مشكلتي وي أهل ريلي

**ريلي حياتي** · 2011-05-26, 19:24

السلام عليكم ورحمة الله وبركاته
أشحالكم بنات ؟عساكم بخير وسهالة
بدش في الموضوع دايركت
خواتي أنا وايد مضايجة وحابة افضفض لكم
ألي اتابع موضوعي تعرف اني ريلي خليجي وانا عايشة وياه في بلاده
وانا خواتي صغارية فما عندي حد افضفض له إيركم عسى الله لا يحرمني منكم
المهم سالفتي أنا معرسة تقريبا من ثلاث سنوات حملت مرة وطرحت
بسبة النفسية الزفتة
أنا ساكنة وي أهل ريلي أمه زينة وياي بس تلميحاتها ونغزاتها ونظراتها ساعات تضايقني
وخواتي ريلي ما يدانوني مع إني ما سويت لهم شي والله أنا كنت وياهم زينة واعاملهم شرات خواتي ويوم طنت أسير السوق اشتري شي واشتريلهم
وهم يعاملوني دني وحدة غريبة ساعات امل من اليلسة بروحي في الحجرة اسير ايلس وياهم
تصدقون انهم يقومون ويلسون في حجرة ثانية هذا غير نظراتهم وسرسرتهم الي ما تخلص
ويوم يظهرىن السوق العائلة الكريم اتم بروحي في البيت حتى ما يسألوني تي ويانا ولالا
لأاني أمهر وي ريلي ما أعزمهم خشا يعني ما في خصوصية
والله حركاتهم وايدة والمواقف كثيرة اذا تميت اكتب من اليوم لي باجر ما بخلص
وحتى ريلي لاحظ لاني متغيرين على ريلي بعد مع انه والله وريلي يوم يستلم معاشه ياخذ منهم الف ووميتين والباقي يصرفه على البيت من راشن وكهربا وووو
ونسيت اقولكم اناربع خوات العودة معرسة وساكنة ويانا وعندها ولدين وما يدفعون شي والثانية معرسة ساكنة في منطقة جريبة من بيتنايوم الخميس الظهر تشرف لين السبب الليل وريلي ما عنده ليسن يعني تعالو ايبوني ووصلوني وودوني السوق وىدوني المستشفى والثالثة معرسة في النة تقريبا تي لنا ثلاث مرات تيلس شهرين ثلاث هاي ما قلتالها شي
والرابعة مب معرسة وأصغر مني بسنتين لسانها متبري منها أستغفر والله كلامها يحرق القلب
ساعات ايلس في حجرتي بروحي واصيح ظن القلب مع اني أحاول اني ماأصيح بس من الحرة الي فيني
يابنات حتى يدام الحريم يفشلوني ويجعموني مع اني ما اغلط عليهم الكل شاهد على اخلاقي حتى الجيران ما امدح عمري بس الكل يشهد
وابوه حدث ولاحرج كل يوم ياخذ سيارة ريلي ويركب عياله واحفاده ويلا الخديقة ويلا البر ىالسوق ريلي ما يقوله شي لان ابويه يزعل بسرعة فما يبا يزعله والسيارة من الوكالة ظا كملت السنه وتعالو شوفوها حشا مب جنى تو صارلها سنة
لأا وازيدكم من الشعر بيت أبو ريلي يدش الحجرة بدون ما يدق الباب جم مرة دش علي وانا منسدحة بدون شيلة ومانا قاعدة وي ريلي ومنسدحة عنده لا يروح تفكيركم بعيد بس منسدحة انكالع تلفزيون وأي يفتح ثلاجة حجرتي ياخذالي ياخذه وانا في الخجرة ولا مب في الخجرة
ونسيت اقولكم ان لآاتب تقاعد ابو ريلي ينزل بس ما يصرف بس ما يصرف ولاربية ياخذ مصروفة ولآاشن البيت من ريلي وأخوه كل هذا ريلي يسويه لهم بس خيرا تعمل را تلقى ويرمسون من وراه ان ريلي ما يعطيهم وام ريلي انصدمت فيها سمعت وخدة تقول ان هي قايلة ان ريلي يعيكيها بس ميتن درهم ما بين في عينهم شي حسافة
وانا مسوية عمرها تضخي عشان اهل ريلها بس والله ما يستاهلون عايشة في إرفة لاأقدر اتطشخ وولاقادرة البس الي ابيه لان في ريايل في البيت أقوم الصبح من وقت يكنزون وما أقوم من وقت يطنزون
هذا غير وصاختهم لإي أكلهم والبيت أستغفر الله
ووووو في اشيا وايد في قلبي بس مب قأدرة أكتب أكثر من كذي تعبت خلاص
ولهت على أهلي أخ أشكثر كنت مرتاحز في بيت اهلي
وانا رلي كل ما يدش الغرفة وعيوني خمر يعرف ان صايحة ويقوم يحجز لي تذكرة للامارات عشان اريح أعصابي فديته ظتغربل ويعاني بس ما يقدر يسوي شي
بنات انتو خواتي واحبكم في الله طلبتكم أدعولي ان ربي يفرج همومي ويشفيني وييسرلي اموري ويرزقني الذرية الصالحة الي تقر عيني وعين زوجي
واسفة على الاخطاء أنا اكتب بسرعة بسرعة من الفون
والسموحة

