فراكشنل CO2 ليزر..............................

[لبوة]

بنات منو سوت الفركشنل co2 ليزر.
ابا تجاربكم لاني ناوية اسوية بشرتي رايحة فيها اثار
الحبوب وحفر على تصبغات اللون مو موحد
واللة تعقدت بليز اللي تعرف عيادة اوكي تدلني .

بليييييييييييييييييييييييييييييييييييييييييييييييي ز.

[جاردن ستي]

هلا اختي بصراااااااااحه انصحج نصيحه لوجه الله اتحملي اتسوينه لان والله العظيم سويت 3 جلسات مول ماشي نتيجه والندوب مثل ماهي ولا خفت الا بنسبه قليله جدا وكل الرمسه الي تسمعينها عن انه الفراكشنال يشل الندوب والبقع جذب حتى والله طلعتلي بقع وندوب فاماكن ما كان فيها .
حبيت انصحج وانتي براحتج الغالية

[لبوة]

غريبة واللة انتي متاكدة لانة في فراكسل ليزر امكن ها للي انتي مسويتنة
سويت سيرج يقولون اوكي وكنت حابة اتاكد
و مشكورة ع النصيحة

[لبوة]

بسالج حبيبتي وين سويتية؟

[mischocolat]

انتبهي ترا شي مراكز يقصون ع الحريم ويقولون لهم هذا فراكسل ليزر وهو ولا فراكسل ولاشي
سيري مكان محترم ومعروف وانشالله باذن الله بتحصلين النتيجه اللي ترضيج بس حطي في بالج أول شي هالعلاج عدة جلسات شهريه وكل جلسه بحدود ال2000 درهم + or - يعني اذا متوفر عندج مبلغ 4 جلسات تقريبا ابتدي واذا مب ضامنه هالشي اضمنيه أول لأن العلاج لازم يكون متواصل وبدون انقطاع (الحين الجو مناسب جدا لأنه بارد شوي )
ثاني شي لازم يكون عندج صبر وطولة بال لأن أول 5 أيام من عقب كل جلسه الويه ما ينتشاهد
ثالث شي ايلسي جدام المنظره وشوفي ويهج هل صدق انت محتاجه هالنوع من العلاجات واللا ممكن تعيشين بسلام بدونها ؟؟؟؟ما أعتقد حفره أو حفرتين بالويه أو بقعه صغيره ممكن تستاهل شي قوي مثل الفراكسل ليزر

[لبوة]

قريت تجارب البنات عنة والصراحة يمدحونة.
منو سامع عن مركز العناية التجميلية ف راس الخيمة.
وهل شغلهم اوكي ؟

[جاردن ستي]

الغالية انا الي مسوتنيه فركشنال مش فراكسل وجيمة الجلسة 2500 ومسوتنه باحسن العيادات بس بدون ذكر اسامي بس والله العظيم بدون نتيجه وللعلم الندوب بويهي خفيفه مش عميقه ومع جذا مانفعني واول مابتسوينه بينتفخ ويهج وبيحمر بس بعد ثلاثة ايام بتقشر وبشوفين ويهج جنه بيبي فيس وعقب اسبوع بيرد ويهج مثل قبل وجنه ماسويتي شي .