صفحة 1 من 4 123 ... الأخيرةالأخيرة
النتائج 1 إلى 7 من 26
  1. #1
    تاجرة برونزية


    رقم العضوية: 11557

    تاريخ التسجيل
    13 - 10 - 2006
    الدولة
    ولايه نيويورك -امريكا
    مشاركات
    15,067

    افتراضي نصائح للامهات الجدد......... اول سنه للطفل بالصور


    السلام عليكم

    الامهات الجدد تلاقي صعوبات مع البيبي اول واحد ترا يكون حقل تجارب

    فكوني مخضرمه خع حلو مخضرمه بفيدكم من خلال تجربتي

    شنو اللي تنتبهي على البيبي عشان ماياذي نفسه

    السنه الاولى سنه الاستكشاف لدى الطفل فيحاول يكتشف كل شئ حوله

    1 الطفل بهالعمر كل شئ يحط بفمه يبي يتذوقه شيلي كل الاشياء الصغيره اللي ممكن يختنق بيها

    الادويه المواد الكيماويه المنظفات اي شئ سائل ابعديه عن متناول الطفل

    2 الحمام ياحبهم للمويه الا كل شوي راح تطلعيه من الحمام كل شوي يحط

    ايديه بالتواليت ووووووووووووووواء فدايم الحمام مسكر او اخذي مسكر التواليت نفس اللي بالصوره

    لان في اطفال يحاول يوصل للمويه فيسقط جوات التواليت ويختنق ويموت!!!



    3 الادراج دايم كهف الاستكشاف الادراج فحاولي مايكون بيها اشياء خطيره اللي بيها ادويه او مواد تنظيف سكريها بالاقفال





    بعض الاطفال يحاولون الدخول جوات الدرج فيطيح عليهم ويصابون اصابات بالغه وبعضهم يموتون!!!

    تثبيت الاثاث اللي مو مثبت بالحيط عشان الطفل لو حاول يهز الاثاث مايقع عليه


    4 المطبخ دايم الولد مع امه في الطبخ اوعي تتركي الولد وانت تطبخي تحت البوتجاز خاف يسحب

    المقلي او الماء الساخن او انت يوقع من ايدك شئ او يطير الزيت الساخن

    ساعات الطفل يفتح الفرن ويطلع عليه فخذي له قفل زي الصوره



    يبي ابنك يكون معاك حطيه بكرسي الاكل بعيد عن مكان الطبخ يشوفك وتشوفيه!!!

    الثلاجه كمان سكريها زي الفرن عشان موكل شوي مطلع لك شئ وكاب شئ على الارض!!

    5 الاكياس البلاستكيه ابعديها عن الاطفال لانهم يحطون راسهم جواتها ويحتنقون!

    6 الالعاب اخذي الالعاب اللي مابيها قطع صغيره تسبب الاختناق اخذي العاب حتى لوحطها بفمه الطفل

    او عظها مايطلع منها بلاستيك لانه يسبب تسمم الدم.

    7 اذا كان زوجك يدخن بعيد عن الطفل لان التدخين يضر برئه الطفل ابعديه عن الدخان سوا دخون او

    غيره لانه يدمر الرئه وان كان كثير يدمر الدماغ!

    8 النوافد الاطفال تحب تطالع من النوافد اذا كنت بدور علوي دايما النوافذ مسكره اذا الطفل يعرف

    يفتحها اخذي حامي النوافد المؤقت



    9فيشات الكهرب الطفل يحب يجربها فيحط صبعه لازم انك تغطينها بغطاء الكهرب اللي بالصوره



    10 غطاء البيبي ! بعض الاطفال تغطي وجوههم وهم نايمون ويختنقون فحاولي دايم تشيكي على البيبي

    او اخذي جهاز يطلع البيبي صوت وصوره ورؤيه ليليه



    11حواف الطاولات دايم الاطفال يفكون روسهم يخبطون بحواف الطاولات فحطي حامي لهم





    التعديل الأخير تم بواسطة zezenya ; 2011-03-10 الساعة 18:36

  2. #2
    تاجرة برونزية


    رقم العضوية: 11557

    تاريخ التسجيل
    13 - 10 - 2006
    الدولة
    ولايه نيويورك -امريكا
    مشاركات
    15,067

    افتراضي


    12 الاطفال حديثي الرضاعه يرجعون الحليب فلازم انك تحطيه امن على الجنب اليمين او الشمال

    عشان لو رجع مايختنق بالحليب ودايم جهاز البيبي معاك تسمعي صوته لو رجع تروحي تشوفيه!

