ذكرى زواج

**أم غيث** · 2006-06-06, 14:05

السلام عليكم
بدخل ع طول في الموضوع
زوجي مسافر.......... انزين
ويوم زواجنا بيمر وهو مو موجود .... يعني بعد شهر
فاللي عندها فكره ممكن تفيدني في اني أحتفل بيوم زواجنا ياريت ما تبخل علي
ولكم جزيل الشكر

المزيد من آخر المواضيع من نفس القسم:

**أعماق السكون** · 2006-06-06, 14:40

السلام عليكم
مرحبا حبيبتي بغيت اسالج انت ريلج متى راح يرد بالضبط يعني بعد ايام ولا اسابيع من يوم زواجكم

**أم غيث** · 2006-06-06, 15:14

وعليكم السلام
مشكوره أختي أعماق السكون ع اطلاعج ع الموضوع
وبالنسبه لسؤالج؟؟؟؟؟؟؟؟؟؟؟؟؟؟؟؟
ريلي رح يرد بعد شهر ونصف من يوم زواجنا........

**فساتين عرايس** · 2006-06-06, 15:29

والله الغالية انا ذكرى زواجي بعد 3 أسابيع ... وانا كانت أول ليله في قصر الامارات -- وودي أكون هناك واحجز بس -- خاطري في فندق الراحه لانه أقربلي --- بحجز انشالله هالشهر عن طريق الانترنت -- وباخذ فستان عرس وبتمكيج وبتعدل شرا العروس وبقضيه اليوم كله في الفندق ... وبغير شكلي من ناحية طريق المكياج قصت الشعر و صبغه

اتمنى فكرتي تعيبج

**أعماق السكون** · 2006-06-06, 18:46

اوكيه حبيبتي مدام ماراح يرجع الابعد شهر ونص عندج وقت كافي عشان تتغيرين له
اول شي لازم تبدين تسوين لج ماسكات من الحين للوجه والجسم والشعر مرتين فالاسبوع ولاتنسين الحمام المغربي مره كل اسبوع ويكون كله فالبيت لاني ماانصح بالصوالين يخوفون الصراحه وتفصلين لج فستان يكون مغري واذا عندج فستان العرس احلا وااااايد بعد تلبسين له والله راح يستانس ويتذكر يوم العرس اما اذا ماعندج فسوي مثل ماقلت قبل وبعدين قبل لايرجع باسبوع قصي شعرج واصبغيه وبعدين قبله بيومين سويلج حلاوه لكامل جسمج وحفي ويهج مع التنظيفات والبديكير والمنكير وحني ايدج وريلج كامل مثل العرايس قبله بيوم واليوم الي راح يرد فيه روحي الصالون وسوي ميكب وتسريحه حلوه ويكون اسبشل اذا ريلج يحب الثقيل او كيوت اذا يحب الهادي ولاتنسين تلبسين الفستان خخخخخخخ اما اذا بتلبسين نفس فستان العرس الافضل الميكب يكون بعد نفس يوم العرس
هذا عن نفسج اما البيت الصراحه تعبت اذا عيبتج افكاري بكمل وواذا...... بوقف
مع السلامه

**أم غيث** · 2006-06-07, 13:52

بصراحه استانست وااااااااااااااااايد ع الأفكار الحلوه
ومشكورات خواتي تعبتكم معاي............
وانشاء الله ببدأ أنفذ الأفكار الحلوه...........

**بنبونه** · 2006-06-08, 07:38

هلا الغاليه

بالنسبه لتجربتي انا ..كان ريلي مضغوط ومافيه مجال نحجز في فندق ولا غيره

اتصلت بمطعم قيصر اللي في دبي وقلتلهم انه عندي مناسبة يوم زواج..وحجزولي طاوله ووصيتهم عالاضاءه والشموع
والورد هم يعرفون بمجرد ما اتخبرينهم ويسوون استعداداتهم ولا زم تسألينهم عن السعر...

