مشكله بنت معانا..اكره العلاقه الزوجيه معاه......13

**اناناسة** · 2010-07-17, 13:07

حبايبي

كما تعرفون كل ما توصلني رساله بمعدل 3 يوميا مب اكثر انشر مشاكل الاخوات

اللي ما يقدرون بنفسهم يكتبونها بسبب معرفه اهاليهم بنيك نيماتهم

..

كل اللي عليكم ترسلونلي مشكلتكم و بنشرها بدون ذكر الاسم...

يعني المشاكل مشاكل البنات و مب مشاكلي

و اللي يراسلوني على الخاص لحل المشاكل الرجاء قبل ما تراسلوني

تقرؤون هالموضوع

عندج مشكله ما تقدرين تكتبيه على العام و تخافين اهلج يعرفونج؟مالج الا تدشين هني ..

http://forum.uaewomen.net/showthread.php?t=754729

المزيد من آخر المواضيع من نفس القسم:

**قطوه متوحشه** · 2010-07-17, 13:25

ان شاء الله المتزوجات بيفيدونج

**وردة الجاردينيا** · 2010-07-17, 13:33

الله يفرج همج

**سوارة** · 2010-07-17, 13:33

ان شاءالله اصحاب الخبره يساعدوها

**ro0o0osa** · 2010-07-17, 13:37

انا مره سمعت شيخ عند الدكتور خليفة السويدي يقووول نفس اعراضج اذا صارت معناتها هالشي مب طبيعي

ان موضوع عين ولا حسد ويمكن يكون مسويلكم سحر تفرقه بين الزوجين

لان هالشي بينكم مب طبيعي وصداع دليل بعد لهالشي

هذا والله أعلم

**سر حياتي** · 2010-07-17, 13:45

ان شاء الله الخوات يساعدونج..

**نـور** · 2010-07-17, 13:49

اختي صلي استخيري وحرام الي تسوينه فيه كل ريال جي واحنا خلاص نتعود اغلبية الريايل مزاجيين وكل شي ينعق عليناا يعني شنسوي الله كريم ...

يعني الحين يوم يباج ماتبينه راجعي نفسج حتى لو كانت مكسوره من الداخل قولي الله كريم عشان الطيبه الي بقت في قلبه وعشان الصغاريه والله كريم حبيبتي ...

استعيني بالله دوم

***عواش*** · 2010-07-17, 13:51

قلتي كان يحبج شو اللي غيره

ماحاولتي تسالين مطوع او شي عن حالتكم

يمكن عين حسد شس من هالقبيل

ودامه تغيرر حاولي تتغيرين

**اللآلئ** · 2010-07-17, 14:03

انا اتوقعت بعد حســــــــد ..
اللي يصير لج عين و حسد ..
لكن اللي يسويه ريلج غلطـ بصراحه ..
احس مثل ما هو ضيج عليج الله ضيج عليه ..
و كما تدين تدان و الجزاء من جنس العمل ^^
المفروض ما كان يشد عليج واايد ..سبحان الله مثل ما حرمج من الشي اللي تحبينه انحرم من الشي اللي يحبه ..
كثر الدق يفج اللحاام الله يهديه ريلج فاهم الحياه الزوجيه غلط ..
الله يعينج اختي و يصبرج ..

**ماطعت اضعف** · 2010-07-17, 14:07

صح انا مب مزوجه ولكن اختي شوفي انتي في نعمه هالشي اللي تحسينه من الاشيا السلبيه اللي تحسينها كل الناس فيها عيوب وانتي ريلج في جانب ايجابيات حلوه انتي قلتيها وتتمناها وايدات مالحريم اصبري ع ريلج وقبل اي شي حاولي تهدين نفسج بأ شيا تحبينها مثل عشى رومنسي او اي شو تحبينه ولا تنسين الاستغفار والدعا لريلج لاتضيعين ريلج وتندمين عقب الله يوفقج وييسر امرج

**زلال2008** · 2010-07-17, 14:12

والله ماعندي فكره الغلا بس حاولي تسيرين عند مطووع يقرى عليج والله يهدي النفووس ^^

**الماركه شما** · 2010-07-17, 14:32

عليج بالأذكار اليوميه وربي بيحفظج بس صدقيني أنا مب أول مره اسمع مثل هالقصص أزواج وزجات غيرج يعيشون

