{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

**sara_91** · 2011-01-11, 21:14

شحالكن خواتي ..؟؟

اليوم موضوعي موجه للمعرسااات ..
<<< معني مب معرسه بس ابا افضفض هع هع D:

همسة : اللي ما بيعيبها موضوعي مب لازم اترد تكتفي بالرفع .. ومابا وحده تقولي محد قالج تحدرين هالقسم دام انج مب معرسه .. بقولها هاي حرية شخصية يمكن احصل شي يفيدني فالمستقبل (نصيحة ولا تجربة) ..

الصرااحه هالاياام وااااااااااااااايد اقرا فهالقسم مشااااكل ,, قلنا انه قسم العلاقات العائلية بس ماقلنا قسم حل المشاااكل العااائلية.. وانا ما اقول كل المواضيع مشااكل في نصايح بس الغااااالب مشاااكل ..
..!!!!

والله كل ماحدرت هالقسم اقرا هالاشيااء:
ريلي عرس عليه ساعدوني !
ريلي مايحبني !
ريلي مايدلعني !
ريلي عيونه زااايغه !
ريلي حصلت عنده فون ثاني .. كيف اتصرف !!

بس خلاااص لين متى ؟؟؟!!!
حسستوني ان مووول ماتعرفون اتحلون مشاكلكم بروحكم !!

معقوله هالقسم حق حل المشاااكل ؟؟
يعني مااشي نصااايح ؟؟

والله اعرف وحده اتقول اتعقققدت من هالقسم قلتلها لييش؟؟.. قالت من كثر ما اقرا المشااكل اللي فييه صرت شكاااكه وايد اشك فريلي واراااقبه واستوتلي مشاااكل من هالقسم ..
واحين ماقامت تحدره ..

صح ان الريال اذا حط فباله يسوي شي بيسوييه حتى لو مب ناقصه شي ..
بس الحرمه هي وشطارتها هي اللي تتحكم فهالشي تروم بروحها تخليه يلحقها ومايشوف حد غيرها ..

ابااا احدر هالقسم اقرا نصيحه ولا اشيااء مفيييده مب اشياء اتييب المشاااكل !!

الصراحه عقدتوني ..

فالنهايه اتمنى ان كل وحده اتفكر 1000 مره قبل ماتحط موضووع هني ..

ان شاءالله ما اكون ضايجت حد بكلامي بس هالواقع ..
مابا منكم غير دعوة بظهر الغيب ان الله يرزقني بالزوج الصالح عاجلا غير آجل ..
واتوفق بدرااستي ..

اتقبلوا مروري :
saro0ona

المزيد من آخر المواضيع من نفس القسم:

**bellegirl** · 2011-01-11, 21:20

لا حول ولا قوة إلا بالله

غاليتي ^_^

اختلاف الراي لا يفسد في الود قصيـة

مب ضروري اذا انتي ما يعيبـج ان هذا الشي غلـط

بالعكس نحن اهني خوات يمكن الي ما تقدر تقوله لأهلها تقوله لنا في المنتدى عادي

لإن نحن خوات ونحط ايدنا في إيد بعض ^^

والمشكلـة أختي مب في طرح مشاكل الخوات أختي لا

بالعكس فيهم الخير ,, في ناس يوم تييها مشكلـة تنهار وتنهار حياتها معاها

على الأقل الخوات يسعون للحلول والنصيحـة

أنا أشوف الخلل في ان الوحدة تقدم على الحياة الزوجيـة بدون خبرة في التعامل مع الزوج

وبدون خبرة في دورها كزوجـة

الشي الي يدفعها تتعلم بعد ما تكون عرست

وتتعلم بأصعب طريقـة والي هي التجربـة

ياريت لو في برامج مكثفــة للمخطوبين والمخطوبات ,, عن طريقـة حل المشاكل والتصرف

وتكون قبل الزواج عسب الزوجين يتفادون طريق طويل من الهم والغم ^_^

وبالنهايـة أقول أختي

لازم نحترم مشاعر الناس ونحسن الظن فيهم

واذا عندنا خير لهم نقولـه

اذا ماعندنا فالصمت أحلى حل أو تفادي هذا القسم بترتاحين أكثر ^^

ربي يوفقج لكل خير

**^ روح ^** · 2011-01-11, 21:33

سارونة مشكورة حبوبة وانا اقول مب لازم يكتبن اسرارهن الله يهدي الجميع

**كريستال** · 2011-01-11, 21:41

ربي يسعدج الجميع ..

**كشكش** · 2011-01-11, 21:45

الله المستعان

**أم خالد الحلو** · 2011-01-11, 21:46

موضوع مكرر .. سبق ان تم ادارجه ويمكنك المتابعة على الرابط أدناه

يغلق

http://forum.uaewomen.net/showthread.php?t=855714

الموضوع: { ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

أدوات الموضوع

عرض

{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

المزيد من آخر المواضيع من نفس القسم:

المواضيع المتشابهه

ريلي خاني !!! ريلي عيونه زايغه !!! ريلي اتزوج عليه !!!! الخ الخ

اكتشفت ان ريلي يرمس بنات,,, ريلي خاين...!

ريلي متزوج علي..كيف انتقم من الثانيه .. كيف اخلص ريلي منها تفضلي ادخلي

طليقة ريلي اتعرف اسرارنا وحتي الحوار اللي ادور بيني وبين ريلي شجايل !!!!ساعدوني

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش