غالق تلفونه عني وقالي مابا ازعاجج

**كسوله وادلع** · 2011-06-05, 14:00

اهئئئ السلام عليكم
حاسه عمري مخنوووقه بموت من الضيق والقهر

انا غصصت بريلي البارحه وهو يالس يدرس
وقالي لو ما اصطلبتي من الشك اللي فيج ببند تلفوني 7 ايام لين ما اخلص الامتحانات اللي علي مب متفيق حق شكج
اعرف اني غلطااااانه والله اعرف
بس ما اعرف شو اييني
احااول اني اتغير عشانه
وعشان انا ارتاح من الوسواس اللي فيني
بناااات خبروني وش اسوي ابا اغير ها شي اللي فيني ابا اعيش مرتاااااااحه
بدون مشاكل وشك
ادعولي الله يشفيني من الشك

بنات بليز اللي عندها نصيحه طيبه ولا كلمه طيبه تقولها واللي عندها كلام يجرح تخليه لنفسها
انا وحده حساسه ما اتحمل كلام جارح
واعرف عمري غلطانه
ابا دعوة من قلبكن

الله يصبرني 7 ايام مب قادره انام ومب قادره اكل ااحس بتعب مب طبيعي
وعيوني مب قادره اشوف منها زين من كثر ما اصيح
استغفر الله واتوب اليه
اللي ابا انا الحين اني اتخلص من شك ابا مساعدكن
ابا وقفتكن وياي
واسموووحه

المزيد من آخر المواضيع من نفس القسم:

**غير النآس** · 2011-06-05, 14:02

حبيبتي اذا انتي حساسه لهدرجه حطي نفسج بمكان ريلج والله محد بيتحمل الشك حرام
درام انه يحبج وزين ليش تسوين جي وتحصلين اثم من هالشك ,, احسني الظن فيه هذا ريلج حبيبتي
وتعوذي من ابليس كل مايا شي ببالج
ودوم اقنعي نفسج انه ماقاعد يسوي شي غلط لان هذا الواقع
حطي احتمالات بعيده عن الشك
بس لاتشكين دخيلج ,,,
لاتهدمين بيتج بيدج

**مشوطه** · 2011-06-05, 14:03

لو ريلج يشك فيج بترضينها على نفسج كفايه انه عنده امتحانات ويالسه تغصصين عليه وها انتي ندمانه
على ولا شيء مجرد وسواس وخرب لج حياتج استغفري ربج واشغلي نفسج عسب ترتبين له شيء حلو من ضغوطات الامتحان وربي يهديكم

**laila226** · 2011-06-05, 14:05

الله يكون في عونج اختي
عطي ريلج الثقة
راح يعطيج الامان
لا تخربين بيتج بايدج
صدقيني معظم الرياييل ما يحبون الحريم اللي يشكون فيهم

**سوارة** · 2011-06-05, 14:05

**بنت الغالي88** · 2011-06-05, 14:08

للرفع

**كسوله وادلع** · 2011-06-05, 14:18

اهئئ حاسه اني بموت من الخوف عليه
ادعوووولي الله يشفيني
ويفتح تلفونه والله قلبي يحترق

**حرمة البيت** · 2011-06-05, 14:20

حبيبتي بنصحج نصيحة اذا حسيتي بد الشكين تعرفين شو اسوين كثري من الاستغفار واستمري واقري سورة البقرة كل يوم بشفين ان عمري ارتحتي وايد وايد ولا يقولين صعبة بس جربي يوم واحد وشوفي و ادعي ربج ان يزيل الشك منج
وموفقه حبيبتي وعن تجربة

**جليلة الوايلي** · 2011-06-05, 14:25

اللـــه اكبر كبيرا والحمدللــه كثيرا وسبحان اللـــه بكرة واصيلا
يا رب فرج هم كسوله وادلع وحقق ليها اللي تتمناه ويسر امورها
يا رب انك تهديها وتصلح بالها وتبعد عنها كل الحساد
يا رب انك تسخر لها زوجها وتحفظه وتوفقه في دراسته
محتايه دعواتكن

أميــــــــــــــــــــــــــــــــــــن يارب العالمين وجميع بنات المسلمين

اقهري الشيطان وتعوذي منة كل ما يتج الوساوس هاي مب شكوك هاي وسواس ..زوجج محتاج وقفتج بالدعاء

والحنية حني علية ورحمية رحمة محبة والحساسية كل الحريم حساسات بس الحرمة العاقلة هي اللي توازن الامور

وتكولي على ربج وما بيصير غير كل خير باذن الله ...