وعطيتهم الهديه اللي ابا اهديه اياها وطبعا التغليف حلو وحطيت ا لهديه في قفص عصافير فضي مزين بالورود(مب عنقاش حلو)
واخترت القفص للهديه لان كوشتي كانت قفص فضي كبير مفتوح كله ورد ابيض
سويت نفس الفكره بس على اصغر وابسط
وعطيتهم الهديه والقفص قبلها بيوم وقلتلهم ما يحطون الهديه في القفص إلا يوم بنوصل المطعم عشان ما يوسخونه العصافير
(تعرفون قصدي) هههههههههه

وسرت اتحنيت وصبغت شعري وما قصيته لانه ممنوع بتستوي ليلتي عصيبه وبتكفخ...
ونفس يوم زواجنا قلتله عازمتنك...طلعنا ويا بعض ..واول ما وصلنا سألت الرسبشن عن الطاوله المحجوزه وطبعا الهندي عارف شو السالفه وريلي زي الأطرش في الزفه..
دخلونا وطبعا ريلي انصدم من الترتيب وقال هذي مب اول مره ايي بس السالفه فيها إن..
طلبنا العشا.. وانا موصتنهم انه ما اييبون الهديه الا عقب العشا..

حسيت ريلي يتريا شي كل ساعه عيونه تي على شنطتي (شكله يتريا الهديه) بس اخر شي فقد الأمل شاف السالفه طولت وانا كاني ما اعرف..
عقب ما خلصنا من العشا دقيتلهم جرس عشان يشلون العشا
فدخلوا الهديه على طاوله زجاج فيها تواير ما اعرف شو يسمونها

عاااااااااااد ريلي هنيه انصدم
مايعرف يضحك...عيونه تدمع شوي
وايد فرح من الحركه وعيبته
ودخل ايده في القفص وطلع الهديه وكنت ماخذتله ساعه ..وللحين يذكر الحركه
واول ما وصلنا البيت شغلت له شريط الفيديو مال العرس
ونحنا ما نشوفه الا كل يوم ذكرى زواج بس من سنه الى سنه
وكانت احلى شي سويتله اياه على قولته
انشالله قدرت افيدج

**غبيشة** · 2006-06-08, 09:16

ماشاء الله عليج فكرتج واااايد حلوة بصرقها عنج اييج شوور بسويها مفاجاة حق اختي دوم ظرايب ويا ريلها

**بنبونه** · 2006-06-09, 08:49

الله يوفقج وويوفقها
كل حد يضارب ما تم حد بس قوليلها هالله الله فيه عن يطفش

**أم غيث** · 2006-06-09, 13:47

الصراحه الحركه وايــــــــــــــــــــــــــــــــــد حلوه

والله يوفقج ويجعل حياتج كلها فرح

**Um Rashid** · 2006-10-10, 10:42

الصراحة افكاركم ما عليها كلام .... وايد حلوة

**دمانية الامارات** · 2006-10-17, 22:16

ماشاءالله شو هالافكار الحلوه ^_^

لازم ومنكم نستفيد انا بعده عيد زواجي الاول بعده بعيد شوي، بس لازم ابدا تخطيطات من الحين ^_^

**مشاعر دلع** · 2006-11-05, 23:14

ربي يوفقك

**شيما** · 2006-11-13, 20:18

بالتوفيق

**ضحكة قلب** · 2006-11-14, 08:51

ماشاالله أفكاركم حلوه وايد شكلي بطبقها

الموضوع: ذكرى زواج

أدوات الموضوع

عرض

ذكرى زواج

المزيد من آخر المواضيع من نفس القسم:

رد : ذكرى زواج

رد : ذكرى زواج

المواضيع المتشابهه

ذكرى زواج ،،، محتارة......

افكار لأول ذكرى زواج ؟؟

ليلة ذكرى زواج خضراء

حفلة عرس + ذكرى زواج :)