لا تفوتكم قصة ولادتي فيلم كوميدي

[بنت النور2009]

السلام عليكم ورحمة الله وبركاته

الحمدلله اللي من علي بطفل سليم معافى(حمدان) ربي ان شاءالله يكمله بدينه وأخلاقه
كانت الحمدلله ولادتي بتاريخ ٧/أبريل/٢٠١١
بدأت قصة ولادتي من يوم الاربعاء وكان عندي موعد عند الاستشارية مالتي عشان تتابع حملي لانه كان اخر موعد فالتاسع*يوم سرتلها فحصتني وسمعت البيبي وطرشتني تخطيط وسونار وعقب دخلتني عندها ثاني مرة عشان تقولي شو حصلت *وسوتلي فحص داخلي
ويوم رديتلها قالتلي كل شي طبيعي والبيبي بخير الحمدلله والنفس عندي لينة وفاتح واحد ونص وطبعاً وسعتلي بدون مشاور أكييييد
وقالتلي يبالج تمشين وتشربين حليب ومكسرات وزعتر وحلول او خروع وقرفة وهالشغلات اللي نعرفها
وأهم شي شووووووو؟؟؟؟
منو الشاطرة اللي بتعرف؟؟؟؟

المهم وبيعطوني فرصة للولادة الطبيعية من اليوم لين عشر ايام جدام واذا ماصار يسوولي عملية لان مثل ماتعرفون ان آخر ولادة عندي كانت قيصرية
وكان هذاك اليوم تاريخ 6/4
وطبعاً انا من سمعت طاري العملية قلبي رقص من الخوف وبطني عورني وزاد ويع ظهري وبطني وقمت اتنافض من كل صوب واتصلت لريلي عشان يشلني لاني خلصت الموعد.
ومن ركبت السيارة اول شي قالي ريلي بشري كم سانتي فاتح انبطيت اصيييييح وماقدرت اتكلم وهو انصدم ومن الصدمة ضرب برييييك في نص الشارع وتم متروع يسألني شو فييييج خير خبريني شي يعورج ولا البيبي فيه شي!!!!!؟؟؟
انا تماسكت شوي وطمنته قلتله مافينا شي انا والبيبي بس اذا الدكتورة قالتلي اذا ما ولدت هالاسبوع بيسوولي عملية وانا خايفة وااااايد ومااعرف شو اسوي!!!!!
المهم تم يهديني وقالي شو اللي وصتج عليه الدكتورة بنسويه وربج بيسهلها!!!!
المهم وردينا البيت وتميت الوي على عيالي واحببهم جني حاسة شي بيستويلي وسرت كارفور وخذت أغراض البيت كلها ومن رديت سرت مشيت مع ريلي ساعة ورديت تودنت فماي حااااار حسيت اني انحرررررقت والله***!!!!!
وسويتلي كوب زعتر عوووود وشربته كاامل وماحسيت بأي ويع استسلمت وتوكلت عالله ورقدت الساعة أربع وشوي عقب صلاة الفجر...
ومن يت الساعة سبع ماقدرت ارقد احس بمغص وويع فظهري واقوم اسير الحمام كرمتوا ويمشي بطني بالقو ومن الالم رجعت ماي كنت شاربتنه اول ماقمت!!!!
واتم ادور فالصالة وامشي واسوي القرفصاء واسويلي جرفة بماي ورد وزعفران وعسل واحس بثقل على تحت وضغط وحسيت الويع زااااد وقام ينتظم كل ربع ساعة ويطول*
قلت خلني اخذلي دش واحمل شنطي فالسيارة شكلي بولد اليوم
وفعلاً زجرت الخدامات وحملن شنطي وطلعت جلابية واسعة ولبستها وجهزت عباتي ووصيت الخدامات عالعيال واسير اوعي ريلي وهو متنح مش مستوعب مع انه ماشاءالله عليه قبل يرقد قالي باجر الصبح ان شاءالله بتوعيني عشان اوديج تربين
تخيلواااا
ونسير وهو يقولي بتصل على امي وامج يونا المستشفى وانا اقوله بعدني وهو متروع يتم بروحه وياي فالولادة مايعرف يتصرف ومايتحمل شكلي وانا اتويع
