تجربتي غير مع { زيــ ترشوب العجيب ــت } لشعر صحي كثيف طويل وحيوي

**Um Rasho0ody** · 2010-09-28, 16:00

السلام عليكم ورحمة الله وبركاته

الحمد لله بعد نجاح تجربتي ب زيت ترشوب

http://forum.uaewomen.net/showthread.php?t=681087

خواتي الغاليات كلنا نتمنى شعرنا يكون حلو وطويل وغليظ و قليل التساقط وخالي من القشرة وناعم والصراحه زيت ترشوب يخلي شعرج بـ هاذي المواصفات عن تجربه شخصيه ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

قصتي يا خواتي بعد حملي الاول ياني فقر دم حاد
وشعري اتساقط وايد لدرجه ما تم منه شي تم شعري كله فراغات ويأست وقلت خلاص ما بيرد شعري مثل قبل بس يا خواتي من عرفت زيت ترشوب والله انه معجزه استخدمته 4 شهور والله يا خواتي شب لي شعر يديد واختفت الفراغات وشعري شهر عقب شهر طول بشكل ملحوظ وصار شعري فيه نعومه و حيويه ومن يومها وانا مستمره عليه وما افكر في يوم من الأيام انه اتركه لأن صار شي اساسي في حياتي اليوميه ..

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

جدولي فالاستخدام : غسل الشعر عشان تنظف الفروة من
الدهون اللي عليها وعقب تنشيف سريع بالسشوار وعقب اتييبين كوب واتصبين فيه ماي دافي مايل للحار واتحطين غرشه الزيت فالكوب لين ما يدفى الزيت ليش؟ اتعرفون شو السبب يوم يكون الزيت دافي بسرعه تتشربه فروه الراس.. وعقب اوزع الزيت على كل الفروه ونسوي مساج للفروة من 10 - 15 دقيقه عشان تتحفز الفروه وتتشرب الزيت وعشان يتغلغل الزيت
وتستفيد منه الفروه وانوزعه على الشعر ونخلي الزيت مده تتراوح من ساعتين لين اربع ساعات وجدولي اليومي يوم الاحد والثلاثاء والخميس ومع الاستمرار بتلاحظين النتيجه اهم شي الاستمرار

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

الأماكن اللي بتلقين فيها الزيت فالسوبرماركت الايراني حسب معرفتي :
في بوظبي : السوق الاخضر - بني ياس
دبي: مركز ابوهيل السوبر ماركت الايراني اللي فـ المركز
الشارجه: الدكاكين الايرانيه اللي على البحر
العين: فـ اسواق الهدايا

والله يوفقكن خواتي هاذي كانت تجربتي بـ زيت ترشوب واتمنى لكم التوفييييق من كل قلبي

اختكم :

Um Rasho0ody