ME NO ماشالله تصويرح وااااايد حلو (مب نحن ..نلطع الأغراض ويللا صوره والسلام)
ما حسيت بوندس كماركه ناسبتني أبدا
ماعلينا ....خل نراوي الكسولات أخر المشتريات
ع اليمين تريو-دي لأزالة التصبغات الجلديه
ع اليسار سيروم فيتامين سي ماركة DCL وريحته روعه برتقااااااااال
كثر ما البنات والدكاتره يمدحون هالشغلتين وقوتهم في محاربة البقع اللي بالبشره والتصبغات الجلديه سرت الصيدليه وخذتهم وبديت فيهم ....فترة بعد الغدا أغسل ويهي بدون صابون بس ماي واحط أول سيروم فيتامين سي وعقب 5 دقايق احط تريو - دي .......يحرق الويه 10 دقايق وعقب خلاص
الاسعار ما أحيد لأني ماخذه اشيا ثانيه من الصيدليه(صيدلية كوزمسيرج الي في ابوظبي دايما كل شي متوفر عندهم )
==================================
حبوب ايميدين العلبه ب 290 درهم بالصيدليه لازم كل يوم على طول تعطي صحه ونضاره للبشره والاظافر والشعر
حبوب اسبرين حق الخلطات موجود بالجمعيات
فيتامين سي الفوار وملتي فيتامين بعد للخلطات وموجوده هالاشيا بالجمعيات
=================================================
حبايب قلبي ودايما أشوفهم بالجمعيه
جلسرين وزيت اللوز
================================================
صوره جماعيه من اليمين
لوريال لأزالة مكياج العيون والشفاه
كريم وبودره حلوين وخفاف ع البشره (مع اني ما أحب استخدم بودرة التالك حق بشرتي بس قلت باستخدمها مره في الشهر كتغيير بس) ريحتهم حلوه
لوشن البابايا أحب أفتحه واصب منه على كل جسمي عقب ما اتسبح بصابون البابايا أو خلطات الكركم أصبه بوفره مب شوي بس واسوي مساج حق كل الجسم ينعم البشره بشكل حلو وبسرعه تمتصه ما يتم عليها أي أثر يلصق الثياب أبدا
اسكينول البرتقال نوع يديد نازل وقلت بجربه ...وايد أحلى عن الأنواع الثانيه لأنه بشرتي حساسه ما تتحملهم كلهم يجففون البشره ويخلوني أحك ويهي طول اليوم بس هذا روعه
طبعا مناديل جونسون هاي استوت من الاشيا المهمه على تواليت اي بنت
==================================================
الصابونه الهنديه الخضرا بالاعشاب مناسبه جدا للبشره الدهنيه أو اللي فيها حبوب لأنها تجغغها عدل وبعد للبنات اللي يشتكون ظهرهم فيه حبوب وبقع بعد ممتازه بس لازم تتركين الرغوه على الظهر كمن دقيقه وخلاف تغسلين ظهرج
نصيحه اذا ظهرج فيه حبوب وحبيتي تستخدمين هالصابونه أو أي صابونه لاتستخدمين الليقه للظهر عشان ما تكشطين الحبوب (نبغي نكحلها مب نعميها)بس اذا اثار وبقع لا لازم تستخدمين الليفه
أنا استخدمها حق الحبوب اللي تظهر في منطقة الذقن أحيانا
أقطع منها قطعه صغيره وامسح بها الجلد وهو مبلول(المنطقه اللي فيها الحبوب بس) واخلي الرغوه الكريميه عليها 10 دقايق خلاف أغسلها بماي بارد اسبوع والحبوب منهيه ولا لها أثر
حاولت أصور الصابونه اللي عندي مب طايعه الصوره تظهر واضحه فحطيت صوره من النت ....السموحه منكن يا بنات
بس تعبت ...............يللا دوركن يالكسولات
.gif "الصورة الرمزية Me No")
مجموعة بوندس
.gif "الصورة الرمزية جرح صامت")
.gif "13 (37)")
سبــحانك اللهمـ و بحمــدك ☺.gif "الصورة الرمزية خولاء")
ضوابط المشاركة
المفضلات