خواتي رفع الله قدر من تساعدني وحرمت يمينها ع النار

[عداري]

السلام عليكم خواتي

خواتي عندي مشكلة وابي لها حل وابي الحل الي ينهي المشكلة على خير
وألي يدخل يقرا ويفكر واذا كان مكاني شو بتسوي ......؟
موضوع مشكلتي وهي الغييييييييييييييييييييييييييييييييييييييييييييييي ييييييييييييرة زايدة الي مالها حد..!

حبيباتي تعرفون كل شخص يمر بمشاكل بحياته وأنا مشكلتي من كثر مأحب زوجي وأغار عليه
بس لآسف شدييييييييد انقلبت حياتي فوق تحت وصار كل تصرف اسويه غلط في عيون زوجي حتى
لوكان من أتفه الآمور وحتى لو هو غلطان بحقي
يابنات ماصار يحترمني وأطوفله أمور ماتعجبني وصاير يضغط علي بكلامه
ان الحين ببيت اهلي لآني تعبانه كنت حامل والحمل ماكتمل وسبة هاي المشاكل قبل شوي اتصلت فيه ابغي أطمن عليه لآنه مسافر وأنا أتكلم معاه ومتعمدة أني أطول في المكالمة والآخ يبي يسكر عني بسرعة وأنا بعدني اتكلم معاه سكر عليا الخط ورديت اتصلت فيه مرة مرتين مارد المهم انا حرقت تليفونه ويوم رد علي تكلم معاي بطريقة مو حلوة بحقي وقالي خلاص انا بحط تليفون ع جنب وانتي خليكي ع الخط وفعلا ترك تليفون وخلاني انا ع الخط وسكرت ورديت اتصلت فيه ومارد علي ااااااااااااااااااه يالقهر حسبية الله عليه يبي يقتلني قبل وقتي ..... كل هذا يسويه فيني لآني احبه وأغار عليه وظاهر هالغيرة بتذمرني وبتخرب بيتي وبيت عيالي .. لآنه كذا مرة أتزعلنا وسبه الغيرة الي مالها حد
من 4 اسابع كنا مسافرين مع بعض ويوم دقله حرمته على طول يرد عليها ويتكلم معها جدامي من غير مايراعي مشاعري للعلم انا الحرمة ثانية لان ماحصل نصيب اكون انا اولى لعدة اسباب
والله ياخواتي ان زوجي ماكان جدي معاي احس انه مسحور وماصار طيقني وسبة هالغيرة
واحس ان حرمته واااااااااااايد ترتعبه
خواتي ألي قاهرني أنه وااااااااااااااااايد اتغير علي وفي يوم قالي خلاص نحنا ماصار لنا قعدة مع بعض وتميت أترجاااااااه وأبكي وكانت شروطه اني لازم اتغير وماأغار عليه ولازم أثيق فيه ومأزل بلساني لآني كل ما اعصب أغلط عليه وأقوله ماحد بيعرفلك غير فلانة والله انها مشيتنك ع صراط المستقيم اقصد زوجته وفعلا خواتي والله اني ماكذب عليكم

خواتي والله احس اني فقدت شخصيتي لآني فعلا ماصارت عندي شخصية جدامه حتى لو غلط بحقي ومستحيل يجي عندي ويقول لي انا أسف لو امووووووووت ... انا الي دوم اتنازل عن كرامتي وأراضيه وكلمة اسفة دوم ع لساني وصار يضغط علي بكلامه وتصروفاته لدرجة انه ماصار يحترمني
ولا حاس فيني والله ياخواتي كل ماحاولت أطنش وانسى موضوع الغيرة احس بنار في صدري
تأكل فيني والله والله اني مومقصرة معاه باي شي البس واتكشخ واتعطر وبيتي دوم نظيف وهذا شي بشهادته هو والجميع بس لآسف شديد المشكلة مو هني مشكلتي الغيرة الي موقادرة اتغلب عليه مع اني اترجيته انه يساعدني ويخليني اقاومها بس مافي فايدة على قولته هو( الشي الي بيزيد حده ينقلب ضده) والله من يوم حسيته انه هو همي الوحيد صاير يتخقق علي وعلى اتفه شي يسكر علي الخط من غير مايراعي مشاعري والله اني تعبت اسامح وتنهان كرامتي :
والله ياخواتي انا بعدني صغيرة بس ظاهر الهم بيكبرني قبل وقتي ما ني عارفة اعيش نفس ناس مرتاحة ولاني عارفة أكل اهملت نفسي في كل شي وكل تفكيري اني امووت وافتك من هالغيرة
نفسيتي زفت ومنهد حيلي
ذخيلكم خواتي أبغا اسوي تغير في حياتي الزوجية لآفضل انصحوني ولا تبخلون علي الله يجزيكم بخير عشان ماأشتت عيالي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شفى روحي s]

حبيبتي بيدج العلاج ونتي كاتبة الحل انتي لازم اتغيرين من نفسج
صدقيني الرياال اذا طنشتيه يركض وراااج الحمدالله ريلج يحبج الان ما في ريااال يستحمل لي اتسوووينه

عشان جي ليش اتغاارين عليه انا ما اقوولج لا تغاارين لا بلعكس بس بحدووووووووووووووود


يعني لا تتصلين فيه طنشيه اشووي بتقوولين ما اتقدرين في اشياااء واايد بتخليج تبتعدين عنه انشغلي بعياالج بأي شي بس المهم انج اطنشينه صدقيني برووحه بيلاحظ وبيرجعلج احسن عن قبل

حاووولي إذا كنتي اتحبينه ولا صدقيني بتخسرين كل شي بسبب غيرتج المفرطه
هذا الشيطان يقوولج ما تقدرين عشان يدمر حيااااتج بس انتي تقدرين إن شاااء الله بتتغلبين على الشيطان
وبتوودرين الغيره

[بداية لقطه]

انا كنت شراتج وكانت الغيره بتخرب بيتي بس
تلافيت الموضوع وشغلت نفسي
اشغلي نفسج عيشي حياتج وخليه يعيش حياته اختاري يا تخسرين ريلج
بسبت غيرتج يا تحتفضي فيه وتشغلي نفسج
فكري بربيعاتج اطلعي فكري بهوايه تشغلج عنه
انا عني اشغلت بالتلفزون شوي مسلسل شوي اقرا قران
شوي العب بلعبه على الكمبيوتر او على الموبايل ويمر الوقت ولا احس فيه
وتدرين الحين شاكه فيه يرمس وحده واكتشفت انه يرمس وحده بالكمبيوتر
بس ماقلتله شي ولا كاني اعرف عايشه حياتي لو قتله بتستوي مشاكل وبكون انا الخسرانه الوحيده
لانه بيشوف اني الغلطانه لاني اراقبه
بس انا ساكته وهو حاس اني اعرف ويحاول يرضيني ويكلمني بطيبه كل ها لانه خايف مني
بس ترا ان كيدهن عضيم وانا ماشيه على خطه
وربي يوفقج ويطمن قلبج وتبرد غيرتج

[دريمه]

ماادري احس انه تغير عليج منج مو من حد ثاني
باين عليج من كلامج انج وايد تغلطين عليه وانت معصبه وهالشي يخليج اطيحين من عينه
وثاني شي الغيره تراها فعلا اتزهق الواحد من حياته
والحل في ايدج مو في ايد حد ثاني

[* ام خماس *]

عزيزتي عزي نفسج ولا تركضين ورااه

الصراحه ريلج مضاايج من الغيرة الي فيج 00الحرمه لازم تثقل ومااا

تعق نفسهااا 00والغيرة مرض يدمر كل بيت اذا زااد عن حده

حبوبة حااولي وبالتدريج راح تقدرين 00واشغلي نفسج ولا تخلين

الرياال كل تفكيرج وكياانج 00والله يسعدج

[قلوب العذارى]

لا تعقين عمرج فوق ريلج وايد

خلي عندج كرامه

[عواشهـ]

نصيحه اشغلي عمرج بشي ثاني تجاره صلاه قران نصيحه و بيعتدل حالج

[عليونة]

