خدامتي الأثيوبية......

**زحمة الأشواق** · 2010-11-11, 23:04

السلام عليكم......

بنات إلحقوني والله إني مقهورة وأحس إن راسي بينفجر.....

مشكلتي إني من شهر ونص تقريبا سافرت بشكارتي الأندونيسية وتميت بدون بشكارة تقريبا شهر وشوي وبصراحة أنا النظافة عندي وسواس وأنا يا خواتي إنسانة مريضة فيني الديسك وتآكل في الركب بسم الله عليكم رغم إني صغيرة في العمر وحتى الدكتور اللي يعالجني مستغرب يقول أول مريضة إتيني في عمرج تآكل الركب في عمر ال64 مب في عمرج.....

وعلى فكرة تميت روحي أجابل بيتي بس والله ماقدرت أكمل تدرون إني طحت ع الفراش إسبوع من ويع الديسك والله إني ماكنت أقدر أرقد على الجنب اليمين ولا اليسار وحتى على ظهري ويع وما كنت أرقد الليل آلام فظيعة والله ياخواتي كنت أتعذب وأرفع إيدي وأدعي ربي يشفيني وعقب معاناة وتعب إقتنعت إني مابقدر بدون خدامة والمهم عقب ماشاورت وايدين وسألت عن الخدامات رسيت على أثيوبية مسلمة وفي أقل من 6 أيام وصلت وسرت المكتب ويبتها واليوم ثاني يوم لها بس لاحظت عليها شي إنها:

1- بطيئة جدا... رغم إن شغلها زين طبعا مب 100%...
2- ريحتها أستغفر الله أستغفر الله مب قصدي شي بس هالواقع ورغم إني اليوم قلتها روحي إتسبحي قالت لا مب ألحين بعدين...
3- لاحظت عليها من أول يوم عادي ترمس يعني جريئة حتى ريلي لاحظ هالشي.....

وبعد في شي مكتوب في بياناتها وفي جوازها إن عمرها 26 ويوم سألتها عن عمرها قالت 20 ومكتوب في الطلب إنها مشتغلة في البحرين سنتين وطلعت مشتغلة 4 سنوات على كلامها وفي الجواز 4 سنوات....

مادري والله هذا ثاني يوم لي وياها بس مب مرتاحة لها قولولي خواتي شو أسوي وريلي يوم قلت له ماباها بردها المكتب قال لا إنتي الغلطانة ليش تسإلينها هاي الأسئلة وليش تكلمينها شغليها وخلاص بس لو تفكرون فيها مايستوي يعني إتم مجابلتني بالساعات صم بكم لايتكملون.....

مادري أردها المكتب ولا أخليها؟ و أنا من ثاني يوم وكرهيتها أخاف تكمل فترة الضمان الثلاث شهور تذبحني من القهر....

سامحوني عورتلكم راسكم بمشكلتي بس قلت أفضفض الصراحة ماعندي غيركم وأنا أعتبركم خواتي وصديقاتي رغم إن الصدق ماعندي صديقات مول.....

المزيد من آخر المواضيع من نفس القسم:

**Um 9ale7** · 2010-11-12, 02:29

الله يسهل امورج ولاتعورين راسج
استخيري اول شي
وعطيها شهر وقوليلها اثبتي نفسج واذا ماعجبتج خلاص ذلفيها

**المنصوريه ‏** · 2010-11-12, 03:28

اذا ما مرتاحه ليها رجعيها المكتب لاتستوين ‏ 
شراتي عندي خدامه فلبينيه ملوعه جبدي ‏
وايد بطيئه وعيالي مايحبونها تورت فيها بتكمل
سنه ماتعرف تطبخ ولا تعرف عربي بس
عند الحلال والحرام مخلتنها ‏...

**ام ميثاني..** · 2010-11-12, 08:28

انا ياي حاااااالىف ماطيح بيتي اثيوبيه... اتحمل ريحتهاا واتحملت لساانهااا بس والله كانت تشتغل من الخااطر 3 سنواات وفجاء بدون اي سبب شررررررررررردت

**تنهات** · 2010-11-12, 08:47

عندي سؤال

يوم يشردون الخدامات
وين يروحون؟
وما يخافون ؟

والسؤال الثاني
إذا ريحتها خايسة
ما تتسبح
ما تستخدم مزيل عرق

ياريت تجاوبوني
عشان عندنا خدامة أثيوبية صح بطيئة بس شغلها زين
لكنها تتسبح خخخخخخخخخخ

**βĔŇt ûǻĘ** · 2010-11-12, 08:57

فَـووووقَ ..~

**ريماس $** · 2010-11-12, 09:11

استخير ....... بس ولله اذاهي جيه تجذب ينخاااف منها ........

**زحمة الأشواق** · 2010-11-12, 13:50

المشاركة الأصلية كتبت بواسطة Um 9ale7

الله يسهل امورج ولاتعورين راسج
استخيري اول شي
وعطيها شهر وقوليلها اثبتي نفسج واذا ماعجبتج خلاص ذلفيها

وأمورج تتسهل إن شاء الله.....

