كرهتها ود ودي اسفرها

**عشوقه راك** · 2010-09-17, 21:37

السلام عليكم ورحمة الله وبركاته

بدش ف موضوعي والي هو شغالتي الاثيوبيه الي لاعت جبدي منها وريلي مب راضي ايسفرها اونه خل اتكمل السنتين اقوله هاي ماكملت سنه واحسني بيني يوم يا بضربها يا برتكب فيها جريمه شنعاااااااااء>>>>داشه جو الاكشن

وانا اخاف اظلمها خاصه انها اول شغاله عندي وانا حامل فيمكن ايكون مأثر فيني
بس كل الي اخبره ايقولي اني صح بخبركم بعض المواقف

الموقف الاول:
ان بشكارة جيرانا اثيوبيه مسيحيه(شهر 8 سافرت وفتكنا من غثاها) وشغالتي مسلمه المسيحيه كل مره اتقولها انها سوت شي شغالتي تبغي نفسها حتى كريمات يايبه الها كريم سنفره وتبيض وتنظيف وتقشيرما ادري حق اشو ..و مره المسيحيه قالت لشغالتي انها بتسوي تمليس ويت اتخبرني قلتلها لا انتي يايه تشتغلين مب تتعدلين قبل لا تسافري بسويلج تمت تتحرطم اونه المشط ما يمشي ف شعري قتلها يعني شعرج من 26 سنه اتسحينه بس من يتي عندنا وقف ما يستقبل المشط

وعقبها بفتره كنا ظاهرين انا وريلي الظهر الا الحبيبه اتقولي ان المسيحيه يتها الصبح وجان اتسويلها شعرها عاد انا هزبتها واتنازعت معاها

الموقف الثاني
لما ايب الها يونيفورمات ما ايتمن يوم وتقطعن اونه لما تصلي ؟؟؟؟

كيف؟؟اونه يوم تركع ينطر البنطلون

ويوم اتكبر ينطر القميص

قلتها يوم بتصلي البسي كندوره وعقب ردي على اليونيفورم بس لا حياة لمن ينادي لين هزبها ريلي وقاللها انها بتلبسه حتى لو منطر وبنشتري غيره من معاشج
((للعلم انا لما اكلمها او اامرها اتسوي شي ما اتسويه او اتم اتراددني الا اذا ريلي نازعها يعني انا مب مهم اتنازع عادي عنها))

الموقف الثالث وهذا الي يقهر::
الحبيبه ما ادري من وين الها شي من ثيابها ومن فتره خليتها اتعقهن ف الزباله ولكنها طلعتهن عقب ما ماشافتني رحت والسبب الي خلاني اعقهن لانهن شفافات وشي منهن جدام ووسخا ومطرطرات و الغريب ان الثياب اليداد الي شارتنهن الها ماشي منهن وين سارن ما اعرف

وكذا مره شفتها تلبس هالكنادير الشفافه بدون ثياب داخليه وهي حظرتها اتساوي الحوش او اتنظف الانترلوك الي جدام البيت وحتى لما تدخل اتنظف والبارحه كان ريلي موجود وكنا بنطلع وبالنصيب هو داخل واول ما طلعت الصاله شفتها لابسه كندوره شفافه من الي عقيتهن عنها وبدون ثياب داخليه يعني كل شي امبين ((الله ايلوع جبدها)) عاد انا انفجرت وتميت اتنازع وهي والله العظيم تضحك وحلفت ان شفتها جذه مره ثانيه لا تلوم الا نفسها

خواتي انا ما البس جدامها امفسخ سواء قمصان او غيره حتى اذابلبس بناطلين وقمصان لازم ملابس داخليه وانا مب من طبعي اضرب او اتم اتنازع و ريلي من النوع المسالم جدا حتى لما اشتكيله منها ايقول شو اقولها هي حرمه كبيره وعاجل وعيب انازعها ومن غيرانا وهو وايد انخاف ع بنتنا يعني اليوم الي انازعها فيه اتم حاطه ايدي ع قلبي لا اتسويبها شي

شو اسوي والله تعبت منها تعبت

هالمواقف ابسط شي يستوي

المزيد من آخر المواضيع من نفس القسم:

**سوارة** · 2010-09-17, 21:46

بصراحه لو انا بتم على راسها بشل ثيابها روحي وبطرطرهن بالمقص ويوم ما تسمع الرمسه بييب جدول الراتب وبكتب اني خصمت 10 دراهم وبخليها توقع غصب او تسمع الرمسه عدل

**هيااام** · 2010-09-17, 21:48

سفريها على طووول شو تتريين ؟؟
ما احب الاثيوبيات

**Hard2Ctrl** · 2010-09-17, 22:07

اختي سفريها اليوم قبل باجر لو ترومين ..

و انتي حامل و لو محتايه بشكاره بعطيج ارقام اللي ايون ينظفون بارت تايم .. اللي بالساعات ..

