2002** · 2011-08-08, 01:08

اختي انا مجربه البزنس وايد مريحه بس على فكره ترى التذاكر مب اكيده تعتبرون من الطاقم ولازم تلبسون البس الرسمي وبعدين خليه ياكد لكم الحجز لا تتوهقين فيهن

**أم منصور2002** · 2011-08-08, 01:12

خواتي لي عطاهم الخصم يشتغل في طيران الاتحاد وله عدد معين من التذاكر يعني اعلا منصب يكون له عشر تذاكر
وهاذي التذاكر مش مضمونه يعني تكون الاولويه حق لي حاجز منهم يعني ياخرون الستاف فهمتو

**جودي أبت** · 2011-08-08, 03:08

هلا اختي ام منصور

الغالية .. خواني متأكدين من التذاكر
اخوي يعرفه وريلي بعد متأكد
ويقول لي تذاكر عادية مش تذاكر الطاقم لان الريال مايشتغل في طيران الاتحاد
يشتغل مع اخوي في مكان ثاني

شككتيني الصراحة للحظة
بس عقب اتذكرت ان اخواني حجزوا من عنده تذاكر للعمرة وكانت عادية ومضمونه
لانها مب تذاكر الطاقم

يمكنعنده خصم خاص او نقاط او شي ما اعرف
المهم ان تذاكره مجربينها اخواني قبل وكل شي فيها عادي
حراام لا تحطموني .. خاطري اتوفق

وإن شاء الله يوم بييب تذاكرنا بتاكد اكثر

*>> ع العموم هذا مو موضوعنا

>> حراام لا تحطموني

المهم انا تقريباً استقرينا على الدرجة الاولى
ادعولي بس ما تتغير الوجهة

وماحد يغير راي بو الشباب

وما ازلت انتظر نصايحكم

الموضوع: تذاكر الدرجة الأولى والبزنس طيران الاتحاد بسعر خيالي جدا... بس محتارة .. شو رايكن؟

أدوات الموضوع

عرض

تذاكر الدرجة الأولى والبزنس طيران الاتحاد بسعر خيالي جدا... بس محتارة .. شو رايكن؟

المزيد من آخر المواضيع من نفس القسم:

المواضيع المتشابهه

للبيع تذاكر طيران الاتحاد بسعر حلو (بزنس وفيرست كلاس فقط)

اسعار تذاكر طيران الاتحاد لماليزيا.......