سؤال للي عندهااا شغالة اثيوبية؟؟؟؟

[كيكة حلوة]

السلام عليكم

حبيت اسال اللي عندهم شغالات اثيوبيات..... ليش بعضهن يطوفن بعض الوجبات مثلاااا العشااا وابداا مايرضن ياكلن وبشكل يومي هل هالشي فعاداتهم ولااا في سبب ثاني؟؟؟؟ يعني مثلااا تاكل الصبح وتتغدا بس العشااا ما ترضى... عرفت عن كم من وحدة بس ما عرفت السبب ما يرضون يقولون ...ليش ما ياكلون؟!!!!!!!!! اللي تعرف تفيدناااا

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رووحي حلوه]

اللي عدنا عادي تاكل ثلاث وجبات بس كل الاثيوبيات الي كانن عدنا ما ياكلن السمك بالمره

[تسونامي]

الاكل الصحي وجبتين عن المتن

الصراحه مااعرف

ماعندي اثيوبيه

[* ام خماس *]

عاادي حبوبة حسب عاادتهاا في الاكل

مثلنااا فيه نااس يفوتون بعض الوجباات

وحبيت اوضح نقطه00الي يمزر بطنه مااا يروم يشتغل وااايد خخخخ

يعني تييهاا تخمه وتتكاااسل

موفقه حبوبة

[ام ميثانة]

انا خداماتي عادي ياكلون كل الوجبات وحتى خدامات خواتي وخدامات اهل ريلي عاديات مادري شو مشكلتها اللي عندج

[برق لمع]

اعتقد عشان ما يمتنون

[snow heart]

يمكن تستحي فديتج .. وأساس بعد ما تثقل في الشغل .. او تتكاسل حلو جيه فديتج

[ام فروووسي]

ان بعد اللي عندي ما تاكل وايد وعادي كلت ولا لا حتى شغالة حميتي
يعني ياكلون شوي
بس الثانيات ياكلن اكل ويقولون ما كلينا

المهم شغالتي اول ما يت قالت لي انها ما تاكل اللحم والسمج
والجبن وما تشرب الحليب وانها تاكل شوي عشان ما تمتن
مع انها ضخمه وتقول انها اذا كلت تمتن وايد ‏....‏ خخخخ تحافظ ‏
على جسمها...........وانا@@‏

[كيكة حلوة]

يعني تعتقدون انهاااا ما تبى تمتن ممكن انا فكرت نفس الشي بس قلت يمكن اكون غلطانة.... انااا الح عليهااا انهااا تاكل بس ما ترضى اول ما يت كانت تاكل بس بعدين ما رضت تاكل مع اني الح الح بس ما ترضى... شكلها ما تبى تمتن ... الله اعلم ... بس هالشي شفته عند كم من وحده من أهلناااا ... هي ما يبين عليهااا ضعيفة بس احس تعب عليهااا يعني الاكل يعطي طاقة.. خليتهاااا ع راحتهاااا وما اكلمهاااا اذا تبى تاكل المطبخ جدامهااا تاخذ اللي تباااه.. بس كنت حابه اعرف ليش واذا مريتواا ع شغالات نفس الحالة؟
الله المستعااان ومشكوورات ع الردود

[روح من عسجد]

اللي عندي مثل اللي عندج تاكل وجبة وحدة او وجبتين بالكثير

بس احسلج عشان تكون خفييفة

اللي عند امي ماشالله تاكل فوق الثلاث وجبات ثلاث غيرهن وزادت يمكن 15 كيلو ماتعرف تشتغل وتتعب بسرعه وتنام وايد

وتنافخ وايد ههههه احيانا اتخربط هي راعية البيت ولا البشكارة

[رفيعة الشأن]

وايد يدارون على عمارهن
يعني مايحبون ياكلون حلو عشان ظروسهم
وعشان مايصيبهم السكري
بشكل عام الاكل مايشكل هاجس للاثيوبيات....عادي لو ماكلت وجبه ولا وجبتين
والربيان ماياكلونه ابد...يشبهونه بالدود

[مس احلام]

اللي عدنا عادي تاكل ثلاث وجبات

[ام عبد الرحمان6]

الخدامات مايهمهم الاكل عكثر ماتهمهم البيزات

[عيوني دلال]

احنا الي عندنا عادي تاكل ثلاث ووجبات
بس ماتاكل السمك
يمكن كل وحده وطبيعتها
مب شرط فيها شي

[raw3a]

اللي عندي اول ما يات كانت تاكل نص اللي في الجدر ماشاء الله عليها غير السناكس ووايد زادت
بس مادري شو ياها فجأة قامت تاكل شوية وما ترضى تاكل لحم ومرة شافت الفقع كنت بسويه صالونة سوتلي مناحة اوغلو اوغلو طنشتها بس الاغلب ما تاكل عشان الوزن حاطة في بالها تعرس يوم ترد بلادها