حبيبتي الريال تفكيره وفهمه للأمور تختلف تماما عن تفكيرنا نحن الحريم
هو يفهم ويفسر الامور بطريقة عمليه..ونحن فهمنا للأمور وتفسيرنا دوم عاطفي فالاغلب...الله جي خلقنا مب بايدنا
والله له حكمه فهالشي عشان الريال والحرمه يكملون بعض لانه الصفات متناقضه مستحيل تجتمع فشخص واحد..
انتي تغارين وتحبين تطولين فالمكالمات ووايد تدقين .....كل هاذا انتي تسوينه بدافع حب
وتنتظرين منه تجاوب ..وانه يفهمها بطريقتج ويقول هي تحبني ومهتمه فيني
بس الرياييل كلهم مب بس ريلج
عنده حرمه وايد تدق= تتحكم فيني ..مب واثقة فيني ..عبالها لعاب..تأخرني عن شغلي..تحرجني جدام ربعي..متسلطه ..تبي تكون هي الريال وانا الحرمه
والريال صدقني يا اختي مايتزوج ثانيه الا ويبا الراحه عندها يعني انتي بالنسبه له مرفأ الراحه اللي يوم يتعب من تحكم وسيطرة الاولى وهي ماسكه عليه نقطة ضعف (العيال) يتركها ويلجألج
منتظر منج تفهم..تيلسون تسولفون وتضحكون مع بعض..ليله رومانسيه مثلا
بس خاب ظنه يوم انتي قمتي تسوين هالتصرفات وعلى الاغلب الاولى تسويها
فحس انه طلع من نار..لباب الجنه ويوم دش اكتشف انها نار ثانيه كان فغنى عنها
انا من رايي تبطلين اتصاللاتج لان الريال عنده شغل ييلس مع ربعه هاذا وقت مخصص لشي ثاني مب لج
ويوم ايي استقبيله بابتسامه ولا كن شي مستوي وبالكلام الزين والبيت المرتب وانتي متعدله
عشان يحس انه ياي من نار ودخل جنتج اللي هو بيتج بتشوفينه كيف كل يوم ايي يطيح عندج
يوم يشكي همومه ازريه..غيرتج الزايده لا تترجمينها باشياء يكرهها وقوليله انا اسفه بس اغار عليك بس كنت غلطانه وانا اوعدك اتغير
وغيري السالف وسولفو فاشياء تفرح..لا تتشكين من اليهال والتعب وانت ماتيي..استمري جي
مرة ومرتين وثلاث بيحس انج فعلا تغيري روحه بيشتاقلج وبيتصل لانه حس الراحه عندج وانتي بطلتي اتدقين بيشتاقلج روحه بيتصل
روحه بيي
روحه بيقولج شرايج نطلع مع بعض
من تحسين بالغيره اكتميها وابتسمي وقوليله كلمه حلوة
لانه هالطريقه الوحيدة عشان تكسبينه وتاخذينه لصفج
ابد لا تعايرينه ان فلانه متحكمه فيك وموقفتك عالصراط المستقيم...صدقيني هاذي روحها بتكرهه فيج
اهو متى مايبا يروم يطلقكن انتن الثنتين بس هو ريال مسؤول مايبا يضيع عياله
ريال سنع مثل هاذا حافظي عليه ..وبتشوفينه كيف يستوي اذا انتي تغيرتي
تقبلي مروري

[ح ـلـآوة !]

يآآختي هآ مشششكلتنآ نحن الحريم ..

الغيره اللي تنقلب شششك !!

حآذري منهآ حيآتي تحولت جحيم والسسبه هآلغيره !

كل شي بيدج آنتي .. عيشي حيآتج ولآتيلسين ترآكضين ورآه =) ..

مرده لج صصصدقيني =) .. واذا ع حرمته الثآنيه فـ هآ شي طبيعي ^_^

اهم شي يعطيج حقؤقج كآمله ولآيقصصر ويآج من آي نآحيه ..

وحآولي تششغلين عمرج بـ الصلآه تنفعين نفسسسج وبنفس الوقت

لآتحسسينه انج تركضين ورآه

[khakhou68]

حبوبه انت مشكلتج غيرتج من زوجته الاولى ، او بالاصح المقارنه

انا حرمه ثانيه مثلج ، وصار معاي نفس الشي بالسنه الاولى ، وبعدين لقيتها صار يتدايق من تصرفاتي ، ودايما اقارن ، وهذا الغلط ، احبه موت واغار عليه موت بعد ، بس قعدت مع نفسي وفكرت ، اللي اسوييه غلط ، واكيد مل من تصرفاتي ، وكان اهون عليه ان نترك بعض على ان انتم بهذي الطريقه ، لان يقصر العمر

فقررت ان اخليه على راحته ، زوجته الاولى وعياله هو حر فيهم ما لي شغل ، وما افكر باي شي يخصهم ، فليش اغار من زوجته اللي هي حلاله بالعكس .

- حطي في بالج لا مقارنه
- لا معايره
ومسكي اعصابج
وحبيه بس من دون غيره وشوفي الحياة راح تتغير 180 درجه

ولازم اتشيلي الافكار السوده اللي اتدور في بالج ، اكيد هي اللي اتحرضه ، واكيد تبى اتفرقنا ، لألألألألألألألأ الحل بايدج انت

["شموخ"]

اسمحيلي اكتبلج بكل وضوح بدايه انتي الزوجه الثانيه ؟؟؟ اوك ماختلفنا الزوجه الثانيه ليش تغار من حرمته الاولي شو السبب وانتي ياايه مب هي الي يايه عليج

المفروض الي غار هي حرمته الاولى هي رزينه اخذت الموضوع بدون مشاكل وقدر ها الشي لها

هو حاس انه حياته في خطر وياج وها الشي بيخليه يفكر مليون مره بطلاق ربي لايقدره

درسي ريلج وفهمي حياته واتبعي وياه الصمت مب ع الدخله مشاكل ومحاسبه ع الفون ومن يرمس

الريال مب ياهل عسب تحاسبيه ..فكري مليون مره برمستج وياه

...................

بيتج نظيف ومهتمه في نظافتج وميك ابج اوك شي جميل يستانس عليه

الاهم اهتمامج فيه اكله شربه لبسه وتهييه الجوء المناسب

ارفعي معنوياته كلمات بسيطه الله يعطيك العافيه

ماتقصر بدونك مانسوى شي

ربي يخليك لنا ..

ساليه عن عياله ادخلي وياه في الرمسه حتى لو مب متقبلتهم هذيلا عياله شرات ماترضينه على نفسج

ارضيه عن الناس ...
حاسبي عمرج وراجعي حساباتج ..

غضبتي وزعلتي وطار الشرر من عيونج واحترق فوادج ومحد مقدر ها الشي بيعتبره مرض يا انه يحاول يعالجج

اونه بيتخلص من ها المرض باسلووبه وانتي مابترضين ها الاسلووب وفي غناء عنه

ايلسي ع سجادتج وصلي وادعي ربج يسخر لج قلبه ولاتدعين مره ع حرمته وعياله لانها بترد لج نفس الدعوه والله مايرضي بدعوه سيئه او بقطيعه رحم

لو عندج ظروف واحتيتي لريلج وهو عند حرمته الاول وانتي متبعه ها الاسلوب 10000000000000%

مابيقصر فياج خلج ذكيه وفطينه وحبي لنفسج ماتحبينه لغيرج بدون غيره وسلبيه مالها داعي

لاتيلسين تتاسفين ع شي بيدج انتي تغيرينه دامج عنده انتي قااادره قبل لايطيح الفاس براس

وماتحصلين الا الووم والصيااح وكلمه لووووو ولووووو ولووو انا سويت ماتنفعج غيررررررررررري

تمسكي بدينج هو الاساس ارضي ربج وريلج اهتمي فيه

اشغلي نفسج بقيام الليل والدعاء وصلاه الاثنين والخميس و3 ايام من كل شهر والصدقه

احفظي من القران كل يوم وجه شغلي نفسج باهلج ربيعاتج عيالج

فعل الخير زوري عماتج خلاتج عزمي ولاتنسين اهله وعياله دخلي قلوب من حولج بالكلمه الطيبه والاحترام وشوفي حياتج بتغييييييير 1000000% وطمنيني عنج بعد ماتجربين كل الي قلته وتستمرين عليه شهرين وخبريني

نصحتج نصيحه اخت لااختها والله يفرج همج وهم المهمومين ياارب

[دانوووه]

الله يهدية حاولي تغيرين من طبعج مو اي شي يصير تطرين الاولى

[عيون المهاااا]

حبيبتي بيدج العلاج ونتي كاتبة الحل انتي لازم اتغيرين من نفسج
صدقيني الرياال اذا طنشتيه يركض وراااج الحمدالله ريلج يحبج الان ما في ريااال يستحمل لي اتسوووينه

عشان جي ليش اتغاارين عليه انا ما اقوولج لا تغاارين لا بلعكس بس بحدووووووووووووووود


يعني لا تتصلين فيه طنشيه اشووي بتقوولين ما اتقدرين في اشياااء واايد بتخليج تبتعدين عنه انشغلي بعياالج بأي شي بس المهم انج اطنشينه صدقيني برووحه بيلاحظ وبيرجعلج احسن عن قبل

حاووولي إذا كنتي اتحبينه ولا صدقيني بتخسرين كل شي بسبب غيرتج المفرطه
هذا الشيطان يقوولج ما تقدرين عشان يدمر حيااااتج بس انتي تقدرين إن شاااء الله بتتغلبين على الشيطان
وبتوودرين الغيره

وياها فهالكلام

[أميرة البيت]

خليج واثقة من نفسج لأن الغيرة الزايدة سببها قلة الثقة بالنفس
خلي الريال يشتاق لج بمعنى ابتعدي عنه شوي ولا تكوني لصقه ونكدية عشان لايطفر منج والله يسعدكم ^_^
مول لا تعايرينه بزوجته ولا تقولي له إنه يخاف منها عيب بحقه وبرجولته،،،

[Ro7 AlRo7]

حبيبتي حتى لو تغارين عليه لا تبينيله هالشي وايد لانه شفتي شو استوا وصدق يوم قالج الشي يوم يزيد عن حده ينقلب ضده

هو يوم حسستينه انج وايد تحبينه وتموتين فيه وتغارين عليه زياده عن اللزوم تغير عليج وانتي اللي خليتيه يشوف عمره عليج

وانتي كيف تسمحيله انه يسكر التيلفون ع ويهج؟ لا وبعد تردين تتصليبه؟ خلج قويه وبينيله ان عندج شخصيه وانتي ماتشتغلين عنده عشان يبند ع ويهج

صح انه ريلج بس موول مش من حقه يبند ع ويهج

الله يهديه وانتي غيري من حالج واشغلي عمرج ب أي شي ثاني وتقربي من ربج ادعيه دوم واقري قران واكثري من الصلاه والله يعينج ويوفقج الغلا