المزيد من آخر المواضيع من نفس القسم:

**أم غزلان** · 2011-05-26, 19:54

لا حول ولا قوة الا بالله

ليش ماتظهرون بروحكم رمسي ريلج هاي مب عيشه دام ابوه عايش خل هو يصرف عليهم ليش يعطيه ويه بزياده مهما كان

انا اشوف انج تظهرين بروحج وتكفين خيرج وشرج احسنلج خل يحسووون شوي

ولا تين الاماارات انتي وريلج وتسكنون هني اسمحيلي حشه اهل ريلج مب اوادم ومن تصرفاتهم جني عرفت الجنسيه مايحتاي اقول الله المستعان

**فنون الحب** · 2011-05-26, 20:02

حبيبتي والله

الله يفرج همج ويساعدج

لو شرطتي يكون بيت بروحج كان احسن والله

الله يعين الحريم على اهل الريل

**الامل القريب** · 2011-05-26, 20:10

الله يحقق كل اللي في بالج ويعينج

**فخوره ب بلادي** · 2011-05-26, 20:16

الله يعينج صراحه عيشه تقصر العمر بس الله يفرجها عليج بكفي انه ريلج حاس فيج صح الي يسونه وايد .اشتغلي وطلعي من ه البيت وعيشي بحريه لا تخلين حد يدخل في خصوصياتج الي مايهتم فيج لا تهتمين فيه وخليهم في حالهم وانتي في حالج وأشغلي نفسج بهوايتج وطوريها ولا تحتاجين لحد

**ايام الحزن** · 2011-05-26, 20:27

ليش تتكلمين عن اهل ريلج بهالسلوب المفروض تحترمنهم
حتمال مساكين ومحتاجين لولدهم
ممكن هم تبدر منهم تصرفات ما طقينها بس مافي حد كامل ....حتى انتي
اسمحيلي بس وصفج الهم بالوساخة اكبر دليل على عدم احترامج الهم فكيف راح يتقبلوج
انتي غريبة عنهم فش طبيعي تعاني اول حياتج استعين بصبر والصلاة والاستغفار واكثري من الاستغفار
لان الاستغفار تجلب الرزق والذرية
لا تزعلين من كلامي بس راجعي نفسج
اكيد بتلقين طريقة توصلين فيها لقلوبهم
مجرد رأي

**ريلي حياتي** · 2011-05-26, 20:40

أم غزلان
فنون الحب
ألامل القريب
فخورة ب بلادي
أشككم على الكلام الطيب
أذا انتو مستغربين من كلامي
فهذا قليل من طثير
للحين ما طلعت البلاوي
الله يستر عليهم
والدنيا دواررة الله يأخذ حقي مهم

**ام محمد 9119** · 2011-05-26, 20:47

لا اله الا الله

**نبض الشارقة** · 2011-05-26, 20:56

الله المستعان

**بنوتةالامارات** · 2011-05-26, 21:07

><"
الله يعينج

خبريه تروحو بيت بروحكم !!

**فرحة عمر** · 2011-05-26, 21:08

الله المستعان اختي اتحمليهم وقابلي الاساءة بالاحسان وربي يسخر قولبهم عليج وتكونون عايلة وحدة وعلى قلب واحد اهم شي ريلج وياج ويحبج ..

**الشموخ~** · 2011-05-26, 21:20

الله يهديهم ويحنن قلبهم عليج
حسيت بمعانتج اختية
بس مالج غير الدعاء لانه هو يرد القضاء
ادعي ربج ان يسخرهم ويحنن قلوووبهم ويبعدهم عن النميمه
والله يخليلج ريلج ولا يحرمكم من بعض ^^

**ريلي حياتي** · 2011-05-26, 21:24

المشاركة الأصلية كتبت بواسطة ايام الحزن

ليش تتكلمين عن اهل ريلج بهالسلوب المفروض تحترمنهم
حتمال مساكين ومحتاجين لولدهم
ممكن هم تبدر منهم تصرفات ما طقينها بس مافي حد كامل ....حتى انتي
اسمحيلي بس وصفج الهم بالوساخة اكبر دليل على عدم احترامج الهم فكيف راح يتقبلوج
انتي غريبة عنهم فش طبيعي تعاني اول حياتج استعين بصبر والصلاة والاستغفار واكثري من الاستغفار
لان الاستغفار تجلب الرزق والذرية
لا تزعلين من كلامي بس راجعي نفسج
اكيد بتلقين طريقة توصلين فيها لقلوبهم
مجرد رأي

هلا أخت أيام الخزن
انا بغيت اوضح لج جم شغلة
أولا أنا أخترم أهل ريلي سواء صدقتيني اولا
ثانيا يوم وصفتهم بالوساخة فهم طذي مع اخترامي لهم عيل شو تقولين عن الي تحط الخس والخيار على ارضية المطبخ بدون صخن أىشي وهي رايحز داشة وطالعم من المطبخ مليون مرة
وانا جم مرة أقولك ساسلوب خلو
وهم يسيرىن يجرجون ريلي أن يود حرمتح لا تعلمنا شغلناوووووالخ
شوأقول ولا شواقول بس
ثالثا اهله مب مختاجين راتب تقاعد ابوه ينزل كل شهر ظا يطلع من البنم ولا حتى ربية
بالعكس انا ما اقول حق ريلي لاتصرف عليهم مهما كان ابوه وابوه يصرف عليهم بس ويالس يصرف على واته وعيالهم ورياييلهم
وانا كلما اختاج شي يقول ما عنده يسلم معاشه حق اهله بس عسب ما يزعلهم
وأهم شي يا أختي أنتي مب عايشة ويانا ولا تعرفين عن الظروف الي مريت فيها
فأردوج بلا هالرد الجارح
ونسيت عن الاسلوب اتا من أول ما دشيت بيتهم وانا أىطي وياهم بس هم طبعهم دي ما يتقبلون ختى حرمة حمي تعاني بس هي اخين ظهرت بيت بروخها
ولا تزعلين من كلامي انا بس حبيت أوضخ
والسموحة

**ريلي حياتي** · 2011-05-26, 21:37

المشاركة الأصلية كتبت بواسطة بنوتةالامارات

><"
الله يعينج

خبريه تروحو بيت بروحكم !!

هلا أختي
انا خبرت ريلي عن البيت بس هو يقول
انه ماله عذر يخاف يزعل أهله لإيتري سنة أوطثر يوم أخوه بيعري بنظهر من البيت بحجة
الغرف
واشكرج ع المرور الطيب

**رضآٳڪ يٳ ربٳه** · 2011-05-26, 21:53

استغفر الله العظيم من كل ذنب عظيم
لاحول ولا قوة إلا بالله العلي العظيم

الموضوع: مشكلتي وي أهل ريلي

أدوات الموضوع

عرض

مشكلتي وي أهل ريلي

المزيد من آخر المواضيع من نفس القسم:

المواضيع المتشابهه

ريلي مشكلتي

مشكلتي ويا ريلي

مشكلتي مع ريلي

مشكلتي مع ربيع ريلي .... اغار منه ومن حركاته ويا ريلي