تجربتي مع LPGوالرجيم البروتيني

**غلا نفسي** · 2011-06-23, 16:14

السلام عليكم ورحمة الله وبركات

مساء الخير خواتي عساكم مرتاحين حبيت اشاركم وافيدكم بتجربتي واتمنى أنه ربي يسر وأواصل على هذا النظام لين اوصل للوزن المثالي ....

طبعا انا ماشالله ماخليت رجيم ماسويته استويت مجمع ماشالله لكن مابنكر بعضهم ياب نتيجه والبعض ولا شي اول رجيم الي هو رجيم نترشون الي ضعفني عشرين كيلو لكن اللاسف رديتهم بفتره بسيطه لانه رجيمه فيه نوع من الحرمان وااايد دقييق لدرجه اذا كنتي باديه فيه من اسبوع ييتي ع اخر الاسبوع لخبطتي جنج ماسويتي شي كل تعبج راح الصراح وااايد خسرت افلوس وبالهبل بس مليت من رجيمهم ودرت فتره بس مواصلة على المشي انا جسمي مشدوود ع رغم متني لاني امشي واايد واشرب ماي واايد بس ماوصلت لنتيجه الي انا اباها والسبب الي خلاني ارد وزني الي فقدته من رجيم نترشن هو اني فيه حساسيه وكنت استخدم حبوب الكرتزون الي ماشالله ماقصرت بالنفخ فودرتها من عقبها بدا وزني ماينزل واذا ينزل ياخذ فتره كبيره فطريت اسوي فحوصات كامله للغده والسكري وكرمكم الله البول والدم عشان اتاكد من سبب عدم نزولي رغم اني ابذل مجهود كبير وبشكل يومي الحمدالله طلعت النتيجه سليمه بس قالت الدكتوره الحبوب كيماويه ولين يظهر مفعولها من جسمج يباله ست شهور .....

تخيلوا معاناتي كل هالتعب مافي نزول بس الجسم ينشد الحمدالله ع كل حال مافقدت الامل لين سبحان الله اشتركت في هالمنتدى وسمعت الكل يطري تكسير الدهون والرجيم البروتيني قلت مب خسرانه بجرب كل شي في سبيل الضعف وبضرب عصفورين بحجر رحت النادي وشتركت عشر جلسات ومن يومها بديت اول يوم كنت متخوفه بس طبعا المدربه شجعتني وقالت لي من البدايه هالجلسات بس تنقص المقاسات مب الوزن الوزن بينزل اذا اتبعتي رجيم صحي وكثرتي من الماي ولعبتي رياضه ....والحمدالله تيسرت الامور وتوكلت ع ربي وسجلت كنت اسوي الجلسه يومين في الاسبوع مع مشي سريع يوميا لمدة ساعه وبعض تمارين للخصر والبطن وكنت اشرب ست دبات ماي يوميا واكثر وتبعت رجيم البروتينات والله الحمد خلصت لين اليوم تسع جلسات وكان البارحه يوم القياس بعد هالفترة من الجلسات انصدمت المدربه من نزولي وتغير مقاساتي الحمدالله نزلت خمسه كيلو ومقاسات جسمي كلها نقصت اثنين ونص انج لكن اكثر شي بطني سته انج لانها كانت تركز اكثر ع بطني لانها تقول البطن اصعب مرحله للنزول في الجسم ..
أسمحولي خواتي طولت عليكم في الكلام فحبيت بس اقولكم مافي احلا من الصحه نخفف من الاكل ونلعب رياضه ومع مساعد بسيط طبعا لايكون حبوب ومواد كيماويه عشان ماتضرنا مستقبلين بتوصلين لنتيجه مرضيه والعامل الاساسي هو توكلج ع رب العالمين وتصفين نيتج اتجاهه وتكون عندج اراده قووووووووووووووووووووووويه أقوى شي اذا انتي ماشجعتي نفسج ماراح تلقين التشجيع من الكل والله يوفقنا اجمعبن ونوصل للوزن المرغوب ويزاكم الله خير والسموحه مره ثانيه ........

المزيد من آخر المواضيع من نفس القسم:

**@مبدعه@** · 2011-06-23, 16:16

مبرووووووووووووووووك وعقبالنا هههه

**اتعبني@غروري** · 2011-06-23, 16:23

جم كلفج كل هدا حبيبتي

**غلا نفسي** · 2011-06-23, 16:25

الله يبارك فيكم الكورس كلفني 2800في نادي الفتيات لاني مب عضوه عندهم بس اذا كنتعضوه بيطلع اقل عليج وانا السبت اخر يوم لجلستي بس برد بكمل باخذ بعد عشر جلست قبل رمضان فقالت لي الجلسه المره اليايه بتكون 2400

**شيخةراك** · 2011-06-23, 16:57

الله يوفقج ان شاء الله

**RoyalDeser** · 2011-06-23, 17:36

اي نادي اختي الشارجة؟

**غلا نفسي** · 2011-06-23, 18:03

نادي الفتيات الي في الشارجه

**HAMS28** · 2011-06-23, 19:52

انابعد بديت بتكسير الدهون من امس ومخففه كميات اكلي وامشي يوميا ماعدا الويكند ٤٥ دقيقه واشرب لترين ماي يوميا وانشالله هدفي الاول هو العيد الصغير وهدفي الاخير العيد الكبير وبالله يوفقج اختي ويوفك كل الخوات

**غلا نفسي** · 2011-06-24, 01:22

وياج يارب تسلمين اختي والله يعطينا ع النيه

**حبة البركة** · 2011-06-24, 12:27

الف لف مبروووك وعقبال النفيخااات بس شو البرنامج الي كنتي تتعبينة يعيي الفطور الغداء العشاء الستيك ويعطيج العافية

**غلا نفسي** · 2011-06-24, 23:24

الله يبارك فيج اختي كنت اتريق بيضتين وخيار الغدا كان دجاج او لحم او سمك مشوي مع شوربه او سلطه العشاء فواكه يا اناناس يا كيوي او اكتفي بعصير فرش وماي واروح امشي ساعه يوميا ماوقف الا بالجمعه ومرات الجمعه امشي بس يكون مشي سريع *

**RoyalDeser** · 2011-06-25, 00:47

انزين منو ال وصف لج الريجيم ؟ النادي ولا من نفسج ؟
وهل ال ال ب ج منفصل عن الرياضة يعني كل واحد مدرية بروحه

**غلا نفسي** · 2011-06-25, 21:25

هلا اختي ال بي جي بروحه ورجيم البروتين انا كنت قاريه عنه ووسالت اخوي بعد وخليته يتاكد من المدرب مالهم فقاله الرجيم البروتيني واايد ينزل واوكي

الموضوع: تجربتي مع LPGوالرجيم البروتيني

أدوات الموضوع

عرض

تجربتي مع LPGوالرجيم البروتيني

المزيد من آخر المواضيع من نفس القسم:

المواضيع المتشابهه

مريتي بتجربة اجهاض ... خبرينا عن تجربتي وشوفي تجربتي انا...

أول تجربتي

أضرار الريجيم البروتيني أو الكيميائي