العرايس الاقتصاديات أماكن ( فستاين - صوالين - شنط استوديو تصوير - قمصان النوم )

**أنثوية** · 2010-12-22, 09:08

السلام عليكم ورحمة الله وبركاته

شحالكن عراااايس ، مبروووووووك والله يتمملكم على خير ان شاءالله وعسى حياتكم كلها سعادة وراحة ، وعقبال الملاقيف لووووول

ان شاءالله ياعروستنا الاقتصادية تستفيدين ولاتنسين أنه لازم ماتكثرين من الاشياء خلي شي فأيدج تاخذين فيه حايات ثانية والأشياء الثانوية تقدرين تاخذينها بعد العرس

خلونا ندخل فالموضوع على طول

الفستان وملحقاته :

أنا خذت فستان ملجتي وفصلت فستان عرسي عند السهرية فشارجة فالبحيرة قيمة الفستان 7000 ولا ومب بس جي هذا سعر التفصيل والتأجير أنا كنت بأجر واحد جاهز بس من شفته من الداخل حسيت أنه بيصيدني يرب من وصاخته المهم تقدرين تفصلين واحد وتردينه بعد العرس والحلو فالتفصيل تقدرين تفصلين من راسج او من تصميم فمجلة ومثل ماتحبين

النعال : ماعيبتني نعولهم فرحت خذتلي واحد من ميغامول بـ 400 درهم

التاج : من نفس محل اللي بتاخذين منه الفستان

-----------------------------------------------------------

الصالون : التسريحة والمكياج على حسب ذوقج أدورين على وحده شغلها يعيبج وسعرها مناسبنج
أنا سويت شعري ومكياجي للعرس بـ 2500 !!

الحنا : عندج صالون روشنا في عيمان شغلهم وايد حلو وكل حد يشهدلهم ، أنا سويت حناي بـ 400

وأنتبهي أنتببببببببهي تقولين لهم أنج عرووووووووووس !! وله بيشفطون فلوس من وراج عادي يقولون لج 3000 !!

أما البدكير والمنكير صالون مواويل أو أمبار وطبعا امبار مافي مثلهم

والحمام المغربي روحي عند وحده تفرك عدل وحد مجربنها

وويهج لاتلمسيييييييييييييييييينه لاتخلين الصالونات يلعبون فيح تنظيف وله تقشير وله خربطيشن
تبين تسوين شي لويهج روحي العيادة الجلدية لايلعبون عليج الصوالين

----------------------------------------------------------

استوديو التصوير ، طبعاً أضواء المدينه أسعارهم جداً جداً مبالغ فيها !

أنا وربيعتي كان عرسنا فنفس اليوم فرحنا حجزنا عند أستوديو أيوب عيسى فشارجة عند جسر فندق روتانا ،

120 صورة ديجيتال + ألبوم + فيديو ومونتاج في DVD أو شريط مثل ماتحبين + نسخة 120 صورة في CD وهذا كله بـ 2500 !

-------------------------------------------------------

قمصان النوم والملابس الداخليه

بصراحة هذا الشي مامنه مفر الا لشي واحد خخخخخخخخخخخخخخخخ

أولاً الملابس الداخليه بتلقين فلاسنزا

وقمصان النوم والبجايم بتلاقين فنادي الشعب أشياء حلوه وبأسعار حلوه

الشنط بتلقين فالكرامه أو شبرا اللي فكوثر مول اللي فعيمان أو فنادي الشعب عندهم اشياء حلوه هذيلا

----------------------------------------------------------

المزيد من آخر المواضيع من نفس القسم:

**@أم عمر@** · 2010-12-22, 09:16

[IMG]http://www.*******.org/images/gzddy9lja582f3t733cr.gif[/IMG]

**Dr.H** · 2010-12-22, 09:54

بارك الله فيكي أختي
و ربي يسعد الجميع

**أم حمد الغايب** · 2010-12-22, 10:50

في بنات يبالغن وايد في زهابهن وتحضيرات العرس حتى لو المهر وايد حاولن ماتصرفنه كله بتشترن منه فالسفر او بتحتاجينه في يوم ..وترتيبات القاعة وتحضرات العرس كامله تراها الا مظاهر وفحاولو تخلون كل شي بسيط وراقي يطلع احلى ..

اعرف بنات مهرهن 15 الف و 30 الف وصرفن عمارهم والحمدالله مرتاحات ..في بعض العوايل يسوون الزهبه او النثور للعروس فلوس من غير الهدايا لي تحصلهن وحده من ربيعاتي قالت لي نثورها هي وريلها وصل تقريبا 40 الف واستخدمتهن هي وريلها في مصاريفهم لمدة 5 شهور لانه ريلها ماكان يشتغل بعده يدرس والحمدالله الحين كلهم يشتغلون وتقول مانخلي شي في خواطرنا.. فحاولن تقسمن بطريقه صحيحه وغير مبالغ فيها والله بيبارك لكم ان شاء الله في اعراسكن..

**سوارة** · 2010-12-22, 11:15

استغفر الله
استغفر الله
استغفر الله
استغفر الله

**زم_قمر_ان** · 2010-12-22, 11:45

مشكوره غناتى

وربي يووفقج كل العرايس

**أخت_القمر** · 2010-12-22, 11:53

بالتوفيج ان شاء الله
انا مسويه فستانين لعرسي الي تبا تاجر واحد منهم او تشتريه مابطلب منها وايد من سبع لعشره

**السنقباســـية** · 2010-12-22, 12:18

بالتوفيج يا حلوات

**أنثوية** · 2010-12-26, 10:35

^____^

**ام مـ2003ـايد** · 2010-12-26, 10:42

اللي حابه انا ما أخذ وايد فساتيني راااااااااااقيه وااجر من 3 الى 8 الف

فساتين مصممين وغيره شي يداد وشي ملبوسات مره بس ونظاااااااااااااااف

ينفع للي تحب تكون مقتصده

موفقات

**باااااربي** · 2010-12-26, 17:05

موفقه

**شـوق الامارات** · 2010-12-26, 17:18

فساتين اعرس للايجار من 4_6 فقط لطلب الصور عالخاص

**D.C. Graphics** · 2011-01-01, 19:20

uuuuuuuup

حبيت استفيد منكم لان اختي ان شاءالله بتملج قريب... ياليت البنات يفيدوننا اكثر

منو عندها معلومات عن قاعات سعرها مناسب في دبي .. او محلات الخيام والتجهيزات

**D.C. Graphics** · 2011-01-01, 19:20

ونسيت اقول شي .. ياليت يتثبت الموضوع عشان البنات يستفيدون بعد

**MAHA21** · 2011-01-06, 11:33

سهالات يارب وموفقين

الموضوع: العرايس الاقتصاديات أماكن ( فستاين - صوالين - شنط استوديو تصوير - قمصان النوم )

أدوات الموضوع

عرض

العرايس الاقتصاديات أماكن ( فستاين - صوالين - شنط استوديو تصوير - قمصان النوم )

المزيد من آخر المواضيع من نفس القسم:

المواضيع المتشابهه

استوديو تصوير ؟؟

استوديو تصوير

استوديو تصوير

.. استوديو تصوير ..

استوديو تصوير...