واتصلهن وطبعاً يوني هن والفرقة المساعدة من خواتي ثنتين وبنات خواته ثنتين وبنات خالتي ثنتين وكانت حفلة
بس انا الحمدلله مااتضايق من الزحمة بالعكس احس بالامان واتونس بهن لانهن لو مايعزوني ويحبوني ما تعنوا ويوني من صباح الله خير واللي طلعت من دوامها عشان تطمن علي واللي خلت بيتها وعيالها عشان تأمن لي الغرفة الخاصة يعني كل واحدة منهن عندي عشان تعاوني وتفازعني وهذا شي أشكرهن من أعماق قلبي عليه وربي يفرحهن بعيالهن وعيال عيالهن يارب
ومثل ماقلت انا ويعي بدأ فالبيت من الساعة سبع الصبح وتميت اتريا لين زاد وانتظم وطلعت من البيت عشر ونص ووصلت المستشفى احدى عشر وحصلتهن كلهن جدامي ينتظرني وطبعاً دخلوني علطول غرفة الفحص وفحصتني الدكتورة وكنت توني ثلاثة بي كان الالم اقوى من ثلاثة مثل ماقالت الدكتورة يوم ركبولي التخطيط
وطلبتلي ابرة مسكنة لاني كنت متويعة وااايد ومايفتح بسرعة!!!!
وعقب اقترحت علي الدكتورة اني اخذ ابرة الظهر اذا اريدها فقلتلها اوكيه وطلبتلي الدكتور الاخصائي وياني وسألني اذا عندي أي مشكلة فالظهر او التنفس او العظام مابيقدر يعطيني الابرة ويافرحة ماتمت لان انا عندي الديسك وهذا من موانع الابرة
المهم واتم اتصبر لين وصل ويعي درجة مااقدر ابطل عيوني او اكلم حد
وطلبت الدكتورة تفحصني وفعلاً كنت ستة سم وينقلوني للولادة لاني كنت فغرفة ماقبل الولادة
ويوم شافتني الدكتورة اصييييح من الويع قالتلهم يحطونلي الاوكسجين وهنيه بدت المعاناة لانه مثل ماتعرفون يرقد
كان الويع قبل الاكسجين مرتفع يعني في حدود ساعة واربي لكن من خذت الاكسجين والويع تم يبرد وانا دوخت وقمت اغفا والبيبي رقد وتموا يقلبوني مرة عجنبي اليمين ومرة عاليسار
وانا تقولون مدمنة مخدرات من احس الويعة ياية اشششششفط الاوكسجين واتخدررررر
ومن شفت الوضع طول قلت لا خلاص ماابا لاطبيعي ولاغيره الله يخليكم الحقوني بالعملية تعببببت الحقوا علي نادوووولي ريلي خله يوقع عالعملية نادولي الدكتورة اريييييد عملية تعببببتت والله مااقدر
واللي خلاني صدق يأست ان ماشي نزل علي لا دم ولا ماي ولا اي شي ابداً قلت عيل اكيييد بعدني مطولة ومافتح عندي وهذا صدق قمة فالاحباااااط
قلتلهم نادولي الدكتورة خلها تفحصني اريد اعرف متى بخلص ومتى بفتك احس اني بعدني فهالعذاب مطولة حرااام تعبببت
ويتني الدكتورة وفحصتني وقالتلي مبروووووووك تسعة سم خلااااااص نص ساعة ولاساعة بالكثيييير وبتخلصين بالسلامة وبتشلين البيبي وبتفرحين ومن هالكلام عشان تحفزني وانا شديت الهمة لكن مرت الساعة وما ربيييييت والويع قووووووي قلتلهم نادوووها اريييد عملية مااريد طبيعي كيفي انا حرة اريد اخلص حراااام عليكم وتوحشت عليهم وتميت كل ماياني حد مرة اترجاه ومرة اواجعهم ومرة امسكهم من ملابسهم واقولهم اذا صارلي شي تراني فذمتكم وعيالي منو بيربيهم حرااام عليكم تعذبوني ومن هالكلام اليائس
اممممم وين وصلنا
هيه وبعد مانزل شي وانا احس ان فيه بوش على تحت وضغط قوي لكن ولا شي نزل علي
عيل تسعة سم كييييييف؟؟؟؟؟!!!!!
وينادون الدكتورة واقولها احس في بوش عتحت بس ماشي نزل لاماي ولاشي قالت ولايهمج الحين ابطلج الماي وفعلاً بطلته وقالتلي ماشاءالله هذوه راس البيبي يالله شدي حيلج بس لازم نشفطلج من المثانة لان وانتوا بكرامة كانت متروسة بول وهذل تراه يأخر الولادة فلازم يفضونها وحطوها فبالكم هالشغلة لانها وااايد مهمة وممكن تعطل الولادة كاملة وتسبب انهم يسوون عملية
وفعلاً اشفطولي بالقسطرة ونزل ماي البيبي وتم يزيد البوش والجماعة اللي عندي سكروا علي الاكسجين عشان ما ادوخ واربي بسرعة وانا من احس بالويع اشفط لكن مااحسه يأثر فيني واثاريهم مسكرينه*وطبعاً شلوه من يدي بضرابة
وجهزوا العدة اللي تعرفونها وشغلوا الليت اللي يخوف مال العمليات*
بس بصراحة انا من اشوفهم يتجهزون افرح لاني احس اني خلاص قربت وبفتك
وفعلاً اول بوش وطلع شعر البيبي وثاني بوش وطلعت الراس وثالث بوش والحمدلله طلعت الروح من الروح ااااه ه ه
وطبعاً كانت عدالي بس ماماتي والباقي عند الباب يشجعوني من وراه وامي مسكينة من اول السالفة هي وخالتي وخواتي وبنات اخت ريلي وبنات خالتي يوم يدخلون عندي ويشوفوني اصيييح واريد العملية يهدوني ويشجعوني ويطلعون برا يتمون يصيحووون بالدور وبعدين يغسلون ويوهم ويردون عندي وريلي يروح السيارة يصيييييح ويدعي وبعدين يتغسل ويرد عندي بس يبين عليه لان عيونه تحمر وخشمه يولع ليته ههههه
هههههه لا انا اللي ضحكني امي فديتها يوم طلعت الراس تقول مسكينة عشان اتشجع واشد حيلي*
الله واكبر الله واكبر طلع راسه يالله شدي حيلج بعد شدة ويطلع جسمه ومن دفعت وطلع فديته تمت امي تكبر بصوت عالي وتصييييح وتحبني عراسي وايدي وتلوي علي وتقولي أشهد ان لا اله الا الله وأشهد ان محمداً رسول الله خلاص لا تحملين ثاني حرااام انتي خوفتينا عليج وااايد هالمرة 
بس ريلي يوم ياني وانا بعدني فالولادة يقولي ماعليه المرة الياية بتيي البنوتة
يغايضني لانه صدق وااايد تروع علي يوم طلبت انه يوقع العملية قال خفت ان فيج شي وتم يسأل الدكتورة عن وضعي وخلاها تركبلي جهاز الضغط والقلب عشان يتابعون وضعي خلال الولادة لان الولادة الاخيرة كان عندي تسمم حمل وضغط عالي وتعبت و سوولي قيصرية وتمييت فالعناية عشر ايام تعبانة وماشفت البيبي الا رابع يوم بعد ماتمييت اصيييييح وهم خايفين اني ارهق نفسي مع البيبي ويرتفع ضغطي*
يعني يبوني ارتاح بس انا اريد اشوف البيبي وكنت حاسة ان فيه شي ولابسم الله عليه صارله شي ومايبون يخبروني بس الحمدلله عدت على خير والحينه فديته ريال وعمره خمس سنين
وطبعاً ولدت والحمدلله ثاني يوم من موعد الدكتورة وقبل موعد العملية باسبوع والحمدلله يوم ربي يسرها وسهلها وربي ييسرها ويسهلها على كل حامل ويقومها وضناها بالسلامة

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[@مبدعه@]

الف مبرووووووووووك والحمدلله على سلامتج اختي الغاليه ويتربى النونو في عزكم ان شاء الله

[ام بدر]

الحمدلله على السلامه

ومبروك عليج الطارش

[ام البنــات]

الحمدلله على السلامه ومبروك عليكم البيبي ويتربى في عزكم ان شاء الله

[برق لمع]

الف مبروكيتربا بعزج هاي الولاده شر لا بد منه

[اللآلئ]

تدرين دمعت يووم قريت قصتج
اتذكرت عمري خخخ من أسبوع والده
و اتغذبت عذاااب و كله عشان اربي طبيعي
بس آخر شيء ربيت عمليئيئييه
اللي تعبني اني تميت أكثر من يومين مب ماكله شيء و اتوييئيع
و يوم طريتي الأكيجين اتذكرت عمري هههههه

الحمدلله. ع السلامه

[وردة ظبيانية]

السلام عليكم

الحمدلله على السلامة

ماشاء الله انتي والدة قبل كم مرة وبعدج خايفه؟؟؟؟

حرام تخوفين اللي حاملين اول مرة

اول ولادة لي كانت صعبة بمعنى الكلمة لكن من اتذكر اضحك

لأني كنت شاربه آخر عشرة أيام (شاي ورق التوت) عشان يزيد التقلصات لكن ماسهل الولادة

من الم التقلصات (الدكتورة والممرضات مستغربين من شدتها كانوا يتابعون الجهاز) فسخت ملابسي كلها وحتى الاحزمة مالت القياس اللي رابطينها حول بطني فسختهم

وَلدت كما خلقتني ربي

وكان (البوش) 5 ساعات متواصلة،، وكان راس البيبي صغير على راس ابوه،، فحسيت بطلعت راسه وبعد بطلعت جسمه

لكن الحمدلله يوم انظر له اقول الحمدلله اللي عطاني إياه بعد حرمان،، وكم يسوى هذا الالم ماي شي بالنسبة لخلقة وطلعة هذا الإنسان للدنيا.. جعله ربي صالح بار نافع آمين

[الزوجة البارة]

الف الف مبروك .. والحمد لله على سلامتج ..

[ام يوسف*]

الحمد لله على سلامتك

والف الف مُبآرك

ويتربى بعزكم ان شاء الله

بس شو خوفتيني من الولادة

يلا ربنا يهونها على الجميع

ويرزق كل وحدة تتمنى

آمين

[بنت النور2009]

مشكووووورة حبيبتي وربي يسلمج

[بنت النور2009]

الف مبرووووووووووك والحمدلله على سلامتج اختي الغاليه ويتربى النونو في عزكم ان شاء الله

تسلمين الغالية واللهيبارك فيج

[بنت النور2009]

الحمدلله على السلامه

ومبروك عليج الطارش

الله يسلمج يالغالية ويبارك فحياتج

[بنت النور2009]

الحمدلله على السلامه ومبروك عليكم البيبي ويتربى في عزكم ان شاء الله

الله يبارك فيج الغلا

[بنت النور2009]

الف مبروكيتربا بعزج هاي الولاده شر لا بد منه

الله يبارك في حياتج حبوبة
الحمدلله على كل حال

[بنت النور2009]

تدرين دمعت يووم قريت قصتج
اتذكرت عمري خخخ من أسبوع والده
و اتغذبت عذاااب و كله عشان اربي طبيعي
بس آخر شيء ربيت عمليئيئييه
اللي تعبني اني تميت أكثر من يومين مب ماكله شيء و اتوييئيع
و يوم طريتي الأكيجين اتذكرت عمري هههههه

الحمدلله. ع السلامه

يحليلج يالآلىء والله كل ما أقرألج مشاركة أدعيلج تولدين طبيعي
بس سبحان الله ارادته أقوى وسبحانه أكيد له حكمة
المهم انج قمتي بالسلامة انتي والبيبي
الله يحفظلكم اياه ويبلغكم فيه ان شاءالله