أخطاء ارتكبتيها أثناء الحمل ووقت الولاده؟؟؟؟

**^legend^** · 2011-06-14, 20:17

مرحبا عزيزاتي...

ممكن كل وحده اتفيدنا في هالموضوع.. يعني شو الاشيا اللي سويتيها أو ما سويتيها وندمتي عليها سواء في الحمل او وقت الطلق والولاده...

خلونا نستفيد من خبرااااااتكم

المزيد من آخر المواضيع من نفس القسم:

**FoOo** · 2011-06-14, 20:39

للرفع

**el_k7eela** · 2011-06-14, 20:46

لو رتبتي وسويتي سبحان الله اللي الله كاتبه يستوي

**lolo-love** · 2011-06-14, 20:54

موضوعج حلو
خلونا نستفيد

**mona98** · 2011-06-15, 00:40

يمكن الحركة الزيادة تخلي المشيمة تنزل صارتلي في مولودي الثاني لانه بنوتي كانت صغيرة وووايد حركية

**عيناويهـ حلوه** · 2011-06-15, 00:43

يلاا قولن ياحريم حتى انا ابا استفيد ^^

**MisS_AD** · 2011-06-15, 00:44

قبل الولادة : ندمت اني ما حطيت كريم على حلمات الصدر أو بالاصح مادريت إنه بعور اثناء الرضاعة

أثناء الولادة : أنا عن نفسي إلى ندمت عليه إني ماقلت للقابله إنها تقصني أثناء الولادة

لاني البنت شقتني شق الموووووووووووووووووت

والشي الثالث بعد الولادة : ماربطت بطني بمشد وتميت اشرب سوائل احس فيني كروووووووووشة صغيرونه لول

**ونة العود** · 2011-06-15, 00:48

اليلسه الغلط يعني لاتحطين ريل على ريل ولا تيلسين نص يلسه ولا تتناولين شي من الارض بدون ما تنزلين بكبرج عشان تتناولينه واذا راقده وبغيتي تنجلبين عالصوب الثاني ايلسي وحيسي عمرج لا تنجلبين على طول ولا ترقدين لا على ظهرج ولا بطنج لان كل هالاشيا تخلي الحبل السري يلتف عالياهل ومااايوصله الاكسجين..

وان شاءالله اكون كفيت ^^

**امل نبيل** · 2011-06-15, 01:13

اثناء الحمل ندمت لاني كنت أسهر فليل و أنام الصبح وما كنت اكل وايد كله خرابيط....و ما كنت أدهن صدري و خصوصا الحلمات أمي كانت وايد تقولي بس ما سمعت كلامها و ندمت----و في الولادة قعدت اصرخ مو حاسة بنفسي حاولت اسكت بس ما قدرت----/بعد الولادة ما كنت اكل اشياء زينة حق فترة النفاس و دوم كنت واقفة و أتحرك وايد لان بنتي كانت متعبة و صياحة رقم 1

انصح كل وحدة حامل تقرا القران بصوت عالي شوي و تكلم الجنين*

**Little Steps** · 2011-06-15, 01:36

**سكون الليل** · 2011-06-15, 01:46

موضوعج مفييييد جدااا
انا هذا أول حمل لي ،وحبيت أستفيــــد ~

متآآبعهــ ،،

**الزوجة البارة** · 2011-06-15, 02:39

الموضوع وإيد حلو ومفيد .. أنا انصح كل وحدة أنها أتابع موضوع السكر قبل الحمل وبداية الحمل لأن الحامل ممكن ما تنتبه للسكر وتأكل بطريقة موب منظمة وهالشي يضر الجنين وإيد وممكن انه يبطئ نموه وهي موب حاسة بشي .. فلازم تأخذ موضوع السكر بعين الاعتبار وما تستهين فيه أبدا ..

**حماديه** · 2011-06-15, 03:39

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**AL-jawaher** · 2011-06-15, 03:52

انا انصح كل حامل اول شي توكل امرها لربها
واذا كانت اول ولاده لها لا تخاف ولاتسمع كلام الناس ‏
ودووووم تقرا ع عمرها وتنفخ ع النونو

وانصح بعد قريب الولاده تبتعد عن السوالف الي تسرع الولاده مثل الزيوت وإيرها ‏
وبس انصحكن بالمشي وادعيه تسهيل الولاده ‏

بعد الولاده لالالالازم تهتمي بنفسج وتشربين اشياء مفيده عشان يزيد الحليب ‏

وشو بعد امممممم

ها بس الي عندي ‏

وربي يسهل ع الجميع يارب

**احتاجك..** · 2011-06-15, 04:22

اممممم ماذكر اني سويت شي غلط>< غير اني ما كنت امشي وايد فالتاسع^^

الموضوع: أخطاء ارتكبتيها أثناء الحمل ووقت الولاده؟؟؟؟

أدوات الموضوع

عرض

أخطاء ارتكبتيها أثناء الحمل ووقت الولاده؟؟؟؟

المزيد من آخر المواضيع من نفس القسم:

المواضيع المتشابهه

ماي الياهل يوم يفتح قبل الولاده أو أثناء الولاده .

أخطاء أثناء وضع المكياج

أخطاء نقع فيها أثناء الصلاة..

ابغي طريقه ووقت الحمل متى ساعوني الله يخليكم