غدانا في فندق غروفنر هاوس - دبي مارينا dubai marina - grosvenor house

[^الدماني^]

مراحب بنات !

اليوم الجمعة سرت أنا وزوجي العزيز نتغدى في فندق غروفنر هاوس ..

dubai marina - grosvenor house

فندق وايد غاوي ، هادي وراقي في دبي مارينا.

أول ما تدخلون المنطقة خذوا بالكم من اللافتات الصفراء اللي تدلكم على مكان الفندق
لأنكم بتشوفونه عدالكم ، لكن الوصول له متعذر شوية اذا ما اتبعتوا اللافتات الصفراء.

أول ما توصلون بداية المارينا
بيكون ذا ووك على ايدكم اليمين وهو بيمون على إيدكم اليسار
ما له دخله مباشرة
لازم تاخذون لفة كبيرة باتجاه اليسار
وبتلقون اللافتات الصفراء عند كل إشارة مرور (على الرصيف)
تدلكم بسهولة على دخلة الفندق.

يالا تعالوا بأراويكم الصور :



وصورة سريعة لشكل الفندق من برع



الفاليه ..



عند المدخل



نصعد سلم متحرك صغير ونلقى هالمجسم المرصع بالشواروفسكي



ومعاه هاللوحة وفيها اسم المصممة



لاحظت ان الفندق كله ممرات طويلة ..

هذي منطقة المصاعد اللي تودينا لمطعمنا



نطلع من المصعد في طابق الميزانين نلقى ممر أرضيته موكيت مبتكر



وهذا الممر اللي يؤدي الى المطعم



ووصلنا مطعمنا .. اسمه سلونز



لقطة عامة للمطعم

المزيد من آخر المواضيع من نفس القسم:

• شتاء دبي غير مع كنوزها التاريخية والتراثية...
• دبي تستعد لليلة رأس السنة بعروضٍ مبهرة
• اجمل الأماكن السياحية في جميرا دبي
• حوض الحجرات المفقودة في دبي
• اهم المعالم السياحية الجذابة في دبي
• جولة في فندق والدورف أستوريا دبي بالم جميرا
• منتجع وسبا دبل تري من هيلتون جزيرة المرجان
• جزيرة ياس افضل الوجهات الترفيهية للعائلات
• اجمل اماكن السياحة الشتوية في الامارات
• اقوى عروض فنادق ريكسوس لعيد الأضحى

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[^الدماني^]

كان عندهم بوفيه Brunch لكن ما صورت صوب أطباق الفطور
اكتفيت بالغداء

الأكل وايد لذيذ وطريقة تقديمه مبتكرة



والمأكولات البحرية بأنواعها
Just the way I like it!



وهذي الفطاير المبتكرة المحضرة من المأكولات البحرية بعد



محار .. ما أحبه



Sun-dried tomatoes ... لذيييييييييذة!



روبيان .. سالمون مدخن ... اللي أمووووت عليه



سوشي بار ..



ومن بعد السوشي بار قولوا شو لقيت ؟!!
^
^
^
^
^
^
^
^
^
^
تعرفون دعاية الكوكاكولا زيرو
يوم يقول : يعني إيه كوكاكولا زيرو ؟
يعني تروح لمطعم سوشي محترم وتلاقي عندهم ملوخية

وهذا فعلا اللي استوالي ....

لقيت عندهم حبيبتي الملوخية


المشاوي ..



جانب آخر ..



ركن الخبز .. الواحد يشتهي ياكل منه لو ما يبا ..



وهذي صورة من طاولتنا ..

[^الدماني^]

وشعار الفندق على كل شي



نكمل على المين كورس ..

الأطباق الرئيسية كانت وااااااااااايدة
وما قدرت أصور كل شي !

بالنسبة للروبيان واللوبستر تختارينهم وهاذيج الساعة يحضرونه بالطريقة اللي تحبينها

لزانيا + طبق سمك بالخضار



وطبق السمك عن قرب



وقطع الدجاج الملفوفة بأوراق خضرا تشبه الليمون غراس (فكرة مبتكرة ، أليس كذلك ؟)



لحم بالكازو



معكرونة بالمشروم



لحم بالبطاطس المهروسة



صالونة لحم بالخضار



وبعد ما خلصنا المين كورس طلعنا للبلكونة نريح شوية



كان المنظر خيال !

