تصوير الجنين بالسونار

[bent eljassim]

السلام عليكم ورحمة الله

بنات أنا عندي استفسار .
هل كثرة التصوير بالسونار يؤثر على الجنين؟ يعني إذا كنت متابعه في أكثر من عيادة؟
وهل من الضروري ان يتم تصوير الجنين كل شهر وأخذ قياسات الرأس والايد وإلفخد وغيره
بالتفصيل ولا تكفي معرفة وزنه وحجم رأسه ؟
البارحه رحت العيادة والدكتورة ع السريع جيكت ع وزنه وخذت قياس الرأس بالسونار
كأنها مستعيله وصابني وسواس من حزتها لأني كل مرة أروح يجيكون ع
كل شيء حتى نبضات القلب والحبل السري بس هالمرة قسم الأشعه مخلصين دوامهم
فالدكتورة جيكتلي عندها.

يزاكن الله خير والله يسهل عليكن الحمل والولادة ويعطيكن الذرية الصالحة ان شا الله

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دندوشـــه]

ما اعتقد فديتج انه يأثر . . .
ربي يسهل عليييج ولادتج ^^

[bent eljassim]

تسلمين دندوشه وعسى ربي يسهل عليج وتربين بالسلامة ان شا الله

[bent eljassim]

كل هالزيارات ولا وحده ردت !!!

[^%سمر%^]

ربي يسرلكن ولاداتكن و أموركن و يحفظلكن بيبياتكن و عيالكن ...

[بنت-المها]

في حملي الأولي كنت أسوي أثر من مرة فالشهر لين الشهر الخامس مرة فالشهر و انشالله ما يأتر و الدكتورة كانت تاخد كل القياسات و تسجلهم عندها

[سيمباتيك]

ضحكتيني جنج آنا اول 3 اشهر كل اسبوعين اسوي سونار بس سألت يقولون عادي

[عذاري1975]

حبيبتي السونار الدكتورة قالت لي ما يأثر عادي بس اللي يخلي البيبي شوي يخاف جهاز سماع صوت ضربات القلب لأنه ذبذبات الصوت اتييي فجأة على الجنين وتزيغه وممكن ينجز شوي حتى انا كل مرة اسير لها ما طيع تسويه وتكتفي بالسونار بس وتقولي كل شي عن طريقه وبس... ان شاالله أكون أفدتج بشي؟؟؟؟

[روح مهاري]

قالوا لي عادي .. لانج ما تعرضين البيبي لفترة طويلة للسونار... حتى اني سألت شخص في مركز خاص بتشخيص الاجنة قال لي وااااايد عادي انا استغرب من الناس الي يقولون انه يضر بالعكس عادي ..
اما بخصوص نبضات قلب البيبي مثل ما قالت الاخت عذاري دكتورتي قالت لي مب زين تسمعينه وايد .. تقول احنا ما نسويه اساسا الا في نهاية السابع و مب كل مرة .. لان تقدرين تشوفين القلب ينبض بدون ما تسمعينه

[دلــع]

هذا حملي الاول و بصرااحه من حملت و انا الا اصور

خخخخ ما اقدر احس ارتااح يوم اشووفه فديت عيوونه

و لا ما سدني على السابع رحت و سويت تصوير 3D
ياني فظوول ابا اعرف يشابه منو

انشااالله ما يأثر

[bent eljassim]

ربي يطمن قلوبكن دنيا وآخرة ويسهل عليكن الحمل والولادة يا رب
الحمدلله ريحتوا قلبي
أعوذ بالله من الشيطان الرجيم

[عنود - الريف]

حبيبتي ما ياثر على الجنين

اللّـه يتمم حملج على خير


ويرزق كل وحده محرومه بذريه الصالحه

[وفية حق زوجي]

الصراحة ما أدري بس اللي أسمع عنه انه مب زين وايد .. خلج ف عيادة وحدة وبس وشيكي كل أسبوعين أو كل شهر مرة .. بس مب لازم كل مرة ياخذون القياسات .. بس تشوف كل مرة جسمه تكون ؟ أو حجم راس البيبي ؟ أو جسمه زين وإلا لا ؟ نلعب وياه شوي بعد .. اهم شي بالسالفة كلها هذا ..
الله يوفقج حبوبة .. ويسهل عليج انشالله