زوجي بيخوني وانا بموووت؟؟؟

[طيورمن الجنه]

السلام عليكم
انا مال قيت افضل من هذا القسم حتي اكتب ماسأتي واطلب النصح منكم كاخوه لي في الغربه ونساء مثلي يحسوا بما اعانيه
انا ليس لي صديقهب الغربه مصريه مثلي ولا اخت وغريبه عن هنا مع زوجي واشعر بالموووت يقترب مني يوما بعد يوووم وبيتي يوشك علي الخررراب
سااامحوني عيل رسالتي هذه ولكن كل أمل من بعد الله ان تقولوا لي ماذا افعل




الحكايه بالتفصيل هي كالاتي
من 3 اسابيع جوزي قالي عايز يعمل رقم سري للموبيل علشان البيانات اللي فيه ممكن تتعرف لو موبيله اتسرق ونوع موبيله اسمه اي فون بيشتغل باللمس
المهم سألته ليه عايز تعمل رقم سري قالي علشان خايف يتسرق وشغلي اللي عليه يضيع قلتله ماشي بس من حقي اعرف الرقم السري قالي من حقك لو عايزه شئ من الموبيل افتحه ليكي المهم في نفس اليوم حاولت اشغله عن الموبيل شويه وهو فاتحه بيلعب عليه ومسكت الموبيل بسرعه لقيت في قسم الرسائل صور لبنت بقميص النوم في الاوضه النوم وعلي السرير ومبعوتين من موبيل تااني قلتله هي دي اللي انت عملت علشانها رقم سري علشان مش اشوف الصور بتاعتها قالي والله العظيم ما اعرفها انا الصور دي جاتني امبارح وانا في القهوه واحتفظت بيها علشان اشوف مين دي اللي بعتتلي صورها ياتري زبونه عندي بالشغل ولا ايه وانه اتصل بالرقم اكتر من مره ومحدش رد عليه المهم في اليوم ده قررت اني اتركله البيت لانه كماان عايز يتصل بالرقم وهو شايف من الصور واحده عاهره مش محترمه
بعدها حاول يهديني قلتله انا عايزه الرقم قالي مسحته هو والصور علشان مش تخرب بيتي لكن للاسف قبل ما يمسحها بعتها لايميله علشان يحتفظ بيها ويسال عنها المهم تاني يوم وصلتني رساله علي ايميلي فيها صور البنت دي اللي شوفتها علي موبيله بالليل ولما دورت اشوف مين اللي بعتها لقيت ايمل جوزي وطبعا ايميله علي طول مفتوح في الشغل واي حد يدخل عليه واللي دخل علي ايمله شاف الصور بعتهالي ينبهني
طبعا مكتوب في رساله اللي جاتني ان الصور دي مبعوته من موبيل الاي فون بتاع جوزي للايميل بتاعو ومن ايمله ليا انا
طبعا اتجننت ومبقتشي عارفه اعمل ايه وبالصدفه دخل بعدها جوزي علي النت وشافني قاعده قال يكلمني وانا مش رديت عليه لاني كنت هنفجر منه لكن قلتله هي حصلت تمسحهم من موبيلك وتبعتهم لايملك ويجوا عندي كماان... انت مش محترم وطلقني مش عايزاك انا اللي غلطانه اني عشت معاك وسكت علي تصرفاتك دي كلهااا