    13 لا تشربي شئ ساخن او تشيلي شئ ساخن والطفل بحضنك لان الطفل يحاول انه يسحبه منك قبل

    اسبوعين صديقتي بنتهااحترقت بالكوافي عمرها 6 اشهر امها حطتها بحضنها وقعدت على الارض

    والكوفي على الطاوله والبنت سحبته وحرقت بيدها حرق كبير فانتبهي لطفلك

    14 دايم يكون عندك في البيت خافض الحراره مقياس للحراره مرهم التهابات الحفايض والاسعافات

    الاوليه لان ساعات تصير للبيبي اشياء بساعات المحلات مسكره او مافي حد يساعدك

    اليك اهم الاشياء




    مقياس الحراره عن طريق الاذن او اللهايه



    كريم التهاب اللي تسببها الحفاضات



    خافض الحراره



    شفاط لشفط المخاط من انف الطفل عندما لا يستطيع ان يتنفس الرضع يقعدون يبكون لانهم مايعرفون

    يشربون الحليب وانوفهم مسدده!



    قطر لتفتيح انف الطفل عند الانسداد



    فكس ينفع لدهن صدر الطفل عندما يمسك برد جامد



    هذا لمن يكون التهاب بالصدر تحسي السعال من الصدر طالع مع صوت !



    مسكن الالم



    ألاسعافات الاوليه لصق شاش كل شئ يجي بيها مره مفيد ماستغني عنه سالوني كم استخدم

    شوي طايح من السيكل ولدي شوي اخوه دافه على الارض ولو قطره دم يبي لصق برهومي

    ووووووووووواء




    هاي اعجوبه تطلع بخار هاي اذا ولدي بدا يسعل بيه برد مايتنفس ركض عليه احط بيها ماء وشوي

    وملح تطلع بخار يساعد على التنفس ماستغني عنها طول الليل شغاله يمه وهو نايم انام روووعه

    15اذا انحرق طفلك لا قدر الله اول خطوه اذا انحرق وهو لابس يعني الحرق تحت اللبس بسرعه شيلي اللبس

    ولو كان الحرق مره قويه راعي تشيلي ببط عشان الجلد مايطلع باللبس وغسلي بمويه وعلى طول حطي عسل

    وركض للمستشفى لا تغطي الحرق ابد تغطيه الحرق يخلي المكان يخيس

    16 اذا انجرح ولدك غسلي مكان الجرح بماء بارد ومسكي مكان الجرح بمنديل وضغطي على الجرح من اجل اوقاف النزيف

    عقب حطي لصقه في لصقات حلوه للاطفال عشان يسكت مايقعد وووواء في عده كارتون اخذي اللي يحب طفللك





    اذا كان جرح كبير ونزيف كثير تروحي المستشفى بسرعه ولازم بسرعه تدشي غرفه الاسعاف لا تنتظري والولد ينزف

    لان النزيف خطير على الطفل!

    17 الستائر انتبهي على الطفل منها هالخيوط اللي بيها ممكن الطفل يخنق نفسه بيها وصارات عده مرات اطفال يموتون خنقا بالستائر!!!

    حاولي الخيط تخليه قصير مره مايوصل له الطفل!




    التعديل الأخير تم بواسطة zezenya ; 2011-03-10 الساعة 18:16

  3. #3
    تاجرة برونزية


    رقم العضوية: 11557

    تاريخ التسجيل
    13 - 10 - 2006
    الدولة
    ولايه نيويورك -امريكا
    مشاركات
    15,067

    افتراضي


    18 اذا ولدك بدا ينط من سريره لازم تحطي السرير بمكان واسع حتى لو نط من سريره مايكون المكان ضيق اللي نط عليه ويموت

    شوفي الصوره هاي مكان محصور لو نط لورا وماعرف يطلع ثاني او يعبر تحت السرير



    صارت مع وحده ابنها نط من السرير والسرير كان محصور قريب من الدفايه وصعب يخرج من هذيك الجهه وامه ماعرفت جت تشوفه لقته ميت ورا السرير!!!

