علاج نهائي لمشاكل الغدة الدرقية والتكيسات ولخبطة الهرمونات

[عنقاشة كاشخة]

السلام عليكم ورحمة الله وبركاته..

بنات حبيت انقل لكم هذا الموضوع المفيد.. واللي انا باذن لله ببدا اطبق اللي فيه..
لانه عندي مشكلة بالغدة الدرقية..
القسط الهندي


معلقة صغيرة من محطون القسط الهندي 3 مرات باليوم بالصباح والظهر وبالليل
مثل لهوم واشربي معه ماء الجرعة فقط معلقة صغيرة و3 مرات يوميا
القسط الهندي طعمه مر ولونه بني
ملاحظة القسط الهندي وليس القسط البحري لأنه فيه اختلاف بينهم
القسط الهندي لا يستخدم في الايام الأولى للدورة الشهرية
و يجب عليك عدم ترك الحبوب الغدة الثروكسين إلا بامر من الطبيب وبعد التحليل
القسط الهندي يعالج كسل الغدة الدرقية وممكن يتم الشفاء النهائي على حسب الحالة
والله هو الشافي وربما بعد ثلاث شهور أو اكثر أو اقل تشعرين باختفاء الأعراض
وربما يبشرك الدكتور انك لا تحتاجين للحبوب
وأعملي تحليل عند الدكتور و المراجعة و لا تتركيها إلا بإمر من الطبيب وكثير ولله الحمد استغنوا عن الحبوب
ويفضل استخدام الرقية الشرعية لأن الغده اكثرها تجي بسبب العين او أسباب أخرى
قصص مجربين البنات شفيوا بفضل من الله ثم بالقسط الهندي لأنه يعالج الهرومانات و تكيس المبايض وكثير من فوائد

طريقة تحضير القسط :
1- يكسر العود إلى قصع صغيرة و الأفضل أن يكون في هاون حديدي أو بمطرقة مثلا .
2- يطحن في الخلاط حتى يصبح ناعما .
القسط الهندي يدخل في مشاكل الغدد و الهرمونات فهو يعمل على توازن لهما سواء الموتفع أو المنخفض .
منشط عام ، مفيد للأعصاب ، مذيب للكرسترول في الدم و بالذات السيئ ، مفيد لخلايا المخ ، منشط جنسي ، مدر للبول ، طارد للغازات و الرياح ، منقي للدم ، منشط للبنكرياس و هذا مجرب ، مخفض لضغط الدم ، موسع للأوردة و الشرايين ، مفيد لمشاكل المفاصل ، مضاد حيوي قوي جدا جدا ، مفيد لمشاكل الكبد و الكلى ، يقضي على الزكام بخورا ، لمشاكل الجيوب الأنفية سعوطا يفضل القسط الأبيض فقط ، مسيل للدم ( بدلا للأسبرين ) ، مذيب للجلطات بأنواعها مجرب ، يتعب الجن و الشياطين و العفاريت ، و هناك أشياء أخرى لعل في المستقبل القريب نجد من فواءده الشيئ الكثير و يكفي فقط قول نبينا محمد صلى الله عليه و ىله و صحبه و سلم المبعوث رحمة للعالمين ( فيه سبعة أشفية ..... ) .
لا توجد عليه آثار جانبية بل هو كله خير و هو أصل من أصول الطب النبوية ، فكل ما جاء به نبينا محمد صلى الله عليه و آله و صحبه و سلم خير لا يضر .



هذا هو أسمه القسط الهندي أو بالفارسية أو الهندية راسن و المشهور القسط الهندي أو العود الهندي و الله أعلم

تجارب البنات اللي استخدموووووووووه وفادهم
أنا تعالجت شهرين بالضبط .. وكنت آخذ ملعقتين صغار مرة الصبح ومرة بالليل .. وتقدرين تاخذينهم أي وقت خلال اليوم .. يكونون مرتين .. ولا تكثرين .. لأن الشيء إذا زاد عن حده ينقلب ضده .. بعد ما تاخذينه تشربين وراه ماء لأنه شوية طعمه مر .. مو وايد بس يحتاج تشربين وراه ماء علشان ينزل .. وطبعاً تكون النية هي الشفاء من الله سبحانه والسبب هو القسط ..




