يحليله المعرس ....لالالالالالالا مايستاهل ولد البلاااااااااااااااااااد

[ميثانو]

شوفو المعرس المواطن حليله كيف حسبته لما يعرس


شبكة العروس مع الساعه والدبله ام العروس ماتبغي بلجيكي تبغي الماس حر يطلع..... 100000

عشاء الحريم والصبابات وصياني الحلاوه والعود والعطور والهدايا ..... 50000

ويمكن تبى للفستان والورد اللي في الصاله او يمكن تبى في القاعه شرات وحده من اهلها 50000

ولاينسى 20000 للمقدم


حليله بعده ماعرس وغط بدين 220000 الف درهم


العرس ... والظربه الكبيره عاد ...

مهرها على حسب .... 100000 او 80000

القاعه والعشاء 100000 ان تبى في فندق 6 ستار مع عشاء الرياييل

وبعد الصبابات 10000

والعود والعطور 10000

المطربه 25000

الكوشه 30000

الكروت وبطايق الدعوه 15000

المصوره مع الالبوم 10000 او 7000


يعني يحليله المواطن لما يطلب الزواج من مواطنه

ينمص دمه حليله

يعني اهل العروس مايفكرون فيه ابدا هل عنده او انه حراام انه يتسلف من البنوك

او يمكن يبني بيت العمر

ماطلب غير الستر وويكمل نص دينه ماطلب بنت شهبندر التجار

البنت الستيره واللي شايفه خير قنوعه وتعرف تتصرف في الوطر اللي كل شي غلا فيه

فشو حال هالشاب اللي غرق بالديون

يعني كل شي بالعقل

حرام هالخسر

يعني اللي بتسير ورا المظاهر وارضاء الناس بتتعب

ترضي ربها وشريك حياتها

عرس فنان مرتب وباقي البيزات اخليهم في شي اسمه حياه ثانيه بعد العرس

حياه الواحد مايعرف متطلباتها

يعني رجاااء حار روفوا بالشباب شويه ومن الطلبات

لانه مو الكل ياخذ صندوق الزواج

وعاد صندوق الزواج شو يغطي على هالغلا هبابه للبوفيه للملجه الصراحه يعني

لاتزعلون من نسبة توجه الشباب لهاذيك الجهه وانتو عارفين شو اقصد

خلو دهنا في مكبتنا وخلو ولد البلاد يرتاح يشتغل ويكد واخر شي خسر حق يوم واحد اللوووووووف

ترووووووووح في يوم واحد والفايده تعم لتشهير للزواج بتبذير و ارضاء الحريم اللي مايعيبهن شي

يعني الوحده لاتفكر في نفسها بس تفكر انه يمكن اخوها ينحط في هالموقف بعد


لاتقولن يوم ماعنده ليش يعرس

عيل انا اقولكن يوم عنده مابيقصر

للاتقولن ظاهرة الزواج من اجنبيات وارتفاع نسبة الطلاق وعنوسه وغيرها

انتن السبب هب الشباب كلها حرمه مو كسرة ظهر

ويعني اللي بيشتري البنت بيشتريها باخلااقه وادبه ونزاهته مو ابيزات وتبذير علشان يبين غلااها

وسلااااااااااااااااااااااااااااااااااااااااااااااا متكم


ملاحظه : ما كنت اعرف انه في موضوع مشابه .... يعني يمكن موضوعي مكرر لكن الطرح يختلف

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[* ام خماس *]

حليله المعرس الامااراتي يعرس ويظل مديون طول عمره

لا والشبااب في الدول العربيه حاااسدينه ع النعمه

يااويل حااله لو طلعت العروس دلووووووعه وتبي ابوهاا وتبي امهااا

بس الحلول البديله وااايدة صح؟؟؟؟؟؟

[اهلين و سهلين]

صدقتي لو كل وحدة تفكر ف اخوها ما بترضى على ريلها

[نف الرهايم]

صح السانج يا ختيه......فعلااااااا كل وحده تحط نفسها مكان ام المعرس والا اخته والا شو يكون من قرابتهم.....ترضون.

اختربت التركيبه السكانيه بسبب هالظواهر السلبيه.

المواطنه تتزوج الوافد عقب ما تضيع سنوات العمر وحتى العيال اللي بتيبهم ما يعرفون لمنوه ينتمون...؟؟؟؟؟؟

والمواطن يآخذ اللي ترضى بالقليل... ولو غرفه فوق سطح وحده من البنايات الآيله للسقوط...هذي في البدايه...وعقبها جنسيه وفيلا وسيارات وخدم وحشم وبيوت في بلادها ويصبح المواطن على حصير الفقر وبين نارين نار العيال وامهم والانتماء للوطن.

خلاااااص يكفي لازم نتكاتف ونطلب من الحكومه اصدار قانون موحد للمهور....وبسكن من الخقّه والفشره......اشتروا الريّال...

وكل ما اشوف ولد يرانا اللي فكّر فالزواج وانرفض بسبب فقره...راح خذ فلبينيه يابت 7 في 8 سنين وكلهم مواطنين لكن الشكل فوتوكوبي من الام...والله حرام ..

ميثانو موضوعج يقهر خاصه للي مثلي مواطنه حتى النخاااااع..

[جمر بارد]

اسعار وايد مبالغ فيها

[Al 3aNiDa]

يوم يطلبوون هالطلباااااات لبنتهم عاااااادي

ويوم يخطبوون لولدهم ويقولوون طلبااتهم

يقووووووووووولون ما عندنااااااااااااا من ويييييين لناااااا ههههه

الله يعيينهم

[زم_قمر_ان]

الله المستعان

كثرة العنوووسه!!!!

وكثر الزنا !!!! كثرة المشاكل الزوجيه

ولكن الى اين ؟؟؟؟؟؟؟؟؟؟

[جنون راك]

المشكلة فينا نحن ،،
دوم نقول وين نودي ويهنا عن العرب وشو بيقولون عنا لو سوينا العرس عادي وبسيط؟
نحن دوم البنات نبا الأحسن ونقول "مب هو ريال؟"
غلطة الريال انه طلبالستر من بنت بتكسر ظهره بالديون
وعقب العرس تقول البنت "ابا سيارة آخر موديل ولا أبا طقم وفستان و..و..و..و.."
مانحاتي غير جمالنا وعمارنا وراحتنا ،،
شوفيها لو نضغط على عمارنا ونلبس نفس الفستان 3 مرات والذهب نلبسه من بين كل عرس وحفلة ،ن
شوفيها لو نعيش مع أهل الريال لين ما تخف ديونه؟
شوفيها لو نتغاضى عن بعض المصاريف؟ قاعة وصبابات و هدايا و ماعرف شو...

[الرحيق]

لاااا والمشكلة الاكبر ان الاغلب اذا مو الكل يقولون ..

شو فيها خله يتسلف ترى الكل قبله تسلفوا وسددوا للبنوك ..

يعني شو فيها كلها 7 ولا 10 سنوات وبتخلص السلفيه ...

وما يمديها تقرب تخلص الا الحبيبة ملت تبيلها بيت او بالاصح فيلااا ...

فلانة مو احسن منها عندها فيلا وهي تقعد بملحق ولا شقه

واااااعلياااااا عليكم يالشباب <<<< وحدة عندها اولاد وتفكر فيهم من الحين

[ميثانو]

بجد يعني

وياليت البعض على خسر الريال بتصبر عليه

على ادناة شي ولا مشكله طلبت الطلاااق

الله الله الله وهذا اللي ماخلى سلفيه وصبر وركب على عمره ديون علشان خاطر بنت شهبندر التجار

في يوم وليله تنسى ريلها

[nayla79]

امممممممممممه..........عورني قلبي على هالفلوس...

[بنت 22]

لا وبعد نقول عنسنا ومحد خذنا من هاطلبات اللي مالها داعي الصراحه
الله يهدي اليميع

[طآلبة جآمعية]

ذليتونا ويا هالمواضيع ..

كم وحدة كاتبة موضوع عن نفس السالفة ؟؟؟

قلنالكم ترا الحريم مب شرات قبل .. الحين ماشي واييد شروووط مثل اول .. الحرمة الحين تدور الستر .. وقام الريال هو اللي يتشرط ويبغي حرمة تشتغل عشان تصرف وياه !! وتسكن في بيت اهله ويتزوج عليها وتسكت !!

الحين يمكن اقل من 10 % هم اللي يطلبون هالطلبات التافهة التعجيزية !

[اسمهايت]

معاج حق والله كم نسمع عن شباب الى ماخذ من دول اسيويه او عربيه !!!!
ويوم نسال ليش ما تاخذ من بلدك يقول انرفضت لان امى مو مواطنه او لانى اشتغل في المكان الفلانى او لان حالتى على قدي
الله المستعان!!!!

[ميثانو]

يعني ليش هالتبذير

خلنا نبتكر شي يديد على ساحة الخليج العربي