أخ عليك يا ولد بلادي أخ

**جنون راك** · 2010-03-18, 20:44

السلام عليكم...!!

قبل كل شي [ ما قصدي اهين هالجنسية بس مقهورة من الحاصل ،، وبصراحه في حريم من هالجنسية والنعم فيها ]>> عشان محد يضاربني

يلا ببدأ ،، أختي الصغيرة تداوم في شرطة المطار ،، ياها المسؤول وقال لها : سيري المكتب الفلاني بتلاقين موقوفة ،،

المهم أختي توكلت ع الله وطبعا بضرابة سايرة تعرفون ليش؟ لآنها توها تشرب النسكافيه مالها > غمضتني خرب عليها المسؤول لذة النسكافيه هع هع

المهم ،، سارت المكتب وشلت الموقوفات ،، ،،المهم سارت و خذتها للمكتب المطلوبين له ،،

وصلن هناك ،، تمت أختي برع المكتب ولا عينها تطيح ع إثنين مواطنين ،، يطالعون أختي وكأنها شحاته ولا شي ،، المهم أختي كالعادة طااااف ولا بتسوي له ألف سالفة و سالفة ،،

المهم عقب الضابط الي في المكتب قال لل(****) وين إلي كافلنج من القضية ؟؟
أختي بطلت عينها [ قضية ؟؟؟.. ليش شو السالفة ؟؟؟ ] ...
المهم،، انها طلعت راعية سوابق ،، عليها قضية (دعارة) ،،

المهم،، قالت (****) : هادا زوجي يا ضابط ،، بطلت أختي عينها عدل هالمرة ع المواطن إلي كان يطالعها،، تقول واحد توه الشنب يطلع له،، توه الشنب يقول بسم الله الرحمن الرحيم،،

سار الولد للضابط وقاله : نعم انا زوجها و جوازها عندي و تم يرمس الضابط ،، أختي تقول طاااااحووو عيال البلاد من عيني صج × صج ...

المشكلة مب جي وبس ،، الضابط يسأل الولد يقوله : أنت تعرف القضية إلي عليها؟
يقول الولد وكأنه مغماي عليه : هيه أعرف ، أذونا في هالقضية يا ريااااال،، والله ما تسوى..

والله ماتسوى؟؟ أويه؟؟ شرف مرتك مالت عليك ،، شرفك ،، عرضك ،، سترك وغطاك ،، والله كأنه ماخذ الامور عااااااااادي و كووووووووول بعد،،

الممهم،، عقب ما خلصوا أختي قبضت الولد وققالت له : إلا بسألك أخوي شو من القضايا عليها؟ >> إختي للحين ما تعرف السالفة ترى..
قال لها : قضية دعارة ومن متااااااااا...!!

اختي قالت له : والنعم صراحه ، فيك البركة يا بن الناس ،، فيك الخير قضية دعارة مرة وحدة؟؟

>>>> مخرج:
بغيت أقوووووول ماااااااالت ع الرياييل الي مافيهم غيرة ع حريمهم،، ومالت عليه راضي بعد ،، خس الله مذهبه إنشالله،،والله طاحو الشباب من عيني أكثر من ماهم طايحين من عيني،،

آااااااااه فيني غصة عقب ماقالت لي أختي هالسالفة و آخر شي بقوله [ أخ عليك يا ولد البلاد أخ ]

المزيد من آخر المواضيع من نفس القسم:

**شظايا الروح** · 2010-03-18, 20:47

(( اقتربت الساعة وانشق القمر ))

أسأل الله العلي العظيم أن يرزقنا توبة قبل الموت وشهادة عند الموت وجنة بعد الموت ..

الله يصلح حال هالأمة ..

**UAEGIRL08** · 2010-03-18, 20:49

لا حول ولا قوة الا بالله .

الله يهديهم شبابنا ..

تراهم ينسحبون من الطبوب اللي يسوونها البنات لهم

**حبيته بجنون** · 2010-03-18, 20:52

معقوله!!!!!

ليش الدنيا صارت جيه؟؟؟

وبعدين اكيد ها توه مراهق يعني مايعرف راسه من ريوله ويمشي ورا شهواته ورغباته

الله يستر علينا وعلى امة محمد والله يهدي شبابنا ويبعد عنهم عيال الحرام

همسة: ماريد خواتي ال(****) اللي هني يزعلون لانه راعية الموضوع ماغلطت في حق حد بس طرحت المشكله لانها تبا توصل صوتها للناس عن ولد البلاد والغلط اللي يطيح فيه من ورا هالاشكال..وبالنهايه كل اخت (***)عزيزه وشريفه نحطها على راسنا من فوق ونقدم لها كل الاحترام والتقدير لانه اصابع ايدنا ماهي سوا والدنيا فيها الزين والشين... يعني يابنات البلاد لا تبدون تغلطون في حق خواتنا
وتحولن الموضوع لساحة معركه..خذو الجانب السلبي وناقشوه على صوب بكل ادب وذوق وخلو عنكن الحساسيه الزايده...

مع الف شكر

**يحراويه** · 2010-03-18, 20:54

لا حول ولا قوة الا بالله .

**بدووره** · 2010-03-18, 20:58

لا حول ولا قوة الا بالله
تراها سالفه مثل القطره من بحر يااكثرهن هالسوالف
الله يرحمنا برحمته

**علكةفراوله** · 2010-03-18, 20:58

المشاركة الأصلية كتبت بواسطة جنون راك

يقول الولد وكأنه مغماي عليه : هيه أعرف ، أذونا في هالقضية يا ريااااال،، والله ما تسوى..

ماتسوى !!
هذا مو صااااحي مسحووور او مخدرات والمسحور حتى لو يشوف زوجته مع رجال بغرفته ولا كانه في شي

**ميميه88** · 2010-03-18, 21:01

حبيبتي منعا للمشاكل مسحي اسم جنسية الحرممه

والله يهديهم يارب

**جرحي ألييم** · 2010-03-18, 21:06

وعـآدي عنده ؟ ..

هه آخر زمن

**بقلاوه وقهوه** · 2010-03-18, 21:07

ديـــــوث

**KoKa_pharma** · 2010-03-18, 21:18

لا مسحور و لا شي ... الحرام يعمي القلب

انا عن نفسي ما احترم اي رجال يخلي زوجته بدون حجاب ... اما قضية دعارة ؟
شوفي اهله يا اختي ، اذا مربيه على اللقمة الحرام ، لازم اتكون هاي النتيجة

طبعا هذا اذاااا طلع صدك رجال ... و فهمج كفاية

**أم_سواف** · 2010-03-18, 21:21

شكله مسحووووور
مستحيل هذا التصرف من عاقل

**فتاة البحار** · 2010-03-18, 21:34

ليش تمسح إن شاء الله اسم الجنسية ؟؟؟
هذا هو الواقع وللي حاصل لا بارك الله فيهم مليون مره بعضهم يلا عسب الباجيين ما يزعلوون ..!!!
بتلقووونهم في كل مكان إللي يجتمعون فيه الرياييل المواطنيين عيال بلدنا... اول شي في المقااااهي!! وتحدى إي انسانة تقول لي هذا المقهى مافي هذي الجنسية ..؟!!
خله ساحرتنه بسحرهاااا...!! اللهم احفظ ازواجنا وابنائنا عن بنات الحرام واصدقاء السوء..

**ღcute girlღ** · 2010-03-18, 21:36

لا حول ولا قوة الا بالله ...

**دانتيلا _كيوت** · 2010-03-18, 21:38

مب كلهم الغاليه
هاي مجموعه فاسسسسسسسسده تمشى ورى ها الخاايساات

الموضوع: أخ عليك يا ولد بلادي أخ

أدوات الموضوع

عرض

أخ عليك يا ولد بلادي أخ

المزيد من آخر المواضيع من نفس القسم:

المواضيع المتشابهه

السموحه منج بنت بلادي وشكرا لك ولد بلادي

عيشي بلادي عاش اتحاد اماراتنا (( كل عام وأنتــي بخير يا بلادي ))

عاشر الناس معاشرة إن أحببتهم حنوا عليك وان مت بكوا عليك

بلادي بلادي حماك الاله شرور الزمان _قصة مؤثرة في ليلة عيد الاتحاد