هالحياة بس لا لليأس حبوبه أنت مب عارفه كم باجي من عمرج عيشي حياتج طبيعيه لا تخلي كل همج ريلج فكري

بنفسج وأسعادها بأي طريقه عزايم مع الأهل جمعات مع صديقاتج طلعات مع زوجج لقضاء أمورج يعني القصد منه

تشترين أغراض لنفسج .. ممكن تتعرفين على بنات ع المسن وتمضين الوقت وياهم أو تجهزين أي شي للبيت من

طبخ أو تلعبين مع عيالج __ أما ريلج أقولج أدلعي عليه قولي له كم من كلمه مره جيه ومره جيه ودزي له مسجات

فيها شجون بس مب عاديه لا أكتبيها بأيدج مره ومره من الي عندج ,, وخبريه أنج تحبينه بس تكرهين أسلوبه في

التعامل وياج لو تكتبين له مسج وتبينين كل الي بخاطرج أو رساله وأنت سايره زياره في بيت أهلج صدقيني بيحط

الموضوع فباله ولو نسى مره بيتذكر ان هالأسلوب ينفرج منه,, ربي يسر أمرج ويهدي زوجج وأزواج المسلمين

اللهم ااااااااااااااامين وكل عام وأنت بخير..

الغاليه عليج بالصدقه وكثرت الأستغفار ما تتصورين شوف بتحسين فيه الدنيا كلها بتتغير وعليج بأحسن وأغلى

صديق القران الكريم أقري قدر ما تقدرين صدقيني ربي بيكون وياج أدعي الغاليه ربي يسر أمورج وياه ,,

بالتووووووفيق يارب,,

**بـقـايا حـلمـ** · 2010-07-17, 14:32

الله يكون في عونج يا رب يا أختي
وأن شاء الله البنات ما بيقصرن وياج~

**الزيدية** · 2010-07-17, 15:08

اتوقع احساسج السلبي نابع من تراكمات قديمة في مواقف سابقة من جهة زوجج..

يعني بالعامية (عافه الخاطر)..

تقولين ماتبين تطلقين لأنه مالج غيره.. انزين ليش ماتحافظين عليه مادام مالج غيره!!

ليش ماتكسبينه.. ؟؟ ليش تتنازلين عنه لوحده ثانية؟؟.. تتوقعين عقب وضعج بيكون أحسن؟؟

ابداً ماراح يكون أحسن.. لأنه لازم يعدل بينكن.. يعني لو فكرتي اتردينه بعدين مالج إلا (نص اهتمامه)..

أول شي.. صفي قلبج وانسي الماضي وسامحيه.. وادعي ربج انه يآلف بين قلبج وقلبه..

وابدي معاه صفحة يديدة.. بيضة..

لاتجادلينه ولا تعلين صوتج عليه مهما صار..

لما يعصب.. اسمعيه وعقب قولي.. حاضر على هالخشم يالغالي..

هو بيستحي على دمه من ردة فعلج الراقية هذي..

وفي نفس الوقت بتكسرين بليس اللي يبا يفرق بينكم..

وشغلي الرقية الشرعية في البيت عندج..

انتي مافيج شي.. وريلج ايحبج لكنه مفتقد اهتمامج..

ارجعي اهتمي به.. وبوسيه ع راسه كل يوم.. واطلبي منه السماح..

هذا رأيي .. والسموحه..

**Ro7 AlRo7** · 2010-07-17, 15:19

انا ويا اختي نور

وعليج بالدعااااء والاستغفار

ربي يفرج همج ويبعد عنج كل شر

الموضوع: مشكله بنت معانا..اكره العلاقه الزوجيه معاه......13

أدوات الموضوع

عرض

مشكله بنت معانا..اكره العلاقه الزوجيه معاه......13

المزيد من آخر المواضيع من نفس القسم:

المواضيع المتشابهه

Hymen gel ... جل للتضييق قبل العلاقه الزوجيه***

هل العلاقه الزوجيه تتذبذب ؟

مشكله بنت معانا ....زوجي ما يطيق العلاقه الزوجيه معايه حتى بالحبه السحريه...16

احياء العلاقه الزوجيه من أفكاري ^ــ^

محرمات العلاقه الزوجيه