أنا بعد ما خذت العلاج يومياً بعدها بشهرين اختفت تماماً أعراض الغدة الدرقية وصارت نسبة الأنسولين في الدم معتدلة .. وخفت نسبة هرمون الذكورة بشكل ملحوظ وانتظمت عندي الدورة الشهرية ولله الحمد .. واستمريت بعدها في العلاج بس ما كنت آخذه يومياً .. وبعدها بفترة عملت تحليل للهرمونات .. وعملت تصوير للمبايض علشان أفحص التكيس .. وكانت النتيجة ولله الحمد والمنة إن الدكتورة قالت أي تكيس تقصدين .. إنتي ما عندك تكيس أبداً .. حمدت الله سبحانه .. وطلعت لي نتائج تحليل الدم وقالت كل شيء عندك منتظم .. حتى هرمون الذكورة نسبته في الدم مثله مثل أي بنت .. مع إن وزني ما نزل .. وأنا مو متزوجة ..




والعشبة بعد تنظم الدورة الشهرية إذا كانت متلخبطة عندي .. طبعاً بسبب التكيس وخربطة الهورمونات .. أنا الدورة كانت اتيني شهرين ما توقف .. ويوم توقف أتريا خمس شهور لين ما تنزل .. مع إني بنت موب متزوجة .. وهذا كله رااح بفضل الله تعالى .. والدورة عندي منتظمة مع إن بعدني مليانة .. بس شوفي كيف العلاج سبحان الله





وعن لخبطة هرمونات الغدة الدرقية .. أنا كنت آكل حبوب الغدة .. لا وكان عندي تكيس بعد وزيادة في هرمونات الذكورة .. تخيلي وزني زاد في شهر ونص 15 كيلوا .. حالتي النفسية استوت أرف .. وعالجت عمري بالقسط الهندي .. وهي عشبة مذكورة في الطب النبوي وتقدرين اتسوين بحث عنها وبتتأكدين من كلامي ..




ما بتصدقين إذا قلت لج إن كل الأعراض إللي كتبيتها راحت .. وأزيدج من الشعر بيت .. من أربع شهور عملت سكان للمبايض وتحليل هرمونان .. التكيس راااااااااااااح بفضل الله تعالى .. والغدة تشتغل تمام التمام والإفراز طبيعي الحمد لله .. ويالسة أنزل من وزني وقدرت لين ألحين أنزل 10 كيلوا بفضل الله تعالى .. وهرمونات الذكورة خفت واااااااااايد .. يعني ألحين زايدة عندي أقل من درجة الحمد لله .. وقالت لي الدكتورة هذا طبيعي .. حتى الشعر الغليظ وايد خف .. صح أسوي ليزر .. بس قبل يوم كنت أسوي ليزر والهرمونات متلخبطة النتايج كانت وايد بطيئة .. ألحين كل أربع شهور أسوي مرة .. مع إن ويهي كان مثل الرياييل والله .. وكنت أستحي أراوي ويهي حد ..




اتعالجي بالقسط الهندي .. في منها نوعين .. بني وأبيض .. إنتي استخدمي البني لأن هي المذكورة في الطب النبوي والحديث الشريف.. وهي عبارة عن أعواد يوم بتاخذينها من العطار .. تطحنينها وتاخذين ملعقة صغيرة الصبح ووحدة في الليل ..واستمري عليها يومياً لمدة شهرين .. وعقب سيري سوي تحليل الغدة .. بتتذكرين كلامي .. وإذا شفتي نتيجة إن شاء الله .. أتمنى منج الدعااااء بالتيسير بس والتوفيق في حياتي ..




وبحكيلك قصة صديقة خالتي .. عالجت بالقسط لأنها ما كانت تحمل بسبب التكيس ولخبطة الدورة .. ولما عالجت بكم شهر اكتشفت إنها حامل سبحان الله




ووحده من صديقاتي كانت نفسي .. واستخدمته والحمد لله هي بخير ونعمة ما شاء الله .. ووايد شكرتني لأنها اتخلصت من هالأعراض .. قلت لها هذا من الطب النبوي أنا ما اكتششفته بروحي




وصدق رسول الله إللي ما ينطق عن الهوى .. وإذا تبين بحطلج معلومات عن القسط الهندي




بس القسط لا تستخدمينه أيام الدورة الشهرية .. لأنه ينشط افراز الدم .. فيستحسن ما تاخذينه .. والمرأة الحامل تتوقف عن أكله طبعاً




إذا عندك صداع .. تقدرين تحطين نسبة قليلة جداً على راحة إيدج وتستنشقينه .. سبحان الله تدخل الريحة في الراس ويخف الصداع بفضل الله




وإذا في عندكم أحد يعاني من الزكام .. تحطين أقل من ربع ملعقة في أقل من ربع فنجان ماي وتخلطينه .. وبعدين تشربين قطنة بالماء إللي خلطتي فيه القسط وتقطرين قطرتين ثلاث في كل أنف ثلاث مرات في اليوم أو مرتين .. حسب شدة الزكام .. وإن شاء الله يومين ثلاث ولا كأن كنتي تعانين من الزكام .. وهذي الأشياء كلها مجربة إللي أقول لك عنها




وقرأت بعد إن إذا كان عندك سعال .. تاخذين القسط مع العسل وبإذن الله يتم الشفاء




أختي أنا حاولت قد ما أقدر أفيد البنات في موضوع المتكيسات .. بس الظاهر البنات مهتمين في الدواء الصيدلي أكثر .. وترى الأعشاب إذا ما نفعتك ماراح تضرك مثل الدواء ..