    يعني حطي السرير بعيد عن الحيط زي كذا



    19 الاكل لاتاكلين ولدك وهو يصيح راح يختنق .........او انه بفمه الاكل وتصرخي عليه اكل ليش ماتاكل والطفل

    يفك حلجه وايد اطفال من يبكون يشرغون فاذا الولد مايبي ياكله لا تضغطي عليه امكن مو حابب الاكل غيري الاكل

    او خليه يلعب شوي عقب اكليه




    ملاحظه

    اذا تبي ولدك ياكل لا تشربيه وايد سوائل قبل الاكل او تعطيه بسكويت قبل الاكل لانها تسد النفس!

    وغيري له الاكل لاتظلي بنفس الاكل كل يوم زي مانت تحبي تغيري الطفل نفس الشئ!

    20 الدرج اذا انت ساكنه في بيت بيه درج حاولي تحطي حامي للبيبي عشان مايطيح


    21 الاسنان اخ من الاسنان الطفل اول مايبدا تطلع له سنان تلاقي كثر يبكي واسهال ويزن ولعاب وايد يطلع من فمه

    عشان تعرفي انه بمرحله التسنين يبدا يحط يده بفمه او يدك او اي شئ يحك بيها اللثه تورم واحمرار فالمراحل الاخيره

    ومايريد ياكل في هالفتره لا تضغطي على الطفل لان الالم مخليه مزاجه صعب ورافض للاكل






    او يحك بسريره انتبهي يطلع الصباغ وياكله بيصير تسمم حطي غطاء لحافه السرير زي كذا



    انت لازم تفهمي هالمرحله للطفل وتحاولي تساعديه بالاشياء اللي تعينه على تخطي هالحاله

    العضاضه اللي تناسب طفلك



    مسكن الالم للثه



    عضاضه الفواكه تحطي بيها فاكهه وتعطي الطفل



    22 عقب مايصير عنده اسنان لازم تهمتي بيهم تغسليه بمنديل مبلول عقب كل رضعه



    وتعلميه على غسل سنانه اول مايبدا يمشي في فرش ومعاجين خاصه للاطفال لاتستعملي حق الكبار





    23 الادويه اعطاء الادويه للصغار متعب وصعب اليك هالطرق لتسهيل هالعمليه



    لهايه رضاعه قطاره او زي الحقنه كل هالاشياء تنفع تعطي بيها الطفل الادويه مره تسهل عليك

    24 الامراض طريقه التعامل مع الامراض


    السخونه

    اذا الطفل مره مسخن لازم تاخذيه الحمام وتغلسيه بمويه قريبه للبارده مو بارد لامايله للبروده

    عشان تنخفض بسرعه الحراره لان ارتفاع الحراره مره خطير على الطفل

    بيصيح الولد بس عادي تمي صبي الماء عليه لمده 3 الى5 دقائق عقب نشفي جسم الطفل

    ولبسي الحفاظ وتيشرت بس وعطيه خافض الحراره

    وحطيه على السرير ولا تغطيه بلحاف غطيه بشرشف بس وعطيه كمادات عقب 30 دقيقه قيسي

    الحراره وشوفي نزلت والالا

    اوقفي اعطاه حليب لان الحليب يتخثر والطفل مسخن ويرجع الطفل

    عطيه سوائل بكثره ماء او عصاير بس ماتعطيه حليب!!!

    اذا تم مانزلت اخذيه المستشفى

    الاسهال

    اذا الطفل بيه اسهال اوقفي الحليب

    والاكل عطيه بس سوائل عصير تفاح وماء فقط او ماء وسكر

    اذا كان فيروس بيطلع مع كثر الشرب بس الاكل والحليب تزيد الطين بله!

    ختان الطفل



    من اصعب شئ التعامل مع ختان الطفل

    اليك هالطريقه معتمدتها مع عيالي خع

    من يختن الولد بيلفون مكان الختان بشاش هالشاش

    انت ماتشيله بنفس اليوم خليه ثاني يوم صبي بيدك شوي ماء دافئ على الشاش

    وحاولي بشويش تشيليه لا تسحبيه بيطلع الجلد وووووووووواء

    عقب خلي حد يساعدك يفرق ارجل الولد ماتخلي يحرك رجوله

    هاتي شاشه ثانيه وحطي عليه فازلين او كريم اللي قال لك الدكتور

    وكثري ولفي مكان الختان بالشاش وعلى طول حطي الحفاض

    لا تتركي الولد من دون حفاض ابد لانه الحفاض يفرق الارجل

    فمايصير احتكاك ويعور نفسه

    وتمي كذا اسبوع الى ان يتشفى ولدك لا تحمميه هالفتره

    حاولي بس تمسحي جسمه بمناديل الاطفال لانك لو تحممي الولد راح يحرك ارجله

    ويعور نفسه


    لي عوده اكمل
    التعديل الأخير تم بواسطة zezenya ; 2011-03-10 الساعة 19:56


    [COLOR="Navy"][SIZE="6"]
    توفير طلباتكم من موقع رالف لارين الاصليpolo
    اول تاجره على النت توفر طلباتكم من امريكا& اوروبا
    وتساب0013472745483 BBM 26D470D2
    ردود البنات اللي استلموا اغراضهم مني





  4. #4
    نجمة متلألئة


    رقم العضوية: 50969

    تاريخ التسجيل
    21 - 08 - 2007
    مشاركات
    453

    افتراضي

    تسلمين الغاليه ع الموضوع المفيد


    الحمدلله



  5. #5
    تاجرة برونزية


    رقم العضوية: 148501

    تاريخ التسجيل
    01 - 10 - 2009
    الدولة
    أرض بلادي الحبيبه
    مشاركات
    11,448

    افتراضي

    وااايد حلو الطرح مشكوره

  6. #6
    عضوة مميزة


    رقم العضوية: 150

    تاريخ التسجيل
    08 - 10 - 2005
    الدولة
    ملتقى العالم ( امارات الخير )
    مشاركات
    7,572

    افتراضي

    موضوع مفيد وحلو والاحلى وجود الصور


    جهودي في المنتدى كانت لوجه الله, وكل كلمة كتبت تسئ لي مردوده على صاحبه وهو مسؤول عنها ليوم القيامة
    البينة على من ادعى
    استودعكم الله ^_^



  7. #7
    نجمة فضية


    رقم العضوية: 55954

    تاريخ التسجيل
    19 - 10 - 2007
    الدولة
    الشارجه
    مشاركات
    7,857

    افتراضي

    موضوعج قمه في الروعه وفعلا مفييييييييد جدا جداااااااا ..

    يعطيج العافيه عزيزتي و تسلم لنا أناملج ..

    والله يخليلج عيالج يا رب ويبارك فيهم ^^

    و أنا بنتي فديتها أحين قامت تسحب اللحاف وتغطي على ويهها أمس ذبحتني من الضحك بالليل أسمعها تزنزن وقمت أشوفها على بالي تلعب أثاري الحبيبه غطت على ويهها باللحاف ومبتلشه مب عارفه كيف تخوزه ><
    علشان جي أحس رقادي بالليل متقطع أقوووم أشيك عليها عن تغطي على ويهها و ألحف أخوها لأنه عكسها يخووووز اللحاف عنه كامل و يتم يرتجف من البرد ><

    يتدلعوووووووووون عيالي الله يحفظهم ☻


    سبــحانك اللهمـ و بحمــدك ☺



صفحة 1 من 4 123 ... الأخيرةالأخيرة


المواضيع المتشابهه

  1. نصائح للعرسان الجدد !
    بواسطة ميانه بوظبي في قسم : دليـل الـعروس
    مشاركات: 10
    : 2011-09-04, 11:11
  2. المكملات الغذائية للطفل :نصائح وارشادات
    بواسطة @ أم زايد @ في قسم : الأمومة و الطفولة
    مشاركات: 6
    : 2011-07-30, 09:22
  3. نصائح للأمهات الجدد وخصوصآ المرضعات
    بواسطة galadubai في قسم : الحمل والولادة
    مشاركات: 3
    : 2009-03-23, 23:44
  4. /,¤°´'`°•.¸نصائح للامهات في كيفي¸.•°´'`°¤,\
    بواسطة ahaat_2015 في قسم : الأمومة و الطفولة
    مشاركات: 5
    : 2008-05-09, 00:22

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading