اهم طريقة لتربية ناجحة

**مناير الحمادي** · 2011-01-31, 11:19

السلام عليكمورحمة الله وبركاته

بغيت مساعدتكم يزاكم الله خير

عندي ولد في ثاني روضة دائما توصلني شكاوي من المدرسة من طرف اولياء امور الطلبة والطالبات
بان ولدي يظرب الاطفال وياخذ بيزاتهم .
تعاملت مع ولدي باللطف احس ما فاده وتعاملت معاه بالشدة والضرب خاف يومين ورد مثل ماكان
ومديرة المدرسة يوميا تتصل بي وتخبرني عن سوالفه
صرت مثل وحدة ماعارفه وين ارضها من سماها

واليوم اتصلت لي وقالت انها بتحولة مدرسة ثانية قصدها تربية خاصة
شو رايكم بهالموضوع اوافق او لا
او عطوني طريقة مناسبة اخلي ولدي ما يعيد الكرة مرة ثانية يمكن انا ما عندي حل صحيح او اتعامل بطريقة غير صحيحة ويا ولدي

دعائي للكل بالذرية الصالحة وحسن الخاتمة ان شاء الله

المزيد من آخر المواضيع من نفس القسم:

**ليندااااا** · 2011-01-31, 12:24

الله يهديه و يفرج كربك .... اختي مالج غير الدعاء

**bdrooh** · 2011-01-31, 12:45

احس اليهال أكثرهم جيه الله يهديه

**هند سلطان** · 2011-01-31, 13:45

للرفع

**الجوريXD** · 2011-01-31, 15:00

كل اليهال جي واللــه..
الصرااحه الغاليه مـآعرف إذا أحسن له والا لأ بس حاولـي ولدج لا يتعقد أو يحس انه غيير اذا هالتربية الخاصه عرفتي وتأكدتي انها زيينه وديه بس اذا ماتعرفين ومتردده لا تطرشينه واتوكلي على ربج
او استخيري أحسن لــج..

**خورفكان** · 2011-01-31, 16:23

شويعني تربية خاصة .انتبهي لاتغامرين اتصلي على الدكتور احمد النجار 0503348844او راسليني على الخاص

**شوشو_24** · 2011-01-31, 17:07

الله يهديه ...

**مناير الحمادي** · 2011-01-31, 17:15

مشكورين على النصايح
ومشكورة خورفكان وايد لاني اكيد بستفيد
وخصوصا لانج وايد قريبة مني

**ام ريماني** · 2011-01-31, 22:29

نصيحه انتى تشوفين ولدج فيه شيئ عشان يحولونه مدرسة تربية خاصة

المفروض الادارة والمديرة المدرسة تعرف تتعامل معاه الحين اغلب المدارس الطفل الحركي او الساكت قالو فيه شيئ

ولازم يحولونه مدرسة خاصة

ما عندهم اساليب تعامل مع الاطفال يبون طفل قارد على الاسيعاب فقط

ما كانت المدرسة سابقا تنادي بشعار التربية ثم التعليم صارت فقط تنادي الاخر

**امبرطورة بوظبي** · 2011-02-02, 10:43

اذا الولد يفهم ادروس مثله مثل غييرة من الطلاب حرام تحولينه تربيه خاصه انتي تعرفين شو يعني تربية خااصة ؟؟!!!
بعدين هذيلا الي يودونهم تربيه خاصة يكون يا اما ما عندهم قدرة على التعليم مع اقرانهم الطلبه او حركة زاااائدة ف حرااااااااااام ولدج يروح تربيه خااصة حتى لو تخلين ها السنه الخدامة اداوم وياه والسنه المقبله بيكون صف اول بتشوفين العيال الي يصدق يضربوون مو ولدج بس لتحوليييين ولدج تربيه خاااااااااااااااااااصة

**مناير الحمادي** · 2011-02-02, 15:21

خلااااااااااااااااااااااااااااص ما بحولة تربية خاصة
وانا ما كنت ادري شو يعني بالضبط تربية خاصة
بالعكس ولدي شاطر ومعلمته دايما تقول لي انه شعلة بالصف
وانا واثقة من قدرات ولدي لاني انا ادرسة بس مشكلةه الشطانة والحركة
وشكرا لكل من ساعدني
وقدم لي النصليح يعل ايامكم كلها سعادة ان شاء الله

**بثنـــه** · 2011-02-03, 02:09

والله غريبين صاروا في المدارس ؟؟؟
المفروض هم لازم اتكون عندهم فكره كيف يتعاملون وياه؟؟ مب يتصلون فيج ويتشكون؟؟ صح لازم يحطونج في الصوره ويتعاونون معاج عسب يتغير سلوكه مب بس شكاوي ؟؟
عزيزتي التربية الخاصة حق اللي استيعابهم بطيء أو اللي يحتاجون نوعية تعليم خاصة وكان الله في عونهم وعون اهلهم .. بس انتي أدرى بقدرات ولدج ..
والشطانة أمر طبيعي عند اذا مب عند كل الأولاد أغلبهم .. أنا أعتقد العيب في معلمته والله أعلم لانها لازم اتعرف كيف تتعامل معاه وتساعدج .. ولازم يكون معاج طرف ثاني في الموضوع .. أبوه ولا حد من أهلج يساعدج ويهون عليج واتتشاورين معاه ..
اتبعي معاه طريقة العقاب والثواب ... وان شا الله اتفيدج ...

سامحيني عالإطاله والله يحفظه ويهديه يارب ...

**حب اللؤلؤ** · 2011-02-04, 01:47

حاولي تكلمينه وتفهمينه بطريقه انا مجربتنها مع ولدي لانه ما شاء الله عليه حركي بزياده وذكي فدايما اسايسه وألف له قصص عشان يسمعني ويتعظ والحمدلله هالأسلوب وايد مريحني ودايما أبوسه وأحضنه لان الطفل في هالسن ما يباله ظرب واريح شي تتبعين هالاسلوب اللي هو لاعبه سبعا وأدبه سبعا وصاحبه سبعا
يعني اول سبع سنين من 1-7 حب وحنان ولعب
من سن 8 -14 فرض الادب والاحترام ةالحزم
من سن 15-21 تبدا الصداقه
الله يعينا ويقدرنا على تربية عيالنا تربيه صالحه إن شاء الله

**غزالة فرعونية** · 2011-02-04, 19:29

ولدك عنده سلوكيات يبا لها تعديل ويبا حد يوجهه صح ممكن تستشرين اخصائي علاج سلوكي ويقولك شو تسوين لكن التربية الخاصة فقط للناحية التعليمية يعني للضعف الدراسي والحالات الخاصة مب لتعديل السلوك

الموضوع: اهم طريقة لتربية ناجحة

أدوات الموضوع

عرض

اهم طريقة لتربية ناجحة

المزيد من آخر المواضيع من نفس القسم:

المواضيع المتشابهه

طريقة رائعة خلتني انسانة ناجحة عقب ما كنت محبطة

طريقة ناجحة لصنع الفلافل

طريقة رائعة خلتني انسانة ناجحة عقب ما كنت محبطة

طريقة ناجحة لترك التدخين للأبد

كيف نمنع الحسد 000بالكذب هل هي طريقة ناجحة