خل ايونج يوميا مال ساعه ساعتين..

الله يسهل عليج إنشاءالله

**فرقنا القدر** · 2010-09-17, 22:45

ما اداني الاثيوبيات ملسونات وغدات طفسات

كل الغثا فيهن

سفريها خل تولي

**ام سالم 79** · 2010-09-17, 22:53

سفريها ....شو تتريين .......المشكلة الشغالة اول ما تيي وتشوفنا زينين وياها ... الله ياخذهن يختربن ..... ويزيدن دلع ......
خليج شديدة ويا الشغالة الي بتيبينها .من البداية ........ وحطي لها حد .......

**جوري احمر** · 2010-09-17, 22:56

ما ادري اختي انتي يا يبتهن تساعدج ولا تغثج بصراحة ما ادري كيف تتحملون هاي الاشياء وبعد اعطيها ر اتب لا والله زين الله يختي يسهل دربها ومع السلامة درب يابتها تردها بدون لا اسب ولا اضرب ولا احرق دمي وباجر تنتقم مني ومن عيالي وهي ان تمت بتم سنتين وبتروح وانا بتندم على كل يوم حرقت دمي فيه عليها هذا اذا ما ارتكبت جريمه قبل لا تروح

**نسايم روح** · 2010-09-17, 23:35

اخذي مقص وشقيهم جدامها عشان تتادب واصلا شكلها مو عامله لج حساب

**حلوات الاهداب** · 2010-09-17, 23:43

ليش قاهره نفسج وياها سفريها وييبيلج فلبينيه مسيحيه احسنلج..

**عشوقه راك** · 2010-09-18, 01:22

المشكله ريلي مب راضي ايسفرها لاني حامل اونه يوم اتربي ايصير خير حتى اهلي كلموه بس لا حياة لمن تنادي

**$فراولة حلوة$** · 2010-09-18, 01:53

سفريها خل تولي

**BinKhadim** · 2010-09-18, 16:30

قولي الها انج بتخصمين من راتبها اذا ما عدلت اسلوبها ... والله ما ينفع وياهن غير جييه ...

الله يغربلهن ... من يشوفنج حامل والا تعبانة يستهبلن زيادة ... وبالذات الاندونيسية الي عندي تمت تستهبل على في بداية رمضان وبالذات في الطبخ ... اذا قلت الها سوي شي ما اتسوية واتقول لي اني ما قلت الها ... تستهبلني حضرتها ... واتم اتراددني جدام بشاكير أهل ريلي ... لين هزبها ريلي وهددها انه بيخصم من راتبها وبيسفرها على حسابها ... ومن هاك اليوم وهي ماشية على السراط المستقيم ...

وعن الثياب ... قصي من راتبها قيمه اليونيفورم الي اتخربة ... ليش ان شاء الله بيزاتج طايحه في الشارع ... لو هي دافعه جان بيتم عندها اليونيفورم 5 سنين ...

**BinKhadim** · 2010-09-18, 16:35

وما اتسفرينها لو أشوة ... ليش شوية هن الـ 7000 درهم الي دافعتنه للمكتب ...
حبيبتي احسبيها ... 7000 خسرتيهن على الاولية + 1000 درهم وفوق قيمه التذكرة ... و7000 قيمه الخدامه اليديدة ... ولا تنسين قيمه الفحص الطبي ...
اقولج ... وديها المكتب و خليهم يهزبونها اذا ما نفع قص الراتب ...

انا اول راتب ما اعطيهن اياة أخليه عندي لين ما يكملن مدة العقد سنتين .... وعقب أعطيهن أياة ... واشرط عليهن وهن في المكتب انهن اذا ما كملن العقد التذكرة بتكون على حسابهن ومن هالبيزات الي يوديتهن عندي ...

**دلوعه حمودي** · 2010-09-18, 16:53

اسلوبها جي وياج لانج حامل
انا لم كنت حامل في بنتي يبت شغاله سرلانكيه طلعت روحي حسبي الله عليها ماتسمع الكلام موليه وبعد ماربيت صارت مثل الديايه ع طول تسمع الكلام بس كرهته وسافرته وريلي كان مثل ريلج ماطاع يسافره وانا حامل بس بعد ماربيت بالشهر سافرته وافتكت والله يغربلهم هالشغالات يقهرون

**اللبوة البيضة** · 2010-09-18, 20:26

مثل هالخدامه المفروض ما اتم سفريها عزيزتي ينخاف من هالاشكال ومن تصرفاتها

الموضوع: كرهتها ود ودي اسفرها

أدوات الموضوع

عرض

كرهتها ود ودي اسفرها

المزيد من آخر المواضيع من نفس القسم:

المواضيع المتشابهه

شسوي بحياتي الي كرهتها خلااااااااااااااص ماعدت اتحمل

شورو علي خدامتي اسفرها ولا

طفرررررررت..مليتـ..كرهتها...

خلاص لازم اسفرها.....

اسفرها ولا اخليها