نداء الى عصقولات العالم !

**Gal Girl** · 2010-08-09, 22:28

السلام عليكم و رحمة الله وبركاته
شحالكن عصقولات ؟
ان شاء الله بخير
بدش فالموضوع ع طول
بما اني شفت اكثر عن موضوع في هالخلطه اللي تزيد الوزن :
- علبه حلاوه طحينيه بالفستق نفتتها ف صحن ونضيف عليها
+
- كوب مكسرات منوعه
+
- كوب حلبه مطحونه
و تشرب مع كوب لبن او عصير مانجو او ماي ,,
بس انا عن نفسي قلت بشرب لبن لانه فيه سعرات حراريه
و فالخلطه يحطون خميره انا بستغني عنها لان عندي القولون واخاف يضرني , يعني لي حابه تستخدمه ع راحتها,,والحلبه بحط نص الكميه لانها مره وماريد امل من الطعم بسرعه
وتقدرون تضيفون سمسم و جوز الهند حسب الرغبه يعني
,,
المهم بنوتات انا ببدا فيها من اليوم و خلاص سويت كل شي والي باقي ابدا اكل منها
وبما انه رمضان ,, بخلي جدوليه كالآتي
بعد الفطور:
ملعقتين من الخلطه + عصير مانجا
بعد صلاة التراويح طبعا بيكون الفوااله محطوطه وناكل منها وبعدها :
ملعقتين من الخلطه + قوطي لبن اكتيفيا الصغير
على وقت السحور حسب اذا اقوم والا اكل قبل ما ارقد :
ملعقتين من الخلطه + لبن اكتيفيا + 7 تمرات

المهم يعني من 6 ل 9 ملاعق من الخلطه فاليوم ناكلها وبعدها نشرب ,, او اذا تبون خلطوها بالحليب او اللبن , لكن احس طعمها مابيكون حلو فالافضل ناكل وبعدين نشرب

وقريت النتيجه تطلع بسرعه من 10 ايام لين اسبوعين يبين الزياده وطبعا تختلف من جسم لثاني لكن وايد شفت بنات ف ردودهم يقولون زادو ,.
ونقطه مهمه قريت فمنتديات ثانيه يقولون الخميره تسبب انتفاخ وتطلع لهم كروشه لكن يروح بعد فتره ,,
وانا مادري عن نفسي اذا وصفهم دقيق او لا يمكن الكروشه لي تطلع بسبت الوزن لي يكسبونه يتركز فالبطن
فعشان مانتعرض لهالشي عليكم بتمارين المعده 3 مرات فالاسبوع 30 او 50 مره ع حسب قدره تحملكم
لكن لا تكثرون من التمارين عشان ماتخسرون الوزن لي تكسبونه
ووو شو بعد كنت بقوول
هيه ,,! اهم شي ماتهملون الوجبات وتاكلون لانه الخلطه بروحها ماتسد يعني لا تعتمدون تاكلونها بروحها وتحطون ف بالكم بتمتنون عليها بروحها اوقي؟
ووبس
يلا منو ناوي يشارك معايه و كل نهايه اسبوع نوقف ع الميزان نقول كم زدنا ؟؟
يلااااا تحمسووو معااايه عشان نيي ع العيييد نيووو لووك وحلوااااات ومربربات

للعلم ,,
طولي : 164
وزني الحالي :43
الهدف الاول : 48
الهدف الثاني : 53
خلني اوصل هالاهداف خلاف بحدد غيرهن هههه
فانتظااااركم =)

* اضافه ع الخلطه*
بناتات تذكرت شي وايد بيفيدكم وبيساعد تزيدون وزن بسرعه وانا مجربتنه و فاسبوعين زدت 3 كيلو
لكن نقصتهن لان صارتلي ظروف صحيه وقطعته واحين برد عليه
اللي هو ,,بوودرة انشوور تلقونها فالصيدليه او السوبر ماركت +حليب (طازج او نيدو)بارد + موز (مرات احط تفاح مع الموز)
وتقدرون تشربون الانشور مع الحليب بروحه لكن عشان التغيير سوولكم ع شكل ميلك شيك

المزيد من آخر المواضيع من نفس القسم:

**Gal Girl** · 2010-08-10, 01:22

خذت خاشوقتين وشربت لبن
احس الطعم غريب وكنت مثقله ع العشى فبالعافيه بلعته
لكن ان شاء الله بتعود

