مشترياتكم من منتجات البشره 1

[أم مطر]

عدنا

المشتريات من مردف ستي سنتر

اول محل كان دايسو اختي الصغيرة تمت تحن الا تدخله اول شي وايد تحب اغراضهم

خذت من عندهم ماسك للخشم .. ربيعتي مدحته لي وجربته زين لا باس فيه



عقب رديت صيدلية بوتس خلص عني المناديل وزيت بيو اويل ممتازين



وعقب دخلنا لاش وخذنا وايد اشياء طبعا كلها استعملناها واغلبيتهم عند خواتي

دريم كريم وايد ممتاز للبشرة الحساسة والجافه واللي عندهم اكزيما اختي خذته



رغوه للبانيو روعه اتجاسمناه



زبدة الشيا وايد ممتازه ندلكها على الجسم مثل المساج ويتم ناعم ومترطب



صابون الكرز ريحته تخبل



ماسك البلوبيري كلنا استعملناه وايد حلو على البشرة



وعقب سرت فيس شوب خذت لي كريم المسامات وايد ممتاز احطه قبل الميكب و لزقات الرؤوس السوداء واسفنجه



وبس اي سؤال انا حاضرة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mischocolat]

ام مطر
يا خطيره انتي
الكرز والبلوبيري روعه
بس باسالج كريم المسامات من فيس شوب ما يزيت الجلد؟؟؟؟

[أم مطر]

هلا حبيبتي

روعه الكرز .. بس يفتح المحل عندنا فالوحده مول برد اخذ منه

ما يزيت الكريم .. وايد يرطب لان بشرتي جافه

ومكتوب عليه لكل انواع البشرة

[روح الظاهري]

السلآم علييكم ..
هالاشيآء ماخذتنها من فترة .. بس قلت بجربهآ و و عقب براويكم و اخبركم شو النتيجه ..

من كآرفور ..

غسول من لوريآل
Loryal hydrafresh
combination to oily skin



رييحته .. الله لا يروايكم ..
خذيت كريم مرطب بععد



مع اني احط كميه بسيطه منه ع ويهي .. الا اني احسه مزييت وايد
طبعا آخر مره آخذ هالشيئين ..

ماسك من هيمالايا
himalaya - fairness face mask



وآيد حبيته .. يفتح البشرة و يشدهآ ..

كريم مرطب من جيرجنز


مستحييل آتخلى عنهههم ..
يرطبن عدل و تمتصهن البشرة بسرعه ..

خذيت كريم من كليراسيل



هذا حق الحبووب .. اول ما خذيته امره من احطه عالحبه اختفت
تخبرتني وحده شو تستخدمين حق الحبوب ؟ و خبرتهآآ
من ذآك اليوم ما فيه فايده .. بس مع هذا استخدمه عسب يخلص خخخ

مرطب للشفايف من سيبا ميد


حلوو وآيد .. ماله لونه و ماله طعم ..


خذيت ماسكات جاهزه من نيفيآ ووو ..

من بودي شوب خذيت شامبو و بلسم و سيروم ..







الشامبو مول ما حبيته .. ما ينظف عددل .. و يعق الشععر ..
اما السيروم .. حلوو .. استخدمه قبل السشوار ..

اليوم خذيت من بوتس شامبو و بلسم



توني غسلت شعري فيه ..
شععري طاااااح امرررره .. ><
والله قلبي عووورني عليه

~~> للأمانه الصور كلها من النت

[اموره دبي]

آلجهآز مآعرف شو صنآعته بس هآي كوآلتي
خذيته من تآجره بطرشلج عآلخآص

تسلمين الغاليه ام شامه

ماقصرتي ....

[القنوعـة]

تابعت الموضوع بس ما كملت
فديتكن خواتي ماقصرتن
يزاكن الله خير على الفايدة
إن شاء الله بصور كريماتي وهالسوالف وبخبركن عن تجاربي

[fafy33]

موضوع رائع وممتاز ومفيد واستفدت منه كثير جزا الله خير صاحبة الموضوع واللي منشطته وحابه اشارك وافيدكم بتجربتي مثل ما استفدت منكم علشان كذا سجلت في المنتدى بس ماااعرفت للصور ياليت احد يساعدني الصور موجودة على جهازي

[fafy33]

اختي
mischocolat

الموضوع ماشاءالله 141 صفحه مب شووي يعني والله صعب ارجع وادور صفحه صفحه عشان احصل الاجوبه للاستفساراتي

مافيها شي اختي انا استفسرت والخوات بيتفضلن مشكورات وبيساعدني

ولله يا مورة كل صفحة فيها فايدة انا استمتعت كثير واستفدت

[شمسة المرر]

نعمتن بمشترياتكن بنات

[mischocolat]

اسمحولي بنات
بغلق الموضوع هذا لانه كمل فوق الالف مشاركه
وبنفتح موضوع يديد ان شاءالله تكون فيه مشاركات اكثر وتستفيدن وتفيدن العضوات بكل ما هو جديد ومجرب