فإنتي انشري هالكلام .. وابحثي في الإنترنت إذا مو مصدقة كلامي .. وبتحصلين كل شيء عن القسط الهندي .. وتقدرين تتأكدين من خلال كتب الطب النبوي بعد


بنااات ارجوكم لا تنسوني من دعاءكم .. والله يوفق الجميع.. ادعولي بالزوج الصالح والذرية الصالحة والشفاء من المرض..

ارجوووكم بنات خلونا كلنا نبدا نستخدمه ونقول النتايج.. سواء مرضى الغدة الدرقية عشان يتخلصون من مشاكل الغدة نهائيا وبدون حبوب.. وبعد البنات اللي يعانون من التكيسات وتاخر الحمل وارتفاع هرمونات الذكورة..

والله يشفي الجميع

بنات هاي صورته قبل الطحن

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الهيجاء]

جزاج الله خير حبيبتي
انا كنت اشربه والحين ومن فتره وقفت بس عيازه لا غير ولو كنت مستمره عليه كنت الحين الحين مرتاحه وان شاء الله من اليوم راح ارجع اشربه........

[الهيجاء]

الموضوع جدا مهم
UP
UP

[عنقاشة كاشخة]

جزاج الله خير حبيبتي
انا كنت اشربه والحين ومن فتره وقفت بس عيازه لا غير ولو كنت مستمره عليه كنت الحين الحين مرتاحه وان شاء الله من اليوم راح ارجع اشربه........

مشكورة فديتج على الرد... ويالله ارجعي وحاولي تستمرين عليه وخلنا نشجع بعض.. بس دامج كنتي تاخذينه خبرينا بالضبط شو اسمه المحلي؟؟ لاني خايفة اروح العطار ما يعرفه او يعطيني شي غلط.. هالويك اند بسير ادوره..

[@مبدعه@]

يزاج الله خير الغاليه

[عنقاشة كاشخة]

يزاج الله خير الغاليه

تسلمين الغالية... الله يرفع قدرج

[FoOo]

جزالك الله خير

[ليتك تفهمني]

اول مره اسمع عنه

بس انصحكم بالمردقوووش وايد يمدحووونه ويعدل الهرمونات

[الهيجاء]

مشكورة فديتج على الرد... ويالله ارجعي وحاولي تستمرين عليه وخلنا نشجع بعض.. بس دامج كنتي تاخذينه خبرينا بالضبط شو اسمه المحلي؟؟ لاني خايفة اروح العطار ما يعرفه او يعطيني شي غلط.. هالويك اند بسير ادوره..

الصراحه انا اختي كانت جايبتنه حقي واسمه قسط هندي وكان مطحون جاهز
اذا كنتي من راك فهو موجود في عطار الامارات في السوق الكويتي

[الهيجاء]

سبحان الله وبحمده
سبحان الله العظيم

رفع

[jameela200]

هيه وايد يمدحونه .. بس انا وحدة ابا احمل يعني .. متى اوقف ؟

[عنقاشة كاشخة]

جزالك الله خير

تسلمين الغالية.. الله يوفقج يا رب

[عنقاشة كاشخة]

اول مره اسمع عنه

بس انصحكم بالمردقوووش وايد يمدحووونه ويعدل الهرمونات

مشكورة على النصيحة الغالية

[عنقاشة كاشخة]

الصراحه انا اختي كانت جايبتنه حقي واسمه قسط هندي وكان مطحون جاهز
اذا كنتي من راك فهو موجود في عطار الامارات في السوق الكويتي

مشكورة فديتج.. انا اليوم سرت العطار وسبحان الله وانا داشة لقيت واحد مواطن موجود عنده وخذ من القسط خمس بوكسات ( مطحون) ويوم ظلع سالت عنه.. قال هذا ياخذه حق حرمته..

وانا خذت منه بوكسين صغار.. مطحون وجاهز وببدا اخذه يوم الاحد او الاثنين لاني لازم اسير اتاكد عند الدكتور اذا عندي كسل والا نشاط الغدة الدرقية..

[عنقاشة كاشخة]

سبحان الله وبحمده
سبحان الله العظيم

رفع

الله يرفع قدرج حبيبتي