**نبض الحزن** · 2010-08-10, 04:23

ممم والله اتشاور يمكن اجربها
يبالي 5 كيلو بس

**Gal Girl** · 2010-08-10, 12:26

تسلميين ع المرور =)
جربيها اذا مافادت مابتضرج لانها طبيعيه
وقريت انه وحده زادت 6 او7 كيلو ف شهر
انا صراحه محتاجه اكثر بعد هههههه بس يلا نجرب وربي يعين

**بنت البديه** · 2010-08-10, 15:16

انا بعد بشارك وياكم ابغي ازيد 7 كيلو
طول 157
الوزن 43
الهدف الأول : 4 كيلو
الهدف الثاني : 3 كيلو

**Gal Girl** · 2010-08-10, 15:44

حيااااج
خذي المكونات وزهبي الخلطه و كل اسبوع نقيس الوزن وان شاء الله نزيد
وحتى لو ماازدنا خلال اسبوع وايد لكن يمكن تلاحظين تطلع لج خدود والا ثيابج شوي بدت تصك عليج
=) يلا شدووو حيلكم معايه

**bellegirl** · 2010-08-10, 16:24

**bano0ota pink** · 2010-08-10, 17:03

في حد هني زقر أرشق عقوووله فالعالم<<<ماخذه في عمرها مقلب خخخخ

بالتوفيق بنات و ان شا الله انتو تمتنون وانا أضعف خخخ

**Gal Girl** · 2010-08-10, 18:43

المشاركة الأصلية كتبت بواسطة bano0ota pink

في حد هني زقر أرشق عقوووله فالعالم<<<ماخذه في عمرها مقلب خخخخ

بالتوفيق بنات و ان شا الله انتو تمتنون وانا أضعف خخخ

ههههههه تسلمين ع المرور
خلاص الوزن لي ماتبينه بنسحبه منج بآبار وبنقله فيني ههههه

**Gal Girl** · 2010-08-10, 18:45

بنوتات منو جرب حليب ابو قوس مع عصير المنجا ؟ كيف طعمه !
اهم شي الطعم هههههه
احيد دناو هو يكون عصير مع حليب ,, ينفع نشربه بداله؟

,,

وعشان تمتنون لا تنسون تاكلون كل شوي لازم تزيدون الوجبات اذا ماقدرتو تاكلون اكثر فنفس الوجبه اكثر من قبل
يعني بدال 3 مرات كلو 6 مرات

**$مزون$** · 2010-08-10, 19:06

أاحسه ثجيل عالمعدة ×.O

ماشي غير حليب الموز ( موز + عسل + فانييلاا+ حليب فرش)

صدق الموز يفتح الشهية =)

**Gal Girl** · 2010-08-10, 19:15

المشاركة الأصلية كتبت بواسطة $مزون$

أاحسه ثجيل عالمعدة ×.O

ماشي غير حليب الموز ( موز + عسل + فانييلاا+ حليب فرش)

صدق الموز يفتح الشهية =)

يسلمونيشن ع المروور

بس كيف فانيلا ؟سايله؟ والا البودره؟

**Gal Girl** · 2010-08-10, 19:16

جربت احط الطحينيه ف توست و طعمه اوكي < يعني في حال حد ماتحمل ياكلها بروحها

**$مزون$** · 2010-08-10, 21:43

gal girl

فانيلا سايلة

**Gal Girl** · 2010-08-10, 22:34

المشاركة الأصلية كتبت بواسطة $مزون$

gal girl

فانيلا سايلة

تسلمين ^^
بنجرب ليش لا
المهم شي طبيعي وصحي =)

الموضوع: نداء الى عصقولات العالم !

أدوات الموضوع

عرض

نداء الى عصقولات العالم !

المزيد من آخر المواضيع من نفس القسم:

المواضيع المتشابهه

عصقولات المنتدى

لاااا عصـــــاقل بعد اليـــــــــــــــــــــوم !! ! ! ! ! حيـــــاكن عصقولات

كلولولولولولوووووش يا عصقولات تعالن حصلت لكن الحل

نداء هام وعاجل وخطير لكل البنات والماكيرات وغير الماكيرات والعرايس وكل العالم

نداء عاجل الى كل دبدوبات العالم ((( عرفت سر خطييير والله )))