وهـ يا زين رجيلاتي ~ 97% لا معاناة بعد اليوم .. ~ بالصور ( عابره سبيل)

**قطوه صغيره** · 2011-03-25, 11:47

السلام عليكم يالحلووووووين

اليوم نقلت

لكم موضوع من الاخت عابره سبيل )

عيبني ونقلته وان شاااااء الله انا اجربه واقولكم شو يستوي ^^

بسم الله الرحمن الرحيم

حبيباتي اخباركم ؟ ان شاء الله بخير ..

انا حالي زي حال أي وحده هنا فالمنتدى ..
محد كامل (والكامل الله) .. لكن دائما نطمح ان نفيد و نلاقي حلول لبعض ..

واحب استخدم اشياء ما تكلفني اكثر من 50 ريال ..
( والله مو بخل .. لكن فيه منتجات كثيره غاليه ما استفدنا منها ابد )

واليوم حبيت انزل موضوع جديد ..

بصراحه .. القدم بالنسبه لي اهم منطقه فالجسم ..
ما ادري ليه عندي احساس ان اذا كانت القدم ناعمه و مو خشنه و موحدة اللون
هي اللي تبين انثوية البنت اكثر من يدها ..

هذا رأيي طبعا ههههههه عندي عقده مع الاقدام ..
لكن بإذن الله اليوم بتكون هي نهاية المعاناه عندكم .. مثل ما انتهيت من 97% منها ..
-------

طبعا اغلب البنات يكون عندهم بقع في القدم من الشوزات (وانتوا بكرامه) او الجلسه على الارض ..
و غالبا هالاماكن تكون هذي :

1) خلف القدم .. (اليرقوب) .. ( خف بنسبة 86%)

2) قريب من الكعب .. "وهي كتله سوده مادري من وين تطلع" .. ( قدمي اليمين راحت 100% و اليسار 97%)

3) جنب اصبع القدم الكبير .. ( في القدم اليمين و اليسار راحت 100%)

ملاحظه/ انا ما اعاني من اسوداد الكعب .. لكن ممكن تجربينها عليه ..

نبدأ بسم الله ..

كل ما تحتاجين له اشياء بسيطه ..

- ربع ملعقة جليسوليد ..
- ربع ملعقة فازلين ..
- اقل من ربع صابونة دوف الورديه ..
ملاحظه/ ممكن تجربين صابونه ثانيه اذا ودك لكن مادري اذا النتيجه نفسها او لا
- نصف عصير ليمونه ..

اول شي ناخذ صابونة دوف ..

و نقطع مقدار اقل من ربع ..

ملاحظه/ انا جربت الطريقه 3 مرات .. وما استخدمت الا نص صابونة دوف ..

طبعا انتي و على راحتك كيف تقصينها .. البعض يحكها بالسكين عشان تصير مبشوره على طول ..
ولا صيري زيي و ابشريها بالمبشره و افتكي ..

-- يــتبــــع --

المزيد من آخر المواضيع من نفس القسم:

**قطوه صغيره** · 2011-03-25, 11:49

نصب عليها عصير الـ نصف ليمونه ..

بعد الخلط ..

و نضيف ربع ملعقة جليسوليد .. تقريبا هالمقدار ..

بعد الخلط ..

نضيف ربع ملعقة فازلين .. تقريبا هالمقدار ..

ملاحظه/ ترى الفازلين ربع ملعقه لكن وانا اصور صار سايح و كأنه نص ملعقه ولا هو اصلا ربع ملعقه)

بعد الخلط .. بتكون شوي ثقيله .. زي كذا ..

و بعدها حطيها على رجلك .. و حطي على الاماكن الغامقه طبقه اكثف ..
طبعا لا تظنينها زي الكريم بتتشربها البشره ..
لا لا حطيها و بتكون خلطه بيطه على رجلك ههههههه ..
و جيبي كيس نايلون ..
ملاحظه/ اذا بتستخدمين الكيس العادي تأكدي انه خالي من الوسخ او أي قطع صغيره ..

انا استخدمت هذا الكيس .. حق تغليف الاكل .. اقصه على مقاس اكبر من رجلي بشوي ..
و ألبس فوقه شّراب (جوارب, دلاغ) .. واقعدي فيه مده لا تقل عن ساعه ..

اذا مرت ساعه .. شطفي رجلك بالمويه بس (بدون صابون) ..
بعدين خذي الحجره السوده او البيضه .. ( انا استخدمت البيضه ) ..

ملاحظه/ ممكن تستخدمين الفرشاه الخشبيه حقة القدم من بودي شوب بدل الحجره لكن انا ما جربتها فـ ممكن انها ما تجيب نفس مفعول الحجره البيضه ..

و افركي رجلك خصوصا على الطبقات الغامقه .. لكن بخفيييف لا تجرحين نفسك .. بعد ما تخلصين من الفرك اغسليها بالصابون اللي يريحك ..

و اذا خلصت من كل شي ارطب رجلي بـ نيفيا زيت اللوز ..

وبس ..

