صفحة 1 من 5 123 ... الأخيرةالأخيرة
النتائج 1 إلى 7 من 34
  1. #1
    نجمة مضيئة


    رقم العضوية: 108489

    تاريخ التسجيل
    22 - 11 - 2008
    مشاركات
    212

    عرسي شهر 10 ومب عارفة شو اسوي او كيف ابدأ


    السلام عليكم ورحمة الله وبركاته

    خواتي يزاكن الله خير بحتاجة مساعدتكن

    عرسي شهر 10 ان شاء الله ومب عارفة شو اسوي او كيف ارتب اموري

    اول شي ابى اعرف كيف او متى ابدا اشتري الزهبة

    واهم شي كيف اهتم بنفسي

    جسمي فيه أثار حبوب واااااااايد وخاصة بطني وظهري

    وعندي شوي ترهلات من بعد الرجيم مع اني كنت اسوي رياضة

    عندي مناطق سودا في جسمي

    وشعري كششششششششششششة من الخاطر


    ومب عارفة شو الي اسويه عشان افتك من هذا كله



    الله يرزقها بكل الي تتمناه ياللي بتفيدني او ترفعلي الموضوع

  2. #2
    تاجرة برونزية


    رقم العضوية: 98967

    تاريخ التسجيل
    28 - 07 - 2008
    الدولة
    رآك
    مشاركات
    9,452

    افتراضي

    للرفع ان شاء البنات يفيدونج بس نصيحتي روحي عند دكتوره جلديه بيتعطيج مراهم للحبوب والترهل عليج بالرياضه خدي سير الكهربائي وامشي عليها وانتي تشوفي التلفزيون وربي يوفقج ان شاء الله





  3. #3
    تاجرة برونزية


    رقم العضوية: 9318

    تاريخ التسجيل
    02 - 09 - 2006
    الدولة
    دبي
    مشاركات
    1,124

    افتراضي

    فديتج اولا مبروك والله يتمم لج على خير

    اول خطوه لازم تبدينها من ناحيه الزهبه....تيبين دفتر و قلم وتكتبين انتي شو اللي بتحتاجيه اقل شي لمدة 3 شهور من عقب ليلة العرس وعدد كل شي...مثل:
    -جلابيات بيت
    -جلابيات مخاوير حق استقبال الضيوف ولا زوارتج انتي لاهل ريلج و اهلج
    -عبي ساده و عبي مطرزه ..وشيل حق العبي الساده واسكارفات وشيل بيت ليسو..
    -ملابس طلعه حق تحت العباه على حسب ذوقج وشو تحبين تلبسين..
    -ملابس داخليه و قمصان نوم وبجامات وشلح..(لا تنسين الملابس الداخليه تنوعين حق الاستهلاك اليومي في النهار والطلعات الطويله خذي قطن..ومجموعه ثانيه حق الليل بينج و بين يلج يوم تكشخين له))..والبجامات و القمصان نوعي ما بين القطن والحرير والدانتيل
    -عطور ودخون ودهن عود و مسك ومبخر وعود واطقم البودي لوشنات مع الشاور جل والخ
    - اكسسوارات حق شعرج و اطقم خفيفه حق استهلاك يومي وخواتم
    -مكياج بس لا تكثرين منه...وافضل انج تشترينه بعد ما تخلصين مشتريات ملابس و عبيج عشان تاخذين الوان تناسبج ملابس و ما تاخذين شي زياده..زلانه المكياج له عمر افتراضي معين و تقدرين عقب تاخذين الوان ثانيه متى ما احتجتي بعد العرس
    - شنط و تكرمين نعله الوان اساسية لملابسج خذي مثلا طقمين اسود وطقمين بني و3 اطقم الوان ثانيه حسب اغلبية الوان ملابسج
    - اغراض العنايه الشخصيه مثل كريمات مرطبه لجسمج و ويهج الليفه اللي تحبينها و الصابون اللي ترتاحين له...وموس نسائي للطوارئ لو سافرتي او شايح فيت لو كنتي من النوع اللي يشل بالحلاوه..واهم شي الغسول للمنطقه الحساسه هالشي اللي كل عروس تنساه...لازم تختارين نوع زين و ريحته حلوه عندج سيباميد وعندج كير فيري..وكير فيريعندهم مناديل معطره بعد للمنطقه الحساسه

    ونصيحه لا تكثرين وايد خذي لج مال استهلاك 3 شهور اقل شي لانه السوق موجود و الموضه تتغير واكيد بتروحين عقب و بتاخذين...وفكري انتي كحياتج في بيت اهلج شو تحتاجين دايما و اكتبي بس بتزيدين على القايمة قمصان نوم..

    ارفزي كل شي بروحه و خصصي ميزانيه لكل شي ما تتعدينها يوم تروحين السوق عشان ما تخترب ميزانيتج...والافضل تسوين لج اظرف تكتبين على كل ظرف اسم الغرض و المبلغ...واي شي يبقى زياده حطيه في ظرف اكتبي عليج الخردة الباقيه حتى لو كان نص درهم حطيه في الظرف...لانه نص على نص يسوون درهم..والدرهم الابيض لليوم الاسود ..الله يجعل ايامج كلها بيض يا رب..

    ....

    نيي للعنايه...

    بالنسبه لاثار الحبوب...عليج اولا تخصصين 8 اكواب ماي لازم تشربينها يوميا...وثانيا عليج بالحمام التركي او المغربي...تسوين مره كل اسبوعين لو ما تقدرين سوي مره في الشهر لين قبل عرسج بشهر و نص تسوين مره كل اسبوعين..يعني من نص 8 تبدين تسوين كل اسبوعين...و ادهني جسمج بزيت اللوز وايد زين يرطب و يشد و يشل البقع...وابدي من باجر ..قبل لا تسبحين بساعه تفكي بزيت اللوز...بتلقينه عند العطارين...

    نيي عند البقع...زيت اللوز وايد بيخفف لج البقع...وثانيا سيري عند العطار اطلب منه سدر مطحون...وحنا...لو ما لقيتي حنا...السدر يكفي...الاسبوع اللي ما بتسوين فيه حمام مغربي...سوي في البيت السدر...اما تعينينه بماي ورد و تحطيه على جسمج وافركيه بحركه دائرية... و تتريين ربع ساعه وعقب تغسلينه ..او قبل بيوم او نص يوم خذي اي صابون سائل للجسم...و اخلطيه مع السدر و خليه اقل شي 6 ساعات واكثر شي 24 ساعات..و عقب اسبحي بعد و تفرمي عدل و عقب تفركي بالليفه...وحمام الهنا...مع الاستمرار بتشوفين النتيجه بياض ان شاء الله و نعومه ونظافه..

    بالنسبه للترهلات استمري بالرياضه والمشي واذا الترهلات في الوروج فهاي سيلولايت..اما تاخذين له كريم خاص للسيلولايت او تشوفين لج سبا عندهم علاج السيلولايت بالمساج والاحجار الحاره...لو كانوا شي بسيط مب وايد وايد ...عادي لا تحاتين...معظم الحريم حتى الممثلات فيهن...عندج كيم كرديشيان المشهوره واللي الكل متخبل عليها تقول فيني سيلولايت و خطوط بيضه وما استحي لانه ها شي في جسمي طلع روحه مب انا سويته...

    ونصيحه اهم شي ثقتج بنفسج...دام انتي واثقه من نفسج و من جمالج و جمال قلبج بتنقلين هالثقه لريلج و بتعمين عينه عن هالامور البسيطه ..لكن لو انتي قلتي جدامه فيني و فيني ها اككبر غلط لو ما انتبه انتي بتنبهينه للشي لانه الرياييل ما ينتبهون على هالامور وايد دام الحرمه واثقه من نفسها وانه اللي فيها مب منها و صنع ايدها...ومب مقصره عليه بطيبة قلبها...

    بالنسبه لشعرج...في زيت اسمع 555 علي اصغر من محمصة هاشم انا اخذه في عيمان لو تعرفينه او عندج حد في عيمان اكيد مليون بالاميه يعرفونه لانه مشهور بتحصلين عنده بعد مطحون السدر...هالزيت جيمته 3 دراهم و نص..قبل لا تغسلين شعرج حطيه سوي منه حمام زيت نص ساعه...و اغسلي شعرج عدل...ومن تطلعين من الحمام كرمتي و شعرج خرسان خذي بس قطره وحده من الزيت و افركي شعرج بس قطره و عقب نشفي شعرج...مع مر الايام بتشوفين شعرج اعتدل وترتب و غلظ...وانصحج بشامبو شما..شوفي منو في المنتدى تبيع زيت شما اكيد عندها شامبو شما...وااايد حلوووو...او شامبو جنين القمح لو تبين تعرفين من وين راسليني عالخاص...

    وفي الصالونات عندهم شي اسمع تنعيم كريستال...ناويه انا اسويه يمدحونه نفس الكيراتين...او تقدرين تسوين كيراتين لشعرج...

    ممممم شو بعد شوو بعد شوو بعد ممممم شو نسيتي يا فولكيييي!!! مممم

    مادري لو تذكرت بقول لووول...

    وفديتج صح دايما لبسي هافات قطن و تنشفي عدل كل مره تروحين الحمام تكرمين لانه الرطوبه هي اللي تسوي السواد لو كنتي تعانين من السواد في المنطقه...وترا مب بس انتي 80% نعاني من هالشي و انا من ضمن اللي عانوا وايد...ما خليت شي ما جربته...سويت زيت اللوز و خف وايد بس من اوقف يرجع..عقب اكتشفت انه ساعات انا من العييله ولا ما يكون فيه كلنكس في الحمام كرمتي وما اتنشف وهو السبب....بس مع الاستمرار في التنشيف ولبس القطن...الحمدلله الحمدلله 90% من الاسوده راحت...

    وااي صبعي عورني هههه. وايد كتبت ما شاء الله علي تف تف تف تفتففففف....فديتج اي استفسار نحن كلنا خواتج هني في المنتدى معاج واللي نعرفه و عندنا خبره فيه بنساعدج دونت وووري

    وبالتوفيق والله يتمم عليج بكل خير و ابدي من باجر و عن العيازه


    اللهّم اغننا بحلالك عن حرامك وبطاعتك عن معصيتك وبفضلك عمن سواك. اللهّم لا تكلنا إلى أنفسنا طرفة عين
    اللهّم آمين



  4. #4
    عضو موقوف - عضوة موقوفة

    رقم العضوية: 177577

    تاريخ التسجيل
    05 - 10 - 2010
    الدولة
    بيتي مملكتي
    مشاركات
    15,212

    افتراضي

    شهر 10 !!!!!!
    يالله بالحياة الطيبة

  5. #5
    تاجرة برونزية


    رقم العضوية: 147726

    تاريخ التسجيل
    26 - 09 - 2009
    مشاركات
    5,938

    افتراضي

    الف مبروووك


    احلى الدريسات مجموعه مميزه جدا تقليد فساتين المشاهير ومن تصميمي لعيد الفطر

    الي حابه اشوف تتواصل معاي



  6. #6
    تاجرة برونزية


    رقم العضوية: 190604

    تاريخ التسجيل
    15 - 02 - 2011
    مشاركات
    2,784

    افتراضي

    انصحج تبدين من احينه تهتمين بجسمج وتعالجين المشاكل اللي بجسمج لان كل ما قرب وقت العرس كل ما كنتي اكثر مشغووله ف التجهيزات والترتيبات والمراكض للمشاوير

    اذا كنتي ميمعه صور من قبل لفي عليها شوفي شو تبين ... يعني مثلا شكل الفستان وشكل الباقه ونوع الورود...والله استغرب وايد بنات ف اسبوع العرس يقولن بنات منو يضبط مسكة العرس ومنو ممكن يسولي هالدزاين للمسكه ... الخ الخ .. او جريب العرس تسأل عن استوديو وزفه و و و وو
    هالاشياء ممكن تسوينها من احينه ...
    اذا بتدورين ع زفه من النت ع اسمج واسمه (بدون ميوزك) او بتنشدين البنات عن الزفات افضل من احينه ...
    دوري ف النت عن ديزاينات المسكات .. لان مخج احينه مب وايد مضغوط .. لان حزة العرس بيكون الف شي فراسج وبتكونين متوتره ووووو مالج بارض....احسن من احينه تختارين ,..
    ونفس الشي قرري شو بتسوين توزيعات ...وكيف شكلها .....
    وثيم العرس من الوان وميزانيه و و و
    ولبسة الصباحيه قرري شو من ديزاين بتلبسين ...
    يعني الضروريات من احينه قرري الشكل واللون والميزانيه ... بعدين عليج فقط التنفيذ...
    صح اهم شي جوتي العرس وانتي بكرامه ... من احينه لان وايد بنات يتوهقن ويدورن الجوتي ع اخر لحظه .. وبالتوفيق حبوبه
    التعديل الأخير تم بواسطة MEMOIR ; 2011-04-02 الساعة 08:58




    عندي منتجات فرنسيه لتبييض ونضاره البشره وللحفر والندوب ... ومقشر للبشره ...والطين الفرنسي لتبييض الجسم ...
    اسرع حل لسواد الاكواع والركب والقدمين واليدين



  7. #7
    عضوة


    رقم العضوية: 171366

    تاريخ التسجيل
    09 - 05 - 2010
    مشاركات
    62

    افتراضي

    بالتوفيج
    احلى شي الكشة ضحكتيني الصراحة معضمنا كشة لان موية الامارات مياه بحر مالحة تخلي الشعر جاف غصب

صفحة 1 من 5 123 ... الأخيرةالأخيرة


المواضيع المتشابهه

  1. بنات دخييلكن ساعدني باجر عرسي و مب عارفة شو اسوي
    بواسطة تاج الروس في قسم : دليـل الـعروس
    مشاركات: 20
    : 2011-03-03, 08:40
  2. مب عارفة ابدأ مشروعي
    بواسطة حنان الهاجري في قسم : مال و أعمال و مشاريع
    مشاركات: 9
    : 2009-12-13, 16:28
  3. اريد اسوي تجارة عطور كيف ابدأ
    بواسطة أم شوق وسعيد في قسم : مال و أعمال و مشاريع
    مشاركات: 14
    : 2009-07-06, 15:58
  4. ابااا اسوي كتااب بس ما اعرف كيف ابدأ..
    بواسطة banootaah في قسم : مال و أعمال و مشاريع
    مشاركات: 17
    : 2007-09-25, 01:10

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading