كيف اساعدهاااا؟؟؟

**حلاوة جلكسي** · 2009-12-26, 04:26

هلا خواتي شحالكم ؟؟؟؟
اولا اريد اشكركم ع المنتدى الي اكثر من الرائع وانا عضوه جديده وحبيته واااايد
المهم بغيت اقولكم عن سالفة ربيعتي ,هي مالجه من شهرين تقريبا ومع مرور الايام ما ارتاحت ح ريلها تخيلي يقولها ظهري وياي وبنروح الشقه .....يتها صدمه والمهم دايما يقولها ظهري بس هي مارضت حاولت تقنعه بس هو هب راضي ويوم من الايام اكتشفت انه كان خاطب وحده قالها ظهري وياي وظهرت البنت وياه وقال ما اباها وبعدين عقب ملج ع وحده وقالها نفس الشى ظهري وانا ريلج وعادي اذا سوينا شى الاني بالاخر انتي حقي وانا حقج يوم ظهرت وياه في اليوم الثاني طلقهاا احين ربيعتي مسكينه مصدومه وتبا الطلاق بس هب طايع يطلقها لو انتو كنتوا في مكانها شو بتسوون ؟؟
الحين مانعرف كيف نخليه يطلقها ساعدوني بليز....
سمحولي طولت عليكم ...

المزيد من آخر المواضيع من نفس القسم:

**لمعة خرز** · 2009-12-26, 04:29

لو هالدرجة خليها تستعجل بالزواج وما تطول فترة الملجة حتى لو تتنازل شوي من المصاريف

**نقاط وحروف** · 2009-12-26, 05:25

خل يستعجل بالعرس واذا مارضى تكلم ابوها وتخليه يوقفه عند حده ويلزم حدوده وهذا شكله يلعب ع بنات الناس كان المفروض يسألون عنه عدل وعن اسباب انفصاله عن البنات لانه انسان ماخاف ربه بالي سواه

قوليلها تكلم ابوها وماتعطيه مجال لهالشي واذا عيبه اهلا وسهلا ماعيبه السلامه براسه

**حتى حين** · 2009-12-26, 06:07

ياربي شو هأ .!
بسم الله عليها اربيعتج من ها ، خليها تتلاحق عمرها و اتخبـر ابوها ، لأنها بالأساس مب مرتاحـه . و مستحيل ترتاح العمر كله اذا هو هاي اعلومـه ، تتطلـق دامنها للحيـن بنت ، و الله يكتب لها الخيـر ان شاءالله ، على الاقل ترتاح من العذاب النفسي و لا انها تبقى جي العمـر كله .
و السموحـه .

**ga6utah** · 2009-12-26, 10:05

وين الوحده تتوفق مع واحد شراته هذا مدعين عليه البنات مساكين والله يستر شو بيطلع في عياله
وبعدين انشان مثل هذا مريض شو تتوقعين منه

**علوه** · 2009-12-26, 10:07

ايه والله وش هاه فيه ناس جيه نذلين عنبوه
ياعل الله لا يوفقه ويعين ربيعتج وش هاه شلون بتكمل حياتها معاه
شكله هذا يبغي يلعب مدري والله وش اقولج بس ليش ما تاخذين براي واحد يعني شيخ والا شي من هالقبيل يمكن هو الي يشور عليها انا عن نفسي مدري والله
الله يعين عشان جيه الواحد يستخير قبل ما يقدم على اي خطوة ما تعرفين بالدنيا هاي اشكال وانواع من المخاليق
الله المستعااااان يارب يعينها ويهديه لها

**Versace.Femme** · 2009-12-26, 11:46

المشاركة الأصلية كتبت بواسطة حتى حين

ياربي شو هأ .!
بسم الله عليها اربيعتج من ها ، خليها تتلاحق عمرها و اتخبـر ابوها ، لأنها بالأساس مب مرتاحـه . و مستحيل ترتاح العمر كله اذا هو هاي اعلومـه ، تتطلـق دامنها للحيـن بنت ، و الله يكتب لها الخيـر ان شاءالله ، على الاقل ترتاح من العذاب النفسي و لا انها تبقى جي العمـر كله .
و السموحـه .

صدقها والله !!

خلها تتلاحق ع عمرها
تسير وتقول حق ابوها كل شي
وهو يتصرف وياه

شو هالناس استغفر الله

الله يعينها المسكينة

**أم نظارات** · 2009-12-26, 11:52

ماأنصحها تستعيل بالعرس.....لوأنا مكانها باخبر اهليه باللي عرفته عنه وبقولهم أني هب مرتاحة لهالشخص.....
الله يستر على بنات المسلمين أجمعين

**ابتسامة قمر** · 2009-12-26, 13:27

>_<

ربي يعينها

**عواشي العين** · 2009-12-26, 13:33

الله يعينهاا على ما بلااهاا

خليها ترمس حد من اهلهاا ويتفاهم ويااه

ولا تأمن فيه ابداا هذا ينخاف منه

شو ذنب البناات اللي كان مالج عليهن وطلقهن ..

**غرنوق رعبوبة** · 2009-12-26, 14:02

هاذا مريض نفسي

**دلوعة 2007** · 2009-12-26, 14:09

الله يعينها

**ريكاز** · 2009-12-26, 14:15

صح كلام العضوات خليها تقول حق أبوها عشان إوقفونه عند حده .. و كان المفروض يعرفون عنه كل هذا قبل لا يوافقون .. حسبي الله و نعم الوكيل.. هذا شكله ما خذنها لعبه أو يمكن يكون مريض نفسي .. خله تسأل شيخ بعد يكون احسن... و الله يعينها و عوضها أحسن منه

**دلوعه فزاع** · 2009-12-26, 15:15

تخبر اهلها افضل لها والله يوفقها يارب بس احس الريال مامنه امان اذا كل مره خطب وطلق حرام عليه يلعب باعراض الناس

**سـأإرـرهـ,** · 2009-12-26, 16:59

!!
بنات خلق الله لعبه شو !!
خل تخبر ابوها ولا اي حد .. !

و اساسآ لازم يسالون عن الولد قبل لاتوافق البنت !!
لو سألوا عدل جان مابتلشت وخبروهم انه جي كان

الموضوع: كيف اساعدهاااا؟؟؟

أدوات الموضوع

عرض

كيف اساعدهاااا؟؟؟

المزيد من آخر المواضيع من نفس القسم: