البشاير الخاصة أو الامارات الوطنية

**little girl** · 2010-04-12, 19:35

هلا خواتي ...
بدش فالموضوع ع طول مثل ماتشوفون العنوان انا محتارة بين هالمدرستين ... عيال اخويه يدرسون فالبشاير ... وهي مدرسة زينة بس عيبها الانجليزي مب لين هناك .... غالبية المدرسات من جنسية واحدة *سوريات* بس الكل متحجبات ما شاء الله ... وبالمقابل تقريبا 90% من الطلاب من هالجنسية او شوام .. فعيال اخوية اندمجوا وياهم لدرجة ان رمستهم قلبت على الشامي ... طبعا مع احترامي للجميع انا حابة عيالي يختلطون مع اليهال المواطنين ... وسمعت ان الامارات الوطنية فيها نسبة زينة من والانجلش عندهم بعد احسن طالما المدرسات اجانب.
ياريت اللي عندها معلومات عن هالمدرستين تساعدني على اتخاذ القرار ... وين احطي عيالي بالضبط.

المزيد من آخر المواضيع من نفس القسم:

**هند سلطان** · 2010-04-12, 22:24

للرفع

**نورحور** · 2010-04-13, 01:21

الامارات الوطنيه..............................وبس

**munamoor** · 2010-04-13, 01:24

البشاير قوية في الدين ووايد

اما باجي المدارس بالنسبة للدين هب قوية

بس بالانجليزي قوية هالي اقدر اقول لج اياه

بنت اخوي بالبشاير ما شاء الله عليها تلاوة ولا اروع

**بطوه** · 2010-04-13, 11:23

ولدي في البشاير
حالياً هو في الكي جي ون..واشوف ان الانجليزي اللي يعطونه اياه مناسب لمرحلته..ماشاء الله تعلم وايد كلمات انجلش..وعلى فكرة ولدي كان يفكر المس مالت الانجلش اجنبية، من كثر ماتتكلم انجليزي وياهم،

وبالنسبة للدين ماعليهم كلام،يحفظونهم سور واحاديث وادعية

أما عن الجنسية، في صف ولدي تقريباً كلهم مواطنين، يوم يخبرني عن ربعه يقولي فلان الحوسني، وفلان الهاجري وفلان المسكري...وغيره يعني اعرف انهم مواطنين، ولين الحين ماسمعته يتكلم شامي،

من وجهة نظري واللي اظنه ان الطلاب في المراحل الاعدادية والثانوية في مدرسة البشاير اكثرهم شاميين ، أما المراحل الروضة والابتدائي فيها وايد مواطنين، لان المدرسة صارت معروفة اكثر عن قبل وبدوا المواطنين يسجلون عيالهم فيها (مب اكيد بس هاللي اتوقعه..حتى قبل ما تسألين)

اسمحيلي طولت عليج، بس حبيت اساعدج واوضحلج من واقع تجربتي القصيرة مع المدرسة.. وما اقدر اتفلسف واقارنها بمدارس ثانية، لان هذا ولدي الاول اللي يدش المدرسة، فما عندي تجارب مع مدارس ثانية
وان شاء الله البنات يفيدونج اكثر..واستخيري احسن
وبالتوفيق

**Zary** · 2010-04-13, 11:29

عيال اختي في الامارات و مستواهم وايد زين بس يباله اختي متابعة وتدريس و هذا اللي تسويه اختي وهم من الاوائل و الاكثرية في الفصل وافدين شطار و اخلاقهم عالية

**بنت الطموح** · 2010-04-13, 13:41

للـــــرفـــــــــــــــع

**لــورا** · 2010-04-13, 15:37

المدرستين ماعليهم كلام

البشاير قوية في التعليم
الامارات الوطنية بعد قوية لكن يبالها متابعة لان اوراق عمل ماعندهم كتب يتمن في المدرسة ماتقدرين ادرسين الولد بالكتاب بس اوراق
وانا عني لوخيروني بين الامارات والبشاير من حيث التدريس البشاير لانها قوية
الامارات محتاجة متابعة اول باول ومبنى المدرسة ممتاز اما البشاير فلا

وانتي اختاري لكن نصيحة مني مدرسة الاتحاد اللى في خليفة

**ام نونه@** · 2010-04-13, 22:58

عيالي ال3 في البشائروان شاالله اختهم السنه اليايه بتدخل وياهم
صراحه راضيه عن تدريسهم وايد..الانجليزي والدين مهتمين فيهم
وصدقج المدرسات كلهن سوريات بس الحق ينقال هم احسن ناس في التدريس
وشي عندهم مواطنين
والبشائر مهتمين واااايد بسلامة الطلاب اهم شي بالنسبه لي

**uae13122** · 2010-04-14, 08:54

الموضوع: البشاير الخاصة أو الامارات الوطنية

أدوات الموضوع

عرض

البشاير الخاصة أو الامارات الوطنية

المزيد من آخر المواضيع من نفس القسم:

المواضيع المتشابهه

مدرسة الامارات الوطنية الخاصة

مدرسة الامارات الوطنية الخاصة

امتحان بخصوص مدرسة الامارات الوطنية الخاصة بدا

احسن معلمة kg1 في مدرس الامارات الوطنية الخاصة