**حرفين** · 2011-06-05, 14:34

حبيبتي!! لاتشكين الشك يورد للطلاق! بسم الله عليكم! شفتي انتي ماترومين تصبرين 7 ايام! بترومين تصبرين العمر كله تعيشين بدونه؟ ترى لو شكيتي بيسير عنج ولا بييج :] الله يشفيج اختي استغفري و هالشيطان خاطري اشوفه و اعفصه:@! تعووذي منه

**so0ona** · 2011-06-05, 14:41

شكله زوجج قاعد يدرس ومب متفيق لشي يعني ماعنده وقت يكلم بنات
فلازم ترتاحين , ولازم توفرين له وقت للراحه وتساعديه على دراسته لانه مضغوط
عطيه مجال لا تضغطين عليه وايد وتخليه يكرهج بعدين بدور غيرج يفضفض لها

اكتبي له مسج حلو واعتذار رقيق وخليه اول ما يفتح تلفونه ويشوفه ينسى اللي صار
ولاتفتحين له موضوع الشك

... شو بتسوين لو زوجج مثل زوجي امس مطرش لي مسج كاتب فيه اسم بنت يتفداها ويواعدها وبنام معاها ,, رديت عليه قلت له متى بتيي انا جوعانه وابغي اتعشى وطنشت مسجه , لاني ادري فيه انه يبغي يثيرني فيه بس لازم احسسه انه قد الثقه وانه مب مال هالسوالف عشان مايفكر يسويها .

**مواليد2010** · 2011-06-05, 14:42

الغاليه حاولي تشغلين نفسج بشي ثاني اذا بدا الشيطان يلعب بمخج

**Ms anime** · 2011-06-05, 14:47

اختي لا تزعلين منه الريال مضغوط من الامتحانات وانتي من صوب تضغطين عليه خليه الحين لين يخلص امتحاناته وعقب هو بنفسه بكلمج

**اي فون** · 2011-06-05, 14:56

لا تعقين عمرج عليه وايد بيمل وبالذات هالفتره خليه ع راحته وبدون ازعاج عشان دراسته
سوي اللي عليج وكل شي له وقته ووقت الدراسه وقت جد
ومن يبدا الوسواس والشك تمي استغفري لو بصوت عالي
وبصلاتج ادعي الله يبعد عنج الوسواس والشك
ودوريلج شغله فالبيت تلتهين فيها سوي سويت اي شي
الله يبعد عنج الشك ويهديج ويحفظكم لبعض

**جرح وحداوي** · 2011-06-05, 15:02

الله يهدييج ويبعد عنج هشك..

داامج تعرفيين خلااص حبووبة كل مااي فباالج اتشكيين اتعوذي من ابلييس وتمي استغفري وهدي نفسج حتى لوترووحي تقريين قرآآن عشاان تهدى نفسج..

الموضوع: غالق تلفونه عني وقالي مابا ازعاجج

أدوات الموضوع

عرض

غالق تلفونه عني وقالي مابا ازعاجج

المزيد من آخر المواضيع من نفس القسم:

المواضيع المتشابهه

سرت عند مطوع عشان تاخر الحمل وقالي فيج التابعه

صدمني الدكتور وقالي ورم خلف الأذن 00 ساعدوني وهاي قصتي00

المنتج الاعجوبه غالق اكياس البلاستيك 30 درهم فقط

كله يغلق تلفونه شأسوي.....

بنات رحت المطحنة وقالي راعيها : ............................:eek: