تعبانه تعبانه نفسيتي خلاص صايره داااااون

**ت ع ب** · 2011-03-26, 20:31

السلام عليكم

انا تعبت خلاص وصلت حدي حتى الدموع جفت للاخر خاطري ريلي يدلعني برمسه حلوه يقولي احبج
وحبيبتي او على الاقل يوم امرض يقول سلامتج او لما اصرخ من ويع الحمل يقول شوفيج ياليت اسمع كلام حلو الله يبعدني عن الحرام انا ادلعه وكنت ادلعه احين مليت من كل شي ليش ادلع ماحصل مقابل
تعرفون شو يعني اعاني من فراغ العاطفه وانا معرسه ؟؟؟ماحسسسس باهتمام عاطفي من صوبي من حيث الرمسه وانا عاطفيه وايد وايد لايقولي انتي محلوه والا كاشخه ومهما حاولت اكشخ مايقول لين يت فتره اهملت وبعدين رديت وكشخت ولا حس ادري يمكن يشوف الموضوع بس انا ميته ميته ميته
خاطري بكلمه يعطيج العافيه بحبيبتي باحبج يعلني ماخلا منج بورده بحظن بس حظن بدون شي ثثاني
انا ماقدر اعيش جربت كل الطرق وحتى الرمسه الحلوه جربتها وماتنفع لانه مايعرف يقول يارب
خاطري يوم اكون مظايجه يخفف علي مايروح يرقد عني خاطري يوم انهد بويهه يحظنييييييي ويهديني مايروح ويسوي طاف

ألف رحمه عليه .. حبي اللي ذبحتهألف رحمه عليه

ألف رحمه عليه عمري اللي اخذته ألف رحمه عليه

كان بيدك تسعده تحظنه ماتبعده

لكن انته ..!!

رحت ......... جاي تسأل عليه

يارب رحمتك

بس ادعولي

المزيد من آخر المواضيع من نفس القسم:

**بنت دبي444** · 2011-03-26, 20:39

اتعوذي من ابليس وروحي اتوضي وصليلج ركعتي وصيحي وادعي ربج إن الله يسخره لج، راح اتحسين براحتي أختي

ثاني شي إنت جد كلمتي ريلج عن هذا الموضوع؟ هل خبرتيه عن جفافه، يمكن ريلج من النوع اللي ما يعرف يعبر بالكلام بس تعبيره بافعاله؟؟

هذا احتمال واإذا كان لا، فإنتي لا تيإسين ولا اتقولين ما بهتم فيه لأن ما يهتم فيني، لا تزيدين الفجوة اللي بينكم وقريبه منج وكوني ذكية اكسبيه

**مواليد2010** · 2011-03-26, 20:43

الغاليه قوليله عاتبيه حاولي تطلعين منه لو كلمه في الاسبوع لين يتعود حاولي بنفسج تعالجينه في ناس جامده وماعندها مشاعر او يستحي حاولي تغيرينه
مثلا خليه يكتب كلمة احبج موت او سوي قرعه وقوليله اي شي يطلعلك تسويلي او تقولي وابتدي بالكلمات الخفيفه وبعدين اتعمقي في الرومانسيه اشتري لعبة الحب

**الغزلان** · 2011-03-26, 20:46

الله يعينج الغاليه

انا من رايي انج تصاريحنه وتخبرينه عن اسلوبه الجاف
يمكن يتغير

**طيف المشاعر** · 2011-03-26, 20:47

اختي الغاليه اغلبية الريايل جذي ما يحبون ايعبرون عن اللي داخلهم ،،،

في ريايل ايحبون حريمهم يكشخون الهم من لبس وميكب بس ما يقولون الهم كلمة حلوه ولا حتى مجامله ،،

يعني هم مستانسين عن اللي اتسويه الحرمه بس ع السايلنت يعني بدون كلام حلو او مجامله ،، خليج عاديه اختي واكشخي لنفسج ،،

دايمن حطي ببالج انا بتعدل لعمري وبسوي هالشي لعمري ،، والله انه نفسيتج راح تتغير ،، ومع مرور الايام راح تتعودين ،،

لا تهملين نفسج ، خلج دوم حرمه بيت سنعه ،، لا تنتظرين مجامله ولا كلام حلو من حد ،و ادري هالشي صعب وايد وخاصه انج تبين هالشي من اقرب الناس لج ،،
سوي اللي يمليه عليج ظميرج ، لا اتقصرين معاه ،وابتغي الاجر من الله ،،

ولا تنسين اختي اقري واستخيري والله يكون بعونج اختي ،،

**فاقدهـ غالي** · 2011-03-26, 20:49

الله يسخر لج ريلج و يهديه ..

عليج بالدعاء ثم الدعاء ثم الدعاء ..

و الله يفرج همج يا ربي ..

**سيد جروحي** · 2011-03-26, 20:56

الله يعينج ويسخره لج
عليج بالدعاء فديتج
وصح صعبه تعطين بدون مقابل بس لاتحطين فبالج عشان ترتاحين انتي سوي اللي عليج واسئليه عن هالشئ يمكن من النوع اللي مايطلع مشاعره لو شو ماتسوين بس اشوي اشوي راح يتغير
يعني مثلاا يوم قلتي مايقولج كاشخه ولا حلوه مب شرط انتي امدحي عمرج جدامه يعني قولي شوف حرمتك كيف كاشخه عشان ينتبه يعني لاتيأسين وخليييج كووووول

**بنت بحور** · 2011-03-26, 21:04

ادعيله بالهدايه والله يسخره لج يارب ..

**um theyab** · 2011-03-26, 21:09

ربي يسخره لج ان شالله
لا اله الا انت سبحانك اني كنت من الظالمين

**شيكي** · 2011-03-26, 21:10

عندي وعندج الخيير لو اسوي ما اسوي ماشي فايده

**GuMus** · 2011-03-26, 21:12

الله يعينج

**مـــــريم** · 2011-03-26, 21:17

الله يسخره لج

**MEMOIR** · 2011-03-26, 21:27

الله يسعدج خيتوووو ويسخركم لبعض
ع حسب الل قريته ان معظم الرياييل مايعبرون عن حبهم بالكلام
الريال يشووف عمره انه يحب بيته وعياله لما يامن لهم الحياه الكريمه
لما ينش يوميا من الصبح للظهر وهو ف الدوام
لما يصرف ع البيت والحرمه
لما يطلب حرمته ف الفراش

هو باعتقاده جيه يعبر عن حبه
الحرمه تحب تعبر عن حبها بالكلام الحلو والدلع لانها عاطفيه
الرجل الشرقي جاد وعملي ف معظم الاحيان
يالغاليه استهدي بالله لو الريال يحبج مب لازم يقولج ،، الافعال هي اللي تبين لج لو كان يحبج

هذي كلها معلومات قريتها وما عندي اي خبره ف الحياه الزوجيه

**الأحلام الملونة** · 2011-03-26, 21:46

حبوبة كل شيء بالدنيا له أوجة مختلفة وجوانب أعرف زين شو العاطفة عند الحرمة ولو يفهم الرجل كيف يكسب

قلب وروح وعقل الحرمة بالكلمة الحلوة والمعاملة الرقيقة 000 بس بنقول هذا نصيبك فانصيحة لك الغلا أختاري

وقت تكوني فية مرتاحة ومسكي ورقة وقلم وكتبي الأيجابيات في حياتك الزوجية كلها بكل صدق وشو أنضاف اشياء

بحياتك بعد الزواج وكتبي الأيجابيات التي في صفات زوجك من كل الجوانب وقارني كم البياض بحياتك من السواد

وأنا متأكدة سوف تجدي أشياء كثيرة بيضاء بحياتك لآن الله غير محرم بوسط كل سواد بياض ناصع وهذة قاعدة

الحياة ما في أنسان بالدنيا مكتملة معة كل الأشياء الكمال لله 00000 بعد ذلك ركزي علي الأشياء الأيجابية بحياتك

وخليها هي من تنير لك طريقك وتستمدي منها الطاقة وتقربي من الله بالدعاء لما ينقصك وبأذن الله لن يخيبك الله

بس الأحباط واليأس والكآبة لن تري الأشياء الحلوة التي بحياتك لعل الله يكمل لك ما ينقصك بفضلة وأحسانة 0000

**نجمة الفجر** · 2011-03-26, 23:03

صااارحيه ياالغااالية يمكن هو هب من نوع اللي يعبر عن اللي بداخله..!!

ودعي ربج أنه يحنن قلبه عليج.

الموضوع: تعبانه تعبانه نفسيتي خلاص صايره داااااون

أدوات الموضوع

عرض

تعبانه تعبانه نفسيتي خلاص صايره داااااون

المزيد من آخر المواضيع من نفس القسم:

المواضيع المتشابهه

نفسيتي تعبانه

نفسيتي تعبانه

تعبانه نفسيتي

نفسيتي تعبانه

نفسيتي تعبانه