بطاقة ماميـ بنتي لمدرساتها بمناسبة العودة للمدارس:::

**miia** · 2010-01-03, 18:31

تعجبني سوالف يوم الام توجب مدرسات بنتها،،، افتقدهالشي زمان لكن كنت اشوف من بعيد بعض الامهات وشغلاتهم لمدرساتنا ويرمسون البنات بينهن البين ليما تستوي البنية هذي مميزة لأن أهلها يهتمون بكل كبيرة وصغيرة في حياة بنتها ولا ننسى البنت نفسها...
هاك اليوم جمعت العدة...عسب اسويلها البطاقة وتعالوا
اراويكم التفاصيل...

يبت لوحة بنفسجية وظروف خضراء من مجرودي

قصي الكرتونة بطريقة تناسب البطاقة ومقاسها وتأكدي كل مرة

لما تتأكدين من المقاساتـ،،، توكلي على
الله وقصي الكرت
هذا شكل الكرت
الحين المرحلة الثانية من العمل واللي هو محتاج شوية رسم...

هني رسم مخطط صغيرون لمريول بنتي،،،وبعدها طبقته على ورق ملون بلون شبيه من لون مريول
ماميـ بنتي،،،ورسمت قميص المريول وقصصتهم…هذا شكل القميص بعض التضبيطات ويناسب شكل
قميص بنتي…طبعا تنظينه وتمسحين بقايا القلم
الرصاص في المريول والقميص

:::ونرجع لبطاقتنا====>

المزيد من آخر المواضيع من نفس القسم:

**miia** · 2010-01-03, 18:31

اتييبين شريط الزجزاج او اسمه ric rac
بالصمغ خطي من اول الزاوية لي الزاوي المقابلة على شكل
قوس او نص دائرة

وبعدها اتثبتين الشريطة بشكل مقوس على البطاقة

تييبين قطاعة ورق على شكل نجمة واتقصينها شرات لي في
الصورة واتثبتين 4 كل اثنين مع بعض…وأذا ما عندكم
قطاعة عادي قصي على شكل Vباتعرفون بعد شوي
(القطاعة ممكن تشترونها من المكاتب الكبرى انا شارتنها
من المكتبة اللي موجودة الخالدية مول الطابق الثاني)

وبعدين اتييبين اللزق بو وجهين واتقطين منهن قطع اتحطين
واحدة وراء القميص وواحدة وراء المريول

وبعدين اتفجين اللصق واتثبتينه على الكرت تحت النجمتين
بحيث يبين جنه معلق بتعليقة ثياب الغسيل

بعدها اتييبين قطاعة ورق على شكل ورق شجر…اتقصين
منهن واتنثرينهن حول حبل الغسيل

وتكتبين داخل الكرت كلماتج واتحطين لمساتج
الساحرة…وانتهينا….

وهذي المجموعة اللي اشتغلت عليها…مع لمساتي
الخاصة،،،

**غلا F** · 2010-01-03, 18:35

ما شاء الله تبارك الرحمن

ابداع ما شاء الله عليج .. افكارج وااااااااااايد حلوه

وماينفع احصل ع وحده خخخخخخخخخخخخخخ

تسلم يمناج

**أم عبدالله77** · 2010-01-03, 18:35

روعه ما شاء الله
اكيد بنتج استانست

ومدرساتها اكيد استانسوا ......................

**miia** · 2010-01-03, 18:47

المشاركة الأصلية كتبت بواسطة غلا F

ما شاء الله تبارك الرحمن

ابداع ما شاء الله عليج .. افكارج وااااااااااايد حلوه

وماينفع احصل ع وحده خخخخخخخخخخخخخخ

تسلم يمناج

هههه

فالج طيب غناتي،،، وااااصل

**miia** · 2010-01-03, 18:48

المشاركة الأصلية كتبت بواسطة أم عبدالله77

روعه ما شاء الله
اكيد بنتج استانست

ومدرساتها اكيد استانسوا ......................

بنتي استانست واكيد مدرساتها تسلم الغالية على المرور

**ka3bolah** · 2010-01-03, 18:51

ماشااااء الله عيبني شغلج والفكره حلوه

**miia** · 2010-01-03, 19:00

المشاركة الأصلية كتبت بواسطة ka3bolah

ماشااااء الله عيبني شغلج والفكره حلوه

تسلمين عزيزتي

**روح بلاروح** · 2010-01-03, 19:06

وااااايد حلو ^__^

تعيبني الام اللي تهتم لهالسوالف واتابع بنتها في كل شي

تسلم إيدج أختيه ^^

**ميمي13** · 2010-01-03, 19:09

ماشاء الله عليج ابداع

**Dorkie** · 2010-01-03, 19:10

ابدااع ما شا الله !!
^^

**FoOoTy** · 2010-01-03, 20:34

ماشاء الله
ابدااع
بالتوفيق ^.^

**miia** · 2010-01-03, 20:58

المشاركة الأصلية كتبت بواسطة روح بلاروح

وااااايد حلو ^__^

تعيبني الام اللي تهتم لهالسوالف واتابع بنتها في كل شي

تسلم إيدج أختيه ^^

تسلمين الغالية،،،

**أحب الكروشيه** · 2010-01-03, 21:09

حلوووو ما شاء الله عليج مبدعه

**منّايه** · 2010-01-03, 21:17

السلام عليكم
تسلم إيدج على هالشغل الروعه .. فعلا بطاقات متعوب عليها

واللي في المدونه بعد شي عجيب

الموضوع: بطاقة ماميـ بنتي لمدرساتها بمناسبة العودة للمدارس:::

أدوات الموضوع

عرض

بطاقة ماميـ بنتي لمدرساتها بمناسبة العودة للمدارس:::

المزيد من آخر المواضيع من نفس القسم:

المواضيع المتشابهه

بمناسبة العودة للمدارس شوفي أغراضي المدرسية شنط وجواتي للصغار

بمناسبة العودة للمدارس اليكم افضل.............

شنط بمناسبة العودة للمدارس والجامعات

بمناسبة العودة للمدارس ... شاركينا وصفات السندويتشات

شي تذكاري بمناسبة العودة للمدارس