ابي اكلات لكبار السن

**روعة الاحساس1** · 2007-05-12, 19:56

السلام عليكم ورحمة الله وبركاته

اشحالكم خواتي

ابي تساعدوني

ابوي ريال كبير بسن والخدامه ماتسويله الا الكستر والمهلبية والجلي

والله قلبي يعورني

قلت ممكن تساعدوني وتفيدوني بالشوربات وبعض الاغذيه المفيده له

حرام عنده القلب ومشاكل صحيه وايد وغير الربو

ومايسووله الا هذي الاطباق لدرجه انه في بعض المرات يرفض الاكل

ولاتنسو تدعوله بالشفى

المزيد من آخر المواضيع من نفس القسم:

**امواج الامارات** · 2007-05-12, 20:12

السلام عليكم ورحمة الله وبركاته

الله يشفي ابوج
انا بخبرج عن الكرون فليكس ترى حلو لكبااار السن ..وبعد اسلقى خضار (كوسه_جزر_اشوى بطاطا_واشوى عيش الين يستوى وبعدين حطيه فى الخلاط الى هو الطحانه وبعدين عطيه على شكل شوربه) تقدرين تظيفين اشوى دجاج وياه

**خـــ ـ ـ ــزامى** · 2007-05-12, 20:19

السلام عليكم ورحمة الله وبركاته.......
مرحبا أختي ، عندي أبوي العود نفس اشي بس الحمد لله ما عنده مشاكل اللهم زهايمر.
بالشكل عام الكبار في السن ما يأكلون وايد لان المعدة تتقلص عندهم ..... ربي يعطيهم الصحة والعافية
والحين بقولج بعض النصايح :-

@ أختي اعرضيه على إخصائية تغذيه ، بتحطله جدول غذائي.

@ دايمن كبار يحتاجون للالياف لانهم يتعرضون وايد للامساك ، والصراحة اشتريت بودرة من الصيدلية وصفة لي ادكتور وهي عبارة عن ألياف ، حاولي تعطين في اليوم مرة اسمه fiber clear
ملعقة كبيرة في كوب ماي .

@ وفي أختي شراب الفيتامينات اسمه ensure plus
أبوي يوم ما يأكل وايد نعطيه ايه في نسبة فيتامينات أكثر وأحسن من لحبوب بس لازم تعرضينه على دكتور ، على شان أبوج عنده القلب .

@ اختي قدميله الشوربات دايمن والعصائر وحاولي يكون اكله كله مشوي .

@ حاول تتطلعون مكان وتاكلون معها .

هذا ما عندي والسموحة منج وربي يعطيج العافية ويخليه الكم ياربي

**روعة الاحساس1** · 2007-05-12, 20:46

وعليكم السلام ورحمة الله وبركاته

تسلمين اختي امواج الامارات

مشكوووره اختي ويزاج الله خير

وان شاء الله بحاول اسويله هذي الاشياء

**روعة الاحساس1** · 2007-05-12, 20:53

وعليكم السلام ورحمة الله وبركاته

مرحبتين اختي خزامى
الله يخليلج ابوج العود ويعطيه الصحه

آآآآآآآآآآمين

اختي انا متزوجه وخواني بصراحه اذا اقترح عليهم مايتقبلو واذا انا اخذه المستشفى يزعلو وماتبقى كله مايقولوها وين بعد اوديه لاخصائيه

هو يعالج بالمستشفى بس المستشفيات ماعندهم الا انهم يحطوله لمغذي بايده وهو اكره شي عنده الابر

بالنسبه للشوربات ان شاء الله بسويله والعصاير اختي الله يخليها مامقصره كل مره تاخذله عصاير وحليب المراعي والمشاوي والله ماادري ماجربت اسويله بجرب ان شاء الله

ابوي على لفراش مايقدر يطلع مكان ومشكلته لعناد يعني حتى اذا نحطه على الكرسي المتحرك يعصب وخلينا نرجعه غرفته

تسلمين الغاليه ومشكووووووره على كل النصايح

بحاول اسوي بعض الافكار وبعد فكرة اني اطلعه برع بحاول ان شاء الله اطلعه لانه من المستشفى للغرفه حتى الصاله مايعرف شي عنها

**لحظات** · 2007-06-11, 16:49

السلام عليج الغلا..

بالنسبه لكبار السن في كل بيت بتحصلين كبير السن سواء الوالد اوالوالده..

تدرين عامليهم معاملة الاطفال

يعني الطفل اول ماياكل انسوي له الاكل وانحطه بالخلاط وياكله...

مهما كان حتى لو غداكم او عشاكم اللي تاكلونه نوعي وحطيه في الخلاط تبينه ناعم او شوي خشن على حسب الوالد ربي يطول بعمره...

والشوربه تقدرين تاخذين شوربات الماجي واتسوينها بس حطيلها ملعقتين شوفان او اكثر علشان تستوي نفس الهريسه...وتعطينه اياها...

الغاليه حتى تقدرين تعطينه البسكويت بالكريمه والكيك بالكريمه...بكميات قليله...

والسموحه منج

خويتج
لحظات

**Q8ia_100%** · 2007-06-13, 01:47

سووله خنت حيلي يريش وهريس وخثره ومضروبه وشله وهالسوالف الرخوه

سويله عيش لين ومرق خضره

قمسيله توسته بمرقه

ملحوا ريجه شوي بهالاكلات

يعني اخذي من غداكم شوي وزيدي مايه اذا ما يعلج وخليخ رخو

الله يرحم حاله ويطول بعمره

**روعة الاحساس1** · 2007-06-13, 12:42

الله يخليكم وتسلمون على كل اقراحاتكم

ان شاء الله بحاول اني اسويله بعض من الاشياء هذي

تقبلو مني كل احترام وتقدير

**V.i.L** · 2011-07-22, 15:49

انا ابي شوربة صحية حق يدي

**قصايدي** · 2011-07-23, 02:48

اختي الشوربة اذا تبينها صحيه
حطي فيها انواع الخضار مع شوية ملح و فلفل اسود .. طعمها بيكون حلو و مفيده بنفس الوقت ..
و كل مره تقدرين تنوعين
مرة شوربة طماط .. مره شوربة عدس .. مره كوسة مع جزر مع فلفل رومي .. مره بروكلي مع ذرة .. مره بطاط مع فاصوليا او بازلاء .. و تقدرين تضيفين قطع صغيرة من دجاج مفور في أي نوع منهم

**سحلوت** · 2011-07-23, 15:27

السلام عليكم
الله يخليلج ابوج
ويشفيه انشالله
سويله شوفان
ترا الشواب كلهم يحبونه

يعني ثوري بالحليب الفرش وشوي سكر وياه الشوفان وخليه ينطبخ لين ينضا
زين وخليه شوي يكون سائل
صدقيني بيحبه وضيفيله بعد شوي ماء ورد

دعواتج لي

**خبلهــآ غيــر** · 2011-07-23, 15:30

الله يشفيه يـآرب
up up up up

**الضوء** · 2011-07-23, 16:15

بصراحة نحتاج نفتح ملف لكبار السن
عندي عمي الله يخلية دايمن مايعجبة اكل الخدامة مع انه وااايد حلو بس هو يحب المعصود خاصة العيش نحن مانحبه جذاك دايمن نحاول نسوي وسط

**dla3_nas** · 2011-07-23, 18:07

اسال الله العظيم رب العرش العظيم ان يشفيه

سوله شورباات مره عدس ومره جزر ومره كوساا وشوربه خضار

حاولو تعطونه توست او عيش مهروس شرات العرسي
التوست حطو عليه حليب

والعيش لينوه بالرووب
حرام لاتعطونه كله سويت

وبالنسبه للربوو القرنفل وااايد زين الي هو المسمار

**فراشة أمل** · 2011-07-24, 00:26

لما كانت يدتي عايشة كنت أسويلها عيش و روب و أوقات شوربة عدس و بطاطا مهروسة و سمون جبن مع حليب ابيض

الله يرحمهم ان شاء الله

و يشفي لج والدج

الموضوع: ابي اكلات لكبار السن

أدوات الموضوع

عرض

ابي اكلات لكبار السن

المزيد من آخر المواضيع من نفس القسم:

هلا الغالية .....

المواضيع المتشابهه

احتاج لمعرفة افضل فوط صحية لكبار السن

ادوات اجهزة لكبار السن

طاولة طعام لكبار السن

ممرضة لكبار السن