[^الدماني^]

خذيت لكم كمن صورة


حسيت كأني في مونتي كارلو





والحين ....
هجووووووووووم على الديزيرت خخخخخ



شكل العصاير مغري



فطيرة حلوة + كيكة شوكولاته + موس الكرز + موس المانغو



تشيزكيك + فطيرة تفاح + تشوكليت موس + مهلبية بالتوت



وتقدرون تختارون أي مكونات حق الكريب اللي بيحضره الشيف جدامكم



كيك يرضي جميع الأذواق



فطاير ميرانغ وتشوكليت



شرائح فواكه + (بقلاوة ، بسبوسة ، غريَبة ، برازق) + كيكة تيراماسو

[^الدماني^]

كريم كراميل



تارت كاسترد + كوركومبوش



أكواب موس الشوكولاته + كيكة شوكولاته بيضا



تارت بالفواكه



كريم بروليه عادي وبالفستق والشوكولت



وفي النهاية كانت المفاجأة !!
^
^
^
^
^
كانت الفاتورة لشخصين 440 درهم فقط !!
يا بلاش



وفي طريج طلعتنا خذت لكم كمن صورة للفندق ..

هذا اللوبي من طابق الميزانين (بس ما أدري ليش طلعت الصورة معتوية !!)



وزاوية ثانية



يلسة حلوة ..



وهذي الصورة طلعت مهزوزة
(الظاهر اني ثقلت وايد في الحلويات مما أدى إلى اختلال توازني خخخخخخ)



وفي النهاية أحب أختم تقريري بصورتين ..

واحنا مروحين على شارع الشيخ زايد لقينا جدامنا هذي



اتحريناها سيارة .. يوم خطفنا عليها لقيناها ......
^
^
^
^
^
^
^
^
^
^
^
^
^
^
^
دراجة !!!



لا والحبايب بعد مستانسين اني أصورهم !

ما يدرون انهم طاحوا في إيدين ^الدماني^

كان خاطري أخرب عليهم متعتهم
وأبلغ عليهم الشرطة عشان ما لابسين خوذات خخخخ

شريرة ، لاه ؟

أتمنى أن غدانا عيبكم !
وصاحبات الرجيم ! سامحوني تشاني هلعتكم خخخخخخخخخخ

لمتابعة تقريري
رحلة ^الدماني^ الى شقق الغاليريا الفي دبي ، بتلقونه على هذا الرابط:
http://www.forum.uaewomen.net/showthread.php?t=630404

[dala dubai]

يمييييييييييييييييييييييييييييييييييييييييييي
خطيييييييييييييييييييييييييييييييييييييييييييييير

[الجازي 66]

رووووووووووووووعه التقرير يسلمووووووووووووووووووووووووووووو

[ديور]

يا خطيررررررررررررررره

اقرب فرصه على طول هناك

رووعه بصراحه تسلم ايدج على الصور

[كبريائي ذبحني]

ناااااااايس

تسلمين ع التقرير الغااوي

[hashasy]

هني وعافية .. تصوير راااائععع ماشاء الله .

[مرحباني]

عليكم بالعافيه يارب

الصوور نااااااايس

[هنهون]

ما شاء الله ...الله يهنيكم

الأكل لازم بوفيه ولا ممكن على من المنيو ...نص الأكل ما آكله قوم الأكلات البحرية والسوشي وهالاشياء كلها

احب الأستايل الأيطالي فالاكل

[أبنةأمنة]

اااااالله يسامحج يالدماني.............

شكلي بخرب الرجيم وبروح المطعم يشهي ...............

وسعره حلوووووووووووو بعيد.......

[الورد كله]

رووووووووووووووووووعه التقرير وخاطري في الحلويااات

[UmKhaloof]

ما شاء الله عليج الدماني
تقريرج سووو نايس
والسويتات عذآآآآآآب.....