**زحمة الأشواق** · 2010-11-12, 13:51

المشاركة الأصلية كتبت بواسطة المنصوريه ‏

اذا ما مرتاحه ليها رجعيها المكتب لاتستوين ‏ 
شراتي عندي خدامه فلبينيه ملوعه جبدي ‏
وايد بطيئه وعيالي مايحبونها تورت فيها بتكمل
سنه ماتعرف تطبخ ولا تعرف عربي بس
عند الحلال والحرام مخلتنها ‏...

أنا عادي عندي أرجعها بس ريلي قال حرام هاي فقيرة شو سوت فيج الحرمة تشتغل ويوم شافني معاندة عصب وقال إني إنسانة متعقدة.....

**زحمة الأشواق** · 2010-11-12, 13:54

المشاركة الأصلية كتبت بواسطة ام ميثاني..

انا ياي حاااااالىف ماطيح بيتي اثيوبيه... اتحمل ريحتهاا واتحملت لساانهااا بس والله كانت تشتغل من الخااطر 3 سنواات وفجاء بدون اي سبب شررررررررررردت

صدقج والله مب لسان عليهم...

إنتي يايبتنها تريحج مب إطول لسانها عليج......

ماعرف أحس اللي قالو عن الأثيوبيات إنهن وصخات صدقو ما ألفو عليهن..... أستغفر الله العظيم وأتوب إليه

**زحمة الأشواق** · 2010-11-12, 13:58

المشاركة الأصلية كتبت بواسطة تنهات

عندي سؤال

يوم يشردون الخدامات
وين يروحون؟
وما يخافون ؟

والسؤال الثاني
إذا ريحتها خايسة
ما تتسبح
ما تستخدم مزيل عرق

ياريت تجاوبوني
عشان عندنا خدامة أثيوبية صح بطيئة بس شغلها زين

لكنها تتسبح خخخخخخخخخخ

اللي تشرد هاي تكون مسوية حساباتها وين بتسير وشو بتسوي أكيد عندها حد ولا مابتشرد......

وسبحان الله أحس مايحبون السبوح والنظافة تخيلي متى تتسبح قبل ماترقد.....

**زحمة الأشواق** · 2010-11-12, 13:59

المشاركة الأصلية كتبت بواسطة βĔŇt ûǻĘ

فَـووووقَ ..~

تسلمين فديتج......

**زحمة الأشواق** · 2010-11-12, 14:02

المشاركة الأصلية كتبت بواسطة ريماس $

استخير ....... بس ولله اذاهي جيه تجذب ينخاااف منها ........

أنا الحمدلله إستخرت قبل ما أييبها وتبين الصراحة كنت تعبانة وايد أبا خدامة وخلاص ومن ناحية إنها بطيئة أقول تكرمين يوم إدش تغسل الحمام بكل دلع حتى أنا يوم شفتها ميودة البروش وتنظف بدلع شليت البروش وراويتها بس ردت سوت طريقتها مادري أحسها تعاند......

الله يعيني هذا ثالث يوم لي وياها الله يصبرني ويقويني وأقدر أتحملها....

**عيمية_مزيونة** · 2010-11-12, 19:50

دامج هب مرتااحة لها طرشيهاا فديتج و لا تزيدين عليج تراج تعباانه و دوري راحتتتج غناتي كانت عندنا وحدة و الله ما ارتحنا لها و خليناها قلنا حرام نقطع رزقها دوم مشاكل و ضرابه وياااها و امسات سفرنااها كملت 9 شهر الله يهديها جابت لنا مرض والله خخخخخ الحمدلله افتكينا منهااا
نصيحتي سفريهااا دامها ماتعجبج و لا مرتاحتلها العوووق فيج ديسك غنااتي و يارب يشفيج تبين وحده تشيل البيت شل استخيري وو توكلي عل الله

اهم شي راحة البال و القلب عمري ^^

**أحب الكروشيه** · 2010-11-12, 22:54

الغاليه بالنسبة للنظافة راقبيها وخليها تتسبح مرتين والا 3 مرات فاليوم

ما اعرف كيف متحملات ريحتهن قصدي الشغاله كيف تتحمل ريحتها الوهف

وعلميها على الشغل وخليها تخلص بسرعه
حد منهن سريعات وحد بطيئات

وخذي لها امواس ومزيل عرق وكريمات وفازلين وشامبو وصابون ومعجون وفرشاة وبيتشوفيه يخلص بسرعه خخخخخ

وقولي لها تنظفي دوم

بس اسأليها من منطقة هي؟
وانا بسأل شغالتنا لانها تعرف اللي فهالمناطق الزينين من اللي مب زينين

وربي يعينج ويشفيج يالغاليه

الموضوع: خدامتي الأثيوبية......

أدوات الموضوع

عرض

خدامتي الأثيوبية......

المزيد من آخر المواضيع من نفس القسم:

المواضيع المتشابهه

موقع أذكار وشرح عقيدة وتفسير آيات باللغة (الأمهرية) الأثيوبية للتنزيل

تحميل كتيــّـبات باللغة الأمهرية (الأثيوبية) مجانا

«الجزارة» الأثيوبية: قتلت عائشة ليلة عقد قرانها لأحرق قلوب ذويها عليها

طلبتكم ...ابغي اذكار باللغة الأثيوبية او القرآن الكريم باللغة الأثيوبيه ..

انا وخادمتي الأثيوبية