تجرتبي مع ليزر fractional co2

**miss_cavalli** · 2010-09-01, 11:30

مرحبا خواتي ..

اول شي اشكر اختي سيدات الامارات على المجهود اللي بذلته لتوصيل تجربتها لكل البنات اللي يعانون من مشاكل البشره وطبعا انا منهم .. بعد ماقريت موضوعها اتحمست اني اسوي ال فراكشنال ليزر ..
انا كنت اعاني من حب الشباب والحمدلله خف وايييد الحين ولكن للأسف تبقى الندب والتصبغات والمسامات اللي تسد النفس !!! صراحه بشرتي التعيسه اتأثرت على نفسيتي ...خاصة انه خواتي بشرتهم حلوه ماشاء الله- اللهم لا حسد. المهم انا مش من النوع اللي يكتب فالمنتديات بس لأنه حسيت انه الموضوع يهم كل امرأه اتحاااول اتكون بشرتها نقيه صافيه وخاصة جدام ريلها احم احم ...

المهم خلوني ادخل فالموضوع ..

قررت اسوي هالنوع من الليزر .... وسرت عياده في الشارجه- معروفه جدا- بعد ما اتأكدت انه عندهم الجهاز اليديد للفراكشنال ليزر ...سرت العياده وكلمت الدكتوره ...وحدننا اليوم المناسب لي لعمل الليزر..

كان تاريخ 30-8-2010 مساءا ...(( طبعا لعمل الليزر افضل يكون المسا لأنه البشره بتكون حساسه وماتستحمل الشمس حتى لو حاطه واقي شمس - هذا رايي انا ))

اليوم الاول : الاثنين

الليزر بصراحه كان يعور ...يعني الدلووعه مابتستحمله ..الدكتوره يوم كانت اتسويلي كانت اتقول ماشاء الله عليج مستحمله الويع وكله عشان الجمال ههههه وانا من الالم مب قادره انطق ولا ابتسم ههه... طبعا الالم يخف على طوول ...يعني بعد الجلسه ب 10 دقايق مابتحسين بشي ...

رجعت البيت ..حطييت ميبووو و فوسيدين عشان مايصير التهاب ...

اليوم الثاني: الثلاثاء

نشيت الصبح شفت ويهي محمر واثار حرق فلم رعب هههههه وطبعا مستمره على الميبو والفوسيدين . وفليل صاار بني

اليوم الثالث: الاربعاء

نشيت شفت انه الاحمرار خف بس اثار الجهاز بعدها( اللون البني المحترق) ...على اساس انه التقشير يصير باجر

ملاحظه : حسيت انه ويهي انتفخ شوي ...يعني امتلى .. لآني اصلا الدكتوره قالت الجهاز يشد البشره ويخفف التجاعيد بعد ....لا تتحروني عيوز انا بعدي 27 ههههه شباب ...

ونسيت اقول الدكتور عطتني كريمين ..
credentials - 1 يستخدم ك مرطب لتجديد البشره
2- K Ceutic وهذا بعد فيه فيتامينات اتجدد الخلايا

على فكره انا كنت اصور التطورات اول بأول ... وبحط الصور فالوقت المناسب ...عشان الكل يستفيد ..
وبااااااااجر ان شاء الله بخبركم شو بيصير ......

بنات مابغي منكم إلا انكم تدعولي بالذريه الصالحه ...

وأن شاء الله كل البنات يستفيدووون من الموضوووع ...

انتظروني ..

المزيد من آخر المواضيع من نفس القسم:

**1امبراطورة1** · 2010-09-01, 13:51

الله يرزقج الذرية الصالحه إن شاء الله وتصير بشرتج مثل ما تتمنين

**حلوات الاهداب** · 2010-09-01, 14:25

في انتظاااااااااااااااااااااارج...

**// خوخه //** · 2010-09-01, 15:04

الله يرزقج الذرية الصالحه إن شاء الله وتصفى بشرتج

**بنت جامعية** · 2010-09-01, 15:26

الله يرزقج بالذرية الصالحه ان شاء الله .

*** أم ميرة *** · 2010-09-02, 10:59

ان ينولج البشرة الى تتمنينها

**سوارة** · 2010-09-02, 11:30

استغفر الله
استغفر الله استغفر الله
استغفر الله استغفر الله استغفر الله
استغفر الله
استغفر الله
استغفر الله
استغفر الله

**فطمطم2008** · 2010-09-02, 11:33

المشاركة الأصلية كتبت بواسطة سوارة

استغفر الله
استغفر الله استغفر الله
استغفر الله استغفر الله استغفر الله
استغفر الله
استغفر الله
استغفر الله
استغفر الله

**أم اليازيـــة** · 2010-09-02, 12:11

استغفر الله
استغفر الله استغفر الله
استغفر الله استغفر الله استغفر الله
استغفر الله
استغفر الله
استغفر الله
استغفر الله

**miss_cavalli** · 2010-09-02, 12:42

مرحبا يا حلوات

لكل اللي يتنظر نتايج الليزر ..اقوول لهم يوم السبت ان شاء الله بنزل الصور ..لأني احتاج على الاقل يومين بعد لين يتقشر الويه...صراحه اللي يفكر يسوي ليزر لازم يكون عنده حد يصبره هههههه صدق انا كل ساعه اطالع عمري فالمرايه اشوووف اتقشر ولا .. الله يصبرني لأني اصلا مب قادره اطلع من البيت هههههه اغمض

عاد اليوم الخميس ..وباجر الجمعه لازم نتيمع بيت الوالد ..ان شاء الله يتقشر وافتك وألالاقي بشره ولا احلى

يااااااااااااارب انت القادر على كل شيء ..

على فكره صح انه النقووط البنيه مال الحرق ماخازت ..بس ويهي ارتااح ..يعني مافي احمرار ولا شيات ...اللهم هذي النقووط وبتخوز ان شاء الله ...

المشكله انه مفتشله من ريلي هههههه مسوتله فلم رعب بس الحمدلله اليوم اخف عن باقي الايام ..

على فكره احس انه شفايفي برزن كأني مسويه فلر ههههه يمكن لانه الدكتوره سوت حوالين الشفايف وهذا الشي حفز الكولاجين !! مادري شو السر ...حتى خطوط التجاعيد الخفيييفه اللي تحت العين !!

ماشاء الله احس انه ويهي مشدود ..قولوا ماشاء الله بنات انا روحي هب مصدقه

...عاد مادري اذا هالشي مؤقت ولا...بس انا قريت فالنت ودخلت مواقع اجنبيه وقريت مواضيع كثيره

..ذكرت انه مهام الفراكشنال co2 يحفز الخلايا يعني يشد البشره ويشيل التصبغات وآثار الحبوب الندب ...صراحه جهاااااز عجيب اتمنى يكون مفعووله اووكي عليه ..والكل يتفاجأ فيني بالعيد ..انا متفاءله خير ان شاااااااءالله

بنات اذا عندكم اي سؤال اتفضلوا ..وان شاء الله افيدكم من تجربتي البسيطه..

انتظرووني

**دللُــوله** · 2010-09-02, 14:40

مبروووك ..وان شاءالله النتيجه تكون احلى واحلى
نتريااااج بفاااارغ الصبر هههه^_^

**// خوخه //** · 2010-09-02, 14:40

هلا اختي ان شاء الله يصفا ويهج وترضيج النتبيجة
بغيت استفسر شو درجة البديتي فيها خفيفة واالا القويه ؟
وعن العوارشو حسيتي؟

**منااااوي** · 2010-09-02, 15:40

انا اسوية عند الدكتور شريف مطر في اوباجي - ابوظبي قال احتاج 5 جلسات باقي جلستين يوم الاحد عندي جلسة الله يعين الصراحة ويهي تحسن بس بعدة في اثار انا اسوية 2500 للجلسة

**بنت الشوامس 2** · 2010-09-02, 15:42

استغفر الله
استغفر الله استغفر الله
استغفر الله استغفر الله استغفر الله
استغفر الله
استغفر الله
استغفر الله
استغفر الله

**ام حمـــدااان** · 2010-09-02, 16:07

بانتظار النتيجه يالغلا

والله يرزقج الذريه الصالحه

الموضوع: تجرتبي مع ليزر fractional co2

أدوات الموضوع

عرض

تجرتبي مع ليزر fractional co2

المزيد من آخر المواضيع من نفس القسم:

المواضيع المتشابهه

تجربة وحده من معارفي ل ليزر fractional co2 rak

بنات تنصحوني في ليزر fractional co2

ابغي اسوي فراكشنل ليزر ( Fractional co2) وين تنصحوني؟؟؟

الي عندها خبره عن fractional CO2 ليزر تدخل ضروري