الرحم مفتوح 1 سم بدون طلق

**ا.ع.م** · 2011-06-08, 15:23

االســـلأام عليكم

كيفكم حـــريم

ان شاء الله بخــــير

انا بكرية و باول اسبوع من الثامن و نزل علي خيط متين بني فاتح العصر و وقف بنفس اللحظه و ما احس بأي الم او اوجاع

و رحت المستشفى و سويت تخطيط للجنين و قالولي نبض الجنين تمام و لما كشفوا قالت 1 سم مفتوح بس عنق الرحم متين

و كانت بتحطني تحت الملاحظة بس طلعتني الدكتوره و قالت اذا اجا الدم مره ثانيه او حسيتي ب مغض او اي شي تعالي ..

و قالت الرحم يمكن يظل مفتوح لمده شهر و تجيكي ولاده بعدين و يمكن تجيكي ولاده الحين كله بايد رب العالمـــين

و عطتني ابره اكتمال الرئة للجنين و قالت بعد 12 ساعه خذي الابره الثانيه

و قالت لي خليكي مرتاحه و لاتتحركي و من هالكلام

طمنوووني الله يجزاكم خيـــر .. اختكم بكــــريه و لاتنسووون دعوااتكم لي بالولاده الطبيعيه السهله الميسـره و بالطفل السليم المعافى و بكل خيـــر يا رب العالمـــين دعواتكم

منو صار له نفس الشي و هل قريبه ولادتي يعني و ليش نزلي هالدم و منو ظل عندها الرحم فاتح و كم المده الي يظل فيها مفتوحة

قولولي تجاربكم و دعووااااتكم

المزيد من آخر المواضيع من نفس القسم:

**اسرار الطبيعه** · 2011-06-08, 15:30

ماعندي خبره
الله يسهل عليج وتولدين طبيعي

**زهرة المروج** · 2011-06-08, 15:33

والله ما عندي علم
وربي يسهل عليج ولادتج وتولدين طبيعي

بس انتي ارتاحي مثل ما قالتلج الدكتوره ولا تفكرين وايد

والله المسهل

وعليج بالدعا والاستغفار

**rakwoman** · 2011-06-08, 15:39

عادى الغاليه انا طبيعى عندى من ادخل الثامن يكون مفتوح عندى 2 سانتى لاتخافين بس شكلج تعبتى عمرج شوي فرتاحى وان شاء الله تولدين بالسلامه

**جرح العذاب** · 2011-06-08, 17:28

الله يسهل عليج
وتربين طبيعي

**قفص الحب** · 2011-06-08, 17:46

الله يسهل عليج فديتج ولا تحاتين أنا من دشيت الشهر السابع كان الرحم فاتح عندي ١ وتميت مرقده فالمستشفا لانهم قالولي بتبيين فالسابع بس الحمدلله ما ربيت فالسابع كملت التاسع ناقص اسبوع وربيت

بس مثل ما قالت لج الدكتوره ريحي عمرج ولا تتحركين وايد

**حبيته بجنون** · 2011-06-08, 17:51

يالله بالتساهيل عليج بالراحه التامه حبوبه

والله يسهل عليج وتقر عنونج بشوفة النونوو ^.^

**class_lady** · 2011-06-08, 18:11

الله يسهل عليج وعلينا انشالله واتربين بسلامة ^^

**um eithar** · 2011-06-08, 18:48

عادي حبيبتي أنا في الثامن انفتح عندي ٢ سم و لا مع مخاض بعد و تميت جي الي ربيت قبل الموعد بعشرة ايام بس. لا و كنت عادي اطلع و حوط و اتمشى بلمولات ولا جني في شي

بس لاتسوين مثلي ارتاحي مثل ما قالتلج الدكتوره و الله يسهل و وبسراح يارب حبوبه.

**Malgoofa** · 2011-06-09, 02:45

كل حامل غير عن الثانية انا من الثامن كان مفتوح ١ ومن اول التاسع ٢ ويلست امشي ليل نهاار عسب اربي وماربيت سبحان الله وتم جي ٢ سم لين الشهر العاشر عطوني طلق صناعي

الموضوع: الرحم مفتوح 1 سم بدون طلق

أدوات الموضوع

عرض

الرحم مفتوح 1 سم بدون طلق

المزيد من آخر المواضيع من نفس القسم:

المواضيع المتشابهه

الرحم مفتوح 3سانتي!!

الرحم مفتوح 2 سم في امل اربي اليوم

الرحم مفتوح 4سم بدون ألم

الرحم مفتوح 4سم بدون ألم

الرحم مفتوح في الشهر الثامن