لو سمحتي أختي .. أيوا انتي .. بغيتج شوي...

**سنعة بنت سنعة** · 2011-07-13, 00:34

مشكورة عزيزتي . شحالج أختي ؟؟

بغيت أسألج تعرفي حد مجرب مسوي كيراتين للشعر,, خاطري أسوي كيراتين لشعري شفت كمن فيديو عن طريقته ونتيجته خبال .. بس هذا فيديو ماينضمن بغيت تجارب واقعية ..

هاه تشجعيني ؟؟

المزيد من آخر المواضيع من نفس القسم:

**& ذبحني حبك &** · 2011-07-13, 03:52

هلا حوووووبي
إدعيلي بالتوووووفيق،.
اليوم عندي موعد بصالون حياة استايل،.
بسوي كيراتين لشعري،
نوعيته كيراتين كاديفيو،.
يقولون اروع من الجلوبال،.
الله كريم بحط تجربتي بهد ما الله يوفقني(؛*

**لمعة خرز** · 2011-07-13, 05:19

التاجرة برق لمع سوت والنتيجه رووعه شعرها شلال راسليها

**غـــدير** · 2011-07-13, 05:33

ماعندي فكره بالتوفيق

رفععع

**فرح راكـ** · 2011-07-13, 06:00

ماانصحج بالكراتين الدكتوره سعاد لطفي حذرته منه
ترى فالبدايه يطلع الشعر روعه عقب جم شهر يتساقط الشعر
أسألي الخوات الي مجربات من شهوور

**"زوزو1"** · 2011-07-13, 10:01

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

**جرح وحداوي** · 2011-07-13, 10:04

بالتوفيق..

**سنعة بنت سنعة** · 2011-07-13, 10:08

هلا خواتي .. أحد ينصح به وأحد يحذر وأنا محتارة..
ذبحني حبك أختي وافينا بتجربتج...
لمعة خرز ,,,, براسلها ان شاء الله بس هي من كم شهر مسويته؟؟

**سفيرة دبـي** · 2011-07-13, 10:10

هلا ختيه زقرتيني خخخ حلو العنوان

ماانصحج فيه لو شعرج ناعم او متوسط النعومه بعد كم شهر بيخشن

**foullllla** · 2011-07-13, 12:11

الغاليه اانا مسويه الكريستال كيرياتين وحدة لبنانية سوته لي من ثماني شهور تقريبا ولين الحين شعري ناعم وما يحتاج سشوار وانا بعد افكر اعيد عليه حسب الجذور طلعت عندي انصحج فيه نتيجته روعة بس مب اي حد يعرف يسويه له طريقة معينة والكل يعرف هذا اختصاص اللبنانيات
موفقة الغاليه

**بكيزه الدرملي** · 2011-07-13, 13:00

لا تغلطون نفسي ..

والله بتندمون....جذب اللي يقولج صحي وبروتين ومغذي للشعر....فالبداية بتستانسين بشعرج والله بس كم شهر...وعقب بتتصلعين وبيتشربك شعرج وبتنجبرين تقصينه...وليش تقصينه ..اصلا بتتصلعيييين...

انا سويته السنه اللي طافت ..وعقب كم شهر اتشربك شعري وماخليت علاج ما عالجته السشوار ما عقيته من ايدي..وعقب قصو عليه مال الصالون قالو لي لازم ترجعين اتسوينه( وانا الحمقه ما فكرت فيها صح) يعني لو كان علاج جان ما طيح شعري واتشربك...

قمت وسويته بداية السنه في مركز ابولو الحراميه ولا تحرك في شعري ساكن...وما عطيتهم فلوسهم لين يومكم..

وعقب سويته مره ثانيه عند وحده فلبينيه ويا تمليس (بصراحه بدون تمليس ما نزل شعري) خربه الكيراتين

والله رديت اسويه الشهر اللي طاف..اقسم بالله شعري طططططاااااااااحححح
وتقرعت من القصه..تخيلي ..ياينا العيد وما فيني شعر من جدام..

ودري عنج هالخرابيط..وتمي على حمام زيت..والا سيري مركز زين يسوون لج لوريال كريستاس فنان..

والله اللي بيمدحونه تراهم فالبداية..اسأليني انا استانست عليه سنه تقربيا ..تعالي شفي قرعتي ..هي واليبهه سيم سيم..

ما انصحج..

**بكيزه الدرملي** · 2011-07-13, 13:01

انا جربت الكرستال ..وجربت البرازيلي ..وكل زهرمار جربت....لا تسوونه ..يخشن الشعر

**عطر 77** · 2011-07-13, 16:48

ما انصحج فيه ابدا عن تجربه ,, نصيحة لوجه الله لا اتقربين منه

**فن القفطان** · 2011-07-14, 14:50

جربي الكريم الفرنسي

**سماريه دلـع** · 2011-07-16, 18:00

صح والله انا خواتي سوووه عند مركز شارم ودمرت شعورهم

بس اختي الحينه بتسوي ولكن عند صالون او شركه اضني معروفه ومضمونه اذا حابه تستفسرين طرشي لي رساله

الموضوع: لو سمحتي أختي .. أيوا انتي .. بغيتج شوي...

أدوات الموضوع

عرض

لو سمحتي أختي .. أيوا انتي .. بغيتج شوي...

المزيد من آخر المواضيع من نفس القسم:

المواضيع المتشابهه

أختي هل انتي راضيه...

اذا انتي مغربية ممكن طلب لو سمحتي ^^