حبوب دكتور نيوتريشن

**منشغل بالها دوم** · 2007-07-02, 08:43

بنات بغيت أسأل في حد منكن جربت تستخدم الحبوب المنحفة من مركز الدكتور نيوتريشن سويتلهم تيلفون وقالي أن الحبوب تحرق الدهون في الجسم و الأكل ساعدني تراني أبغي أخف وزني بأي طريق
خلال شهر أبغي أنقص 15 كيلو على جبدي و الحبوب بشتريهن الأسبوع الياي و أنا أسوي تخفيف تقريبا من شهر ونزلت 4 كيلو و بصراحة تعب أبغي شي يساعدني في النزول بسرعة .

المزيد من آخر المواضيع من نفس القسم:

**الر(بس)يـم** · 2007-07-02, 08:47

السموحه منج اختيه انا ماقد جربتها بس اربيعتي كانت تستخدمها وضعفت ماشاء الله

**منشغل بالها دوم** · 2007-07-02, 09:33

الله يطولي بعمرج الريم الله يبشرج بالخير

**الحياة** · 2007-07-02, 10:21

ماتنفع ابد
امشي على الريجيم والمشي كل يووم

**أم غلا34** · 2007-07-02, 11:43

حبيبتي ماانصحج لاني قريت من كم يوم ايسوي قرحه في المعده

يمكن ايكون في اثار جانبية اخرى تبغين نصيحتي الرياضة والمشي
سجلي في اي نادي احسنلج بدون ادويه هالخربيط:22 (5):

**ساحرة العيون** · 2007-07-02, 12:20

الغالية انا جربتها وسوت لي حساسية
وربيع ريلي استوت له قرحة

**صمتي عذاب** · 2007-07-02, 15:12

موفقة

**القصواء** · 2007-07-02, 15:39

أختي أنا يالسه أستخدمهم باقيلي ربع العلبه وبتخلص(هذي أول علبه)...
الصراحه في البدايه ماسويت رجيم وكنت أمشي بس هب كل يوم ..بس مانقص وزني...
بالعكس قام يزيد مع إني أستخدم الحبوب..
فقمت وقطعت العيش والخبز والحلويات الحين صار لي إسبوع ونص والحمد لله نزلت 2 كيلو...
بديت أحس إنه الحبوب مامنهم فايده لأن وزني بدا ينزل من خففت أكلي وبعد مانزل وايد لو تلاحظين بس2 كيلو...
وبعد أحس إني هب مرتاحه من معدتي ساعات أحس بشي غريب مثل الحموضه وساعات مغص خفيف ..لكن من أخلص العلبه مابرجع أستخدم الحبوب وبعتمد على الرجيم...

جربي أختي وسوي مثلي أمتنعي عن العيش والخبز والحلويات ماعدا يوم في الإسبوع اللي مثلا تكونين فيه مجتمعه مع الأهل هاك الساعه لاتحرمين نفسج من شي بس لا تكثرين...

**أم عبـد الرحمن** · 2007-07-02, 16:05

موفقه اختي

**منشغل بالها دوم** · 2007-07-03, 00:47

الحياة .. ماشيه على التخفيف .. و أمشي ساعة و45 دقيقة
أم غلا .. أنا بغيت شي يساعدني أنقص بسرعة لأن جسمي دهون و سلولايت متراكم شكله فظيع
وعلى النادي أقترحت هذا الشي اليوم على ريلي قالي شكلي بشله الكمبيوتر عنج هههههههساحرة العيون .. خلاص مابجربها ..
شمسه المهيري .. الله يسلمج غناتي أسألي قبل لا تستخدمين شي ..القصواء .. نفس نظامج بس بدون حبوب
أم عبد الرحمن .. الله يخليج

**umm.salama** · 2007-07-03, 02:31

انا جسمي اذا بسوي رجيم ايزيد انا بعد افكر اسير عن الدكتور نيوتريشن بس حيرتوني

**أميرة العاشقين** · 2007-07-03, 04:03

انا اخوي سار عنده ونزل في شهر يمكن 15 كيلو بس امشي على رجيم ماله وانشاء الله تخفي

**منشغل بالها دوم** · 2007-07-04, 12:08

البنات اللي طلعن سيئاته أكثر من اللي يمدحنه

**آنسة دبي** · 2007-07-04, 12:23

السلام عليكم

سمعت عنه من المعارف انه يسبب السرطان
ابتعدي عنه اختي ولا تجربين صوبه
شوفي البدائل

الموضوع: حبوب دكتور نيوتريشن

أدوات الموضوع

عرض

حبوب دكتور نيوتريشن

المزيد من آخر المواضيع من نفس القسم:

حبوب دكتور نيوترشن

المواضيع المتشابهه

بنات العين.. دكتور نيوترشن، أم دايت نيوتريشن أم سليم لايت (أبيلا)

حبوب نيوتريشن

دكتور نيوتريشن

منتجات التنحيف من دكتور نيوتريشن

قال نيوتريشن قال