---------
النتايج :

مدة استخدامه:
استخدمتها 3 مرات فقط وشفت نتايج واااااااو ..

كيفية استخدامه:
تحطين الخلطه على رجلك مده لا تقل عن ساعه ثم تشطف القدم بدون صابون و تستخدم الحجره البيضه او السوده
تفركين فيها المناطق الغامقه .. بعد الفرك اغسليها بالصابون اللي يريحك ..

النتيجه:
ورببببي نتييييجه مذهههللللللللللللله .. تقريبا ككل رجلي تحسنت بنسبة 97%
صرت امشي على رجلي فالبيت بكل فخر .. واختي تطالع تقول كأن فيه بقع برجلك وينها ؟؟؟
حتى حسيت الفرق بمفاصل رجلي .. بدت تتوحد ولله الحمد ..

مدة النتيجه:
من اول مره شفت النتيجه على ..
1) البقعه القريبه من الاصبع الكبير (وصراحه هي كانت معقدتني و ذهلت من اول مره خفت بنسبة 50%)
2) البقعه اللي قريبه من الكعب ( آآآآآه كانت معذبتني بشككككل)
و من ثالث استخدام شفت التحسن بـ خلف قدمي (اليرقوب) ..

--------------

ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

أي سؤال حاضره للغالين ..

ملاحظه مهمه/ هذي الخلطه للاستعمال مره وحده .. يعني ماتحفظينها او شي .. لا لا على طول تخلطينها و تحطينها على رجلك .. هي تكفي اصلا حق رجلينك الثنتين لمره وحده فقط ..

**قطوه صغيره** · 2011-03-25, 11:51

وهاي وحده من العضوات جربت الخلطه

مرحبا يا حلوات وجمعتكم طيبة

امس بالليل قريت موضوع الحلوة عابرة سبيل وعنايتها بريولها على طول طبقت وجربت
قسسسسسسسسم بالله النتيجة خياللللل
البقع من ريولي راحت وصارت ريولي ناعمة حيييييل

شكرا يا اختي الغالية وبدعيلك كل يوم

**أمورة** · 2011-03-25, 11:55

مشكوره فديتج على النقل الطيب

يبالنا نهتم بريولنا بعد الشتاء صابني جفاااف (><)

**حبوبة وخلاص** · 2011-03-25, 12:08

فوووق

**mischocolat** · 2011-03-25, 12:43

يللا عاد الحين صيف
يعني صنادل.. وسطاحي.... وحلو الاصابع والريل كلها بعد تبان حلوه ونظيفه وموحد لونها

شكرا لصاحبة الموضوع الاصلي
وشكرا للي نقلت الموضوع
ويعد شكرا لكل وحده بتجرب الطريقه .....يمكن ينفع وياها

ع الاقل جربوا يابنات خصوصا المكونات متوفره في كل بيت

**دمي اماراتي..** · 2011-03-25, 12:57

شگلهآ حلوه ومگوناتها احلى . . ~

تسسلمين ع النقل الطيب ..

بجربهـآ لـأمآگن ثانيه بعد ^^

ربي يعطييييييچ الف عآفيه ويزآهآ الله خير عآبرة سبيل ..

**Qalb7sas** · 2011-03-25, 14:23

يعطيج العافيه حبوبه

**hope09** · 2011-03-25, 16:37

تسلمين ..

**كلامي عسل** · 2011-03-25, 18:42

يزااااااااااااااااااااااااج الله الف خير
ومشكوره ع النصيحه
ان شاء الله بجرب و بخبرج النتيجه

**روومانه** · 2011-03-25, 19:20

جزاج الله خير اختي

**ساره خالد** · 2011-03-25, 21:49

مشكووووووووووووووووووووره

**زيباشو** · 2011-03-25, 21:53

الطريقة مضمونة باذن الله لان الترطيب المستمر مع التنظيف العدل من الخاطر يبيض البقع

ومشكوووووووووووووووووووورة على الخلطة الحلللللللللللللللللللللللوة

**ورشانة** · 2011-03-25, 22:26

.. مشكوووووووووووووووورة ..

.. جاااري التطبيق ..

**سنع ليوا** · 2011-03-25, 22:36

ما شاء الله يزاج الله خير حبيبتي

الموضوع: وهـ يا زين رجيلاتي ~ 97% لا معاناة بعد اليوم .. ~ بالصور ( عابره سبيل)

أدوات الموضوع

عرض

وهـ يا زين رجيلاتي ~ 97% لا معاناة بعد اليوم .. ~ بالصور ( عابره سبيل)

المزيد من آخر المواضيع من نفس القسم:

المواضيع المتشابهه

قصت باكستاني يقتل باعة هوي بعد علاقه عابره

تعليم الطفل عالحمام ... معاناة ما بعدها معاناة

(`'•.¸شرشف صلاتي ما يغطي رجيلاتي¸.•'´ )‎

معاناة مدرس حاسب آلي بالصور

O?°· (نبضــات حــــزن عابره .....!!! ) ·°?o