تقريري التركي من 10-6 الى 17-6 -2011 لعيونكن ^_^

**dnyailwalah** · 2011-06-19, 02:27

هلا وغلا

خواتي وعدتكم احطلكن تقريري التركي وفديت قروب ماميز يالبي احلى تحيه لهن ماميز شهر 10 و11 و12 لسنة 2011 فديتكن انتن وكتاكيتكن *

السفره كانت من 10 -6 الى 17-6

الوجهه : تركيا ( ترابزون + اسطنبول )

الطيران : الامارات وواخر مره وتووبه بعدها ماحجز فيه . التذكره للشخص 1900 درهم

الفنادق :

في ترابزون
usta park hotel كان المبلغ 1500 لثلاث ليالي شامله الافطار 10 و11 و12

في اسطنبول
nippon hotel -taksim من تاريخ 13 الى 17 وكان المبلغ 2800درهم بدون افطار بس فطرنا ودفعنا كاش عن ريوق يومين واليومين الباقيات رقدنا احلى متى نشينا فطرنا واذا رقدنا ماندفع عالفاضي .

حجز الفنادق كان من www.booking.com

الطيران الداخلي 1367 للشخصين كامل ؛ كان عن طريق المكتب السياحي الباسو الزميل عرفان .موقعهم في تقسيم وومكتب ثاني في بورصه ولي يحب الرقم يراسلني .

موقع الفندقين كان روووووووووووووووووووووووووووعه

الي فترابزون كان فالمدينة وحلو تحته بقالات ومحلات وصوالين ومحلات فواكه وممشى وماركات نفس شارع الاستقلال في اسطنبول والخدمه ممتازه جدا جدا جدا وموظفين الرسبشن ووووووووايد خدوومين وفيه عامل اسمه ikar وايد خدووم وطيب وساعدنا وايد وعطانا نصايح .

مكان المطعم والبوفيه رووووووووووووووووووومانسي لابعد الحدوود ماتسمعون غير صوت النورس ومشهد البحر روعه ...

ونيبون اسطنبول حلو فمنطقة تقسيم وعداله كل المحلات والمطاعم والكوفيات والخدمه وكل شيء كان ممتاز وحتى العاملين خدومين وايد والفندق راقي جدا ونظيم وانترنت مجاني فكل انحاء الفندق.

الجولات السياحيه في ترابزون اليوم 150 ليرة تركيه حطنا السبت والاحد 300 ليرة ومن الصبح للمسا تكون السياره والسايق معانا تركي ويتكلم عربي فصحى وطيب وامين جدا .

في اسطنبول عن طريق مكتب الباسو الزميل عرفان واليوم الواحد كان 130 دولار .
وكان ليوم الثلاثاء والاربعاء والخميس.

اول صور بتكون لترابزون واوزنجول

اول يوم رحلنا كانت الى اوزونجول

رووووووووووووووووووووووووووووووعه

اكيد يتبع ولاي استفسارات حياكن فديتكن

المزيد من آخر المواضيع من نفس القسم:

**dnyailwalah** · 2011-06-19, 02:36

بداية رحلتنا كانت من ترابزون ( رحنا اول يوم الى منطقة اوزونجول ) وهي منطقة جبليه وفيها بحيره وفيها ممشى ومطاعم واكشاك وتعتبر بالنسبه لهم قريه .

واحلى شيء كان

مافيها لا زحمه ولا حشره كنا بروحنا ومسوين لنا جو عكيفنا فالمكان وشوفو روعه المكان في عز الظهر كان وقت رحلتنا .. جوهم سحاب ورذاذ وغيوم ومرات امطار بس برررررررررررررررررد

هالمطعم لي تغدينا فيه ومصورني ريلي فديته ..

هالجبنه السايحه والمطبوخة ومشهوره جدا في ترابزون وخصووصا في منطقة اوزونجول

هالمطعم من الجهه الثانيه مصورتنه

**dnyailwalah** · 2011-06-19, 02:37

تكملة ترابزون

هاي الصورة من دريشه الغرفة في ترابزون ولاحظو تحتنا كل شيء نباه

رحلة الى جبل ايدر وها الثلج فوووق

**dnyailwalah** · 2011-06-19, 02:58

تكملة ترابزون

وهنيه السايق يابلي باقه ورود فرش

وهذا اسم الجبل ومن مياه الانهار يصنعون هالمياه صناعه تركيه ومكتوب اسم المنطقة

وهاي الشلالات من نفس المنطقة

وهالمنطقة مشهوووره بالجبن المحلي المطبوخ ومشهوره بمزااارع العسل بشكل كبييييييييييييييييييير وينباع عالشوارع العسل او الشمع فكل مكان

وهاي اوزونجول :

الاسواق عجيبه ورخيص في ترابزون ويغلب عليها طابع الالتزام يعني ماشي خمر وبوسات نفس اسطنبول

وفيها مولات فخمه وحلوه وماركات

شيء مول فوروم ترابزون فخم وكبير وكله محلات حلوه وشيء محلات ماركات

وشي اوت ليت ترابزون وعداله فندق عجيب اسمه نوفوتيل ومكانه خبال لو ادري جان حجزت فيه مجابلنه البحر وووراه المول عطول وفمكان عجيب وراقي ..

وغدانا في ترابزون

وشوفو حلاة الفساتين وعفكره رخااااااااااااااااااااااااااااص وصناعه تركيه واشكالهن عالجسم رووووووووووووووووووعه جربت كمن واحد خخخخخخخخخخخخخخخخ

وارخص عن اسطنبول بنص السعر

لحظة وداعنا بالسائق من ترابزون والتوجه الى اسطنبول

**dnyailwalah** · 2011-06-19, 02:59

ترابزون

الانتقال والسفر من ترابزون الى اسطنبول كان عبر طيران anourair وهي شركة طيران تركيه... تشبه الطيران الماليزيا الداخلي

ودفعنا 10 ليره تركيه فالمطار وقعدونا فاول كرسي فالطائره نفس الفيرست كلاس ههههههههههههههههه كشخه كانت القعده جدام ووسع حق الريول ومدة الرحله ساعتين .

والطيران مريح ونظيف ومرتب ..

والسعر كان للشخصين 1367 درهما عن طريق مكتب الباسو السياحي .

عظول وصلنا المطار واستقبولنا السياره والسائق ورحنا الفندق عطول حطينا اغراضنا ورحنا للمكتب مشي في تقسيم عدال فندقنا وعطيته جدول رحلتنا والاماكن لي نباها ودفعنا وطلعنا للتمشي في شارع الاستقلال ورحنا تعشينا ..

خزانات الماء / عدال ايه صوفيا بس ماتبين لانها تحت الارض واغلب الاجانب يدروبها وهو عباره عن مدخل غرفة صغيره للتذاكر تدفع وتنزل تحت عطول

واسمها ياربتان سراي

**براءة1** · 2011-06-19, 08:04

واااااااااااااو
حبيبتي بغيت اسألج .. عندج فكرة ف شهر 7 كيف الجو ؟

**بدر النساء** · 2011-06-19, 10:36

رووووعة.. حمستينا...

الله يوفقج و يهنييييج ^_^

**روح الشامسي1** · 2011-06-19, 10:53

روعه المكان وتصوير حلو

**تعب حال** · 2011-06-19, 13:15

رووووووووووعه
شو رايج شو احلا بنغلور ولا تركيا^^؟

**علـآآآيه** · 2011-06-19, 13:25

ما تبين تحجزين مكـآآني بعد خخخ

بعدين تعـآلي ,, شقايل تعطينـآآ ظهرج فالصوره !!
عيب منقود ,, خلنـآآ نشوفج =]

حمستيني ابي اسيـــر ,, ^^
نتريـآآ الباقي ^^

**miss andoomy** · 2011-06-19, 20:20

اختيه ,,
كم كلفتج الرحله كلها بالدرهم الاماراتي ؟

**شوكليت توي** · 2011-06-19, 21:21

في انتظار الباقي

**سآحرة العين.!** · 2011-06-20, 01:01

يااااي دنيوووووه ...

نتريااا باقي التقرير ام ميمي ..

واهم شي انكم استااانستوا ..

**dnyailwalah** · 2011-06-20, 02:19

^_________________*

**h2h** · 2011-06-20, 09:07

روعه الصراحه ^-^

تسلمين اختي واهم شي انكم استانستوا

الموضوع: تقريري التركي من 10-6 الى 17-6 -2011 لعيونكن ^_^

أدوات الموضوع

عرض

تقريري التركي من 10-6 الى 17-6 -2011 لعيونكن ^_^

المزيد من آخر المواضيع من نفس القسم:

المواضيع المتشابهه

نقوش حنة .. لعيونكن

بيت ثلجي لعيونكن

كولكشن لعيونكن....