ويومها جهزت نفسي للسفر وقالي علي النت هيشوفلي حجز المهم رجع قالي مفيش حجز الا اخر الاسبوع وطبعا مقدرتش اقعد لاخر الاسبوع وشي في وشه وامتنعت عن الاكل والشرب يومان ونقلني للمستشفي وظهرلي قولون عصبي وتشنجات في بطني وتعبت جدا في الفتره اللي فاتت وجوزي لما لاقاني بضيع منه حاول يصالحني وقالي الرقم السري عندك وافتحي موبيل ي وانا والله ما اعرفها انا بس الفضول هوه اللي دفعني لكده واضطريت انا اتحمل واصدق واسكت بس بعدها باسبوعين بالضبط غير الرقم السري تااني وقالي مادام انا اخر الليل بنام في حضنك وفي علاقه حميمه بينا كل يوم يبقي مستحيل هفكر ابص لواحده تانيه وبعدين الله يخليكي ابعدي عن موبيلاتي انا عايز بس اجنبك المشاكل قلتلوا لو انتي مش بتعمل غلط يبقي خايف من ايه؟؟؟ ما انت بتيجي وتحكيلي عن اللي بيحصلك في الشغل ليه الفتره دي بتعمل رقم سري وتغيره تااني؟؟؟
المهم انا ما ارتحتش لكلاموا نهاائي وبدات اكون حريصه واعرف مين اللي بيتصل
لقيت بعدها بيومين اتصل رقم ومردش عليه واتصل تاني في وقت متأخر الساعه 12 بالليل ورمردش عليه واتصل بالليل في وقت متأخر ومردش عليه وكمان الاقيه اخد الموبيل بالحمام بحجه انه بيتصفح الجريده الاليكترونيه
وبعدها لما الرقم ده بالذات يتصل يقولي مش ذات اهميه ومش عايز ارد وعايز اعود العملاء بتوعي مش يتصلوا وانا في البيت بوقت متأخر المهم انا كل مره لما اجي انام معاه الاقي حنان زايد ومحبه زايده كانه عامل عمله سوده بره وعايز يكفر عنها باللي بيعمله معايا في البيت او عايز يثبتلي انه ميعرفش واحده بره وممكن ينام معاها مثلا او متجوز غيري المهم انا اخذت الرقم واتصلت بيه من موبيلي وانا واثقه انها واحده ست وفعلا لقيتها واحده مصريه شوفتوا المصيبه
وفي اول مكالمه قالتلي الو ..الو وانا من الصدمه معرفتش ارد وهي راحت قافله بسرعه واتصلت انا تااني لكن محدش رد وهي بعدها اتصلت بيا قلتلها انتي اميره قالتلي مين معايا قلتلها جيهان قالتلي اميره مين قلتلها اميره عبدالرحمن قالتي الرقم غلط وقفلت والصوت مصري ميه ميه
ومن يومها وانا مش عارفه اعمل ايه
طيب جوزي عمل رقم سري ليه للموبيل وممنوع عني ليه؟؟
ومين دي اللي مش بيرد عليها في البيت؟؟
المهم بعدها بيومين كنا علي البحر امبارح الجمعه وترك خطوطه معي وقعد مع الرجاله وانا مع الستات والرقم اتصل بموبيله وهو معاياااا بس مسمعتش الرن ولو سمعته كنت رديت
المهم اخر اليوم قلتلوا في رقم رن عليك من بدري شوف مين قالي انا ااه اتصلت بالرقم سأأألته واحنا في السياره مروحين قالي ده رقم جاسر صاحبي عايز لاب توب وانا مش عندي عموما هسجل الرقم قلتله بمنتهي البرود والهدوء ده رن عليك قبل كده علي خطك التاني وانت رديت وكانت واحده قالي لالا يمكن رقم تااني جاسر اخره 83قلتله لالا نفس الرقم وفيه 38 وصححتلوا اللي قالوا بعدها قالي لو مش مسجل الرقم وهو لواحده ست يبقي شئ في صالحي ولو مش برد عليها يبقي برضوا في صالحي لاني راجل شبعان في بيتي ومش هفكر في علاقه بره البيت قلتلوا وليه انت فاكرني اني بفكر انك علي علاقه بره البيت مش جايز صديقه بتفضفضلك ومش جايز واحده مطلقه هترمي شباكها عليك ومش جايز بتدور علي جواز تانيه علشان الانجاب اللي اتاخرت برغم اننا متجوزين منس نه و3 شهور م ش شرط علاقه في الحراام
قالي ربنا يهديكي ويصلحلك الحااال ...... والكلام ده كان امبارح المهم روحنا البيت وهو دخل علي الحمام ياخد شاور ولقيته اخد موبيلاته الاتينن وعمل رقم سري للموبيل التاني وعمل انه زعلان اني بشك فيه ونام في الصاله لوحده وطبعا عمل كده علشان معرفشي اوصل للرقم وطبعا هيقولها النهارده ان مراتي شكت بالموضوع وانها هتعملي مشكله وكمان هو عارف اني حفظت اخر رقمين لكن ميعرفش ي ان الرقم معايا من اصلوا واني سمعت صوتها قبل ما يقولي انه جاسر صاحبه
ومن امبااارح وانا علي نااااار وبموووت ومش عارفه اناام
والصبح قلت ااقوم بدري اجهزله الفطار واحضر هدومي للنزول لمكتب التحفيظ يمكن ارتاح الا رنت عليا واحده صاحبتي من موبيل جوزها علشان تقولي انها نازله وانا شوفت الرقم وعرفتها ومسحته علشان مش بحتفظ بارقام ازواج صحابي المهم جوزي كان بالصاله وبيصلي الصبح وسمع الموبيل ودخل يشوفه فمش لاقاه وسالني عنه اديته الموبيل بتاعي وشواف اني مفيش رقم متصل الصبح واستغرب سألني قلتلوا واحده صاحبتي رنت عليا وانا مسحت الرقم وبتصحيني للمكتب التحفيظ مش اكتر
لقيته اتجنن بقي وقالي انتي بتخربي علي نفسك انتي عايزه تجنيني
انتي ليه بتدوري علي النكد قلتله بمنتهي البرود وايه اللي حصل لكل ده قالي ليه مسحتي الرقم ومين دي اصلا قلتله ممكن تتصل برقمهاالان وتشوف بنفسك
قالي بلاش تعملي كده معايا قلتله عاادي انا معملتش شئ
انت اللي بتخبي وبتعمل من السر سر وغامض وارقام سريه ومش بتريحيني في شئ قااالي انا حر
قلتله خلاص انت حر وانا شايفه اني مش بعمل غلط يبقي متقلقشي نفسك من مفيش
طبعا تكلمت وانا بضحك وبااارده
وتركته يغلي في نفسه ويذوق العذاب اللي شوفته لما كان بيعمل معايا كده
ونزل وقالي هتروحي المكتب اكيد وترجعي امتي قلتله بفكر ما انزلشي اليوم ولونزلت هديك خبر بالتليفون وبرضوا مريحتوش
وكل ده علشان منتظره اعرف اعمل ايه في رقم الحيوانه دي وانا مقدرشي اشتري خط لان جواز السفر مع جوزي ولازم يعرف لو اشتريت خط وكمان انا كلمتها مره من خطي ومقدرشي اكلمهاا تااني

ااكيد هتعرفني بعد كده او تقول لجوزي الرقم ده كلمني تعرفه اذا كانت هي وجوز يعلي علاقه ببعض وبعدين ااكيد هيقلها اليوم تاخد بالها من رقمي علشان تبلغه
انا هتجنن ومش عارفه ازاي اعرف الست دي بياناتها ايه
يعني اسمها وجنسيتها ومتجوزه ولا مطلقه وعندها اولاد ولا لآلآ وبتشتغل فين
كل ده انا عايزه اعرفه ومش عارفه


يعني معي الرقم ومش قادره اتصل ومعرفشي اصحاب ليا هنااا ألجأ اليهم
وصوتي اكيد عرفته
قولولي لو مكاني هتعملوا ايه
ااكيد لو معاي خط تااني هتصرف واعرف هي مين ولو بشتغل سهل اخرج واشتري خط او اتعرف علي اصحاب يساعدوني لكن انا ليا سنه هنا بالامارات ولا اعمل وبالبيت طوال الوقت وزوجي يخرج صباحا من 9 يعود 4 العصر وينام ويصحي ينزل للشغل ويرجع 11 او12 باليلل ومعتمد انه بيتعدي ويتعشي معياا ومش بيفطر الا بالمكتب وانه طول الوقت اللي معي بالبيت مش حارمني من شئ يبقي بلاش اشك فيه
شوفتوا الرجاله وتصرفااتها
انا كتير كنت بدعي ربنا يخلصني منه ولكن كنت اتراجع واقول مش هخلي واحده تاخد جوزي واقعد اتفرج كده
برغم اني دلوعه وبعمل معااه اللي عمره ما كان يتخيله بس مش عاارفه ازاي اوصل للبنت دي واوقفها عند حدها واعرف بيانتها ازاااي
قولولي انا عايزه حل اليوووم والا هيجراااالي شئ

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات