توسيع الرحم عن طريق الدكتورة

[Mis.Dior]

السلام عليكم ورحمة الله و بركاته

كيف حالكن خواتي عساكن بخير انا بدش عالموضوع على طول

خواتي انا في بداية الشهر التاسع كانت عندي مراجعه قبل اسبوع و يوم جيكت لي الدكتورة بالفحص النسائي قالت لي ان المنطقة فاتحه 1سم و هذا شيء طبيعي لاني مربي قبل ..

المهم اليوم سرت لان عندي موعد و قالت لي عسب اساعدج لتسريع الولاده بوسع لج الرحم و قلت لها اوكيه المهم سوتلي الفحص تحت و تمت اتحرك ايدها ع اساس انه يفتح المهم هو فتح معايه 1سم بعد يعني الحين فاتح عندي 2سم ...

سوالي حد جرب التوسيع عن طريق الدكتورة و هل صدق يسرع الولاده ياليت اتفيدوني و هل التوسيع يضر و يزاكم الله الف خير و الله يسهل عليه و على الجميع انشاءالله ..

[مرافئ صمت]

أول مرة اســمع عن هالشـــي.. ان شاء الله البنآت يفيدونج

[Mis.Dior]

اختي مثل الفحص الداخلي بس اتحرك ايدها داخل وهو يعور ع اساس انه يوسع شوي و الله اعلم هيه تمت اتسوي لي لين ما نزل دم شوي

[بدر البدو]

حتى انا فولادتي الثانية جي سوتلي اف واااااااااايد يعور
لين ما نزلي دم وعقب قالتلي لازم امشي وايد
وعقبها بساعات على طول ياني ويع الولادة
وربيت والحمدالله
والله يسهل عليج ولادتج يارب

[3aroos]

هيه اختي انا سوتلي على ولدي الاخير كنت سايرة مراجعه اول مادشيت التاسع وكان فاتح عندي واحد ونص سم والدكتورة وسعتلي الرحم وخذيت اسبوعين تقريبا وياني الطلق وممكن بعد قبل تحسين بالويع على حسب الحرمة وطبيعتها والله يسهل عليج يااارب

[أم دانووه]

نصيحتي انج تصبرين شوية باقي على ولادتج شوي و البيبي كل ما قعد فبطن امه احسن له

يعني هب زين و الله انه توسع او اي شي هذه وجهة نظري لأني خوااافة مووووووووووت

وشي ثاني الدكتورة تبغي تولدج بسرعة خلاااص ملت منج خخخخخ

شرات دكتورتي تميت احن على راسها لين عطتني طلق صناعي و ربيت الحمد لله

بس ابدا ما خليت احد يحط ايده اخاف و الله

وكان الالم فضيع لكن كله ماشاء الله تبارك الرحمن ساعة الا ربع فيها الم وولادة وكل شي

[Mis.Dior]

حتى انا فولادتي الثانية جي سوتلي اف واااااااااايد يعور
لين ما نزلي دم وعقب قالتلي لازم امشي وايد
وعقبها بساعات على طول ياني ويع الولادة
وربيت والحمدالله
والله يسهل عليج ولادتج يارب

بسم الله تبارك الرحمن بس حياتي يوم هيه جيه سوت لج انتي كان فيج ويع ((طلق)) و الا ياج الطلق عقب ما سوت لج التوسيع