محد يقولي مافادتني الخلطه او المنتج ـ/ \ـ ......

[كفاية]

السلام عليكم ورحمة الله وبركاته


خطفت على جذا موضوع وقريت الردود ... ممم واضن في شي غايب عن الكل


فحبيت ابادر بهالنصائح يلي الأغلبية ما يعطونها اهتمام مع انها مهمه جدا في طريق تجاربنا لبعض المنتجات والخلطات

اغلبيتنا نستحط خلطات مفييده جدا من مواد محد ينكر انها مفييده لكن ليش ما نستفيد منها ؟؟ ممم خلونا نشووف


مثلا

>>>>>>اولا .... تفتيح لون الشفايف <<<<<<

يلي ودها تفتح لون شفايفها لازم من الضروري ترطبها طول اليوم ... مب تستخدم منتج وعقب تقوول المنتج اخرطي من خلص اسمرت شفايفي مره ثانيه

لو المنتج فتح شفايفج .. معناته اكييد رطبهن لج لانه مافي تفتيح بدون ترطيب .. واذا وصلتي للنتيجه المطلوبه او حتها 50% منها ايي دورج تحافظين عليها


مب تقولين ارطبها بلساني .. اكبر غلط لانج من ترطبينها بريجج عقب تجف .. ترطيب جفاف وترطيب جفاف .. يسمرها اكثر

وحاولو تتجنبون تلعبون بشفايفكم باسنانكم لانها تسمرها اكثر


ترطيب ترطيب ترطيب يلي تبا نتيجه الخلطه او المنتج ... حتى الفازلين ظلمتووه وقلتوو انه يسمر .. محد قال لكم حطووه واركضوو فييه بالشمس .. ترى الشمس تجفف .. حافظو على الترطييب يا جماعة الخير



>>>>>>ثانيا .. تفتيح الاماكن الحساسه يلي ماخذ هوس الاغلبيه <<<<<

كل شي نبغي نفتحه .. ما نبغييه يرد يسمر صح ؟؟

س سؤال .. !!

قلنا انه احتكاك الملابس يولد السماره وخاصه الغير قطنيه ... وهاي ازمة يلي عايشه طول عمرها ويا الملابس الداخليه وما تفكر تريح نفسها منها لو ساعتين

يعني المنتج او الخلطه كيف بتعطي مفعولها وانتي من صوب ثاني تحاربينها وتردين السماره لنفسج ؟؟!!


حتى الاماكن الحساسه يبالها ترطيب خفيف بزيت زيتون او كريم مخصص لها او اي شي مفيد

يا جمااعه الخير .. قد ما تقدروون تخلصوو من الملابس الداخليه في البيت .. او البسي شي قطني .. الحين في بناطلين وشورتات قطنيه داخليه مشدوده ما تبين لاي شي انتي لابسه ملابس داخليه ولا لا .. لانها استرتش

اتخلصوو من الاحتكاك وخلوو المكان يتنفس شوي ورطبوووه يوميه عقب قولو ما استفدت من الخلطه الفلانيه

مب تلعوزون نفسكم بخلطاات وتخربونها بايدكم

يعني وحده استخدمت زيت زيتون وتقول مب مفييد ... بذمتكم زيت زيتون مب مفيد منو ينكر فوايده ؟؟ ومنوو ينكر انه كريم الجلسريد والجليسوليد مب مفيد ؟؟؟

اقولكم شي ... خلوو الخلطاات .. واستمروو بالي قلتلكم عليه على الاقل خلال فترة قعدتج في البيت شلي الملابس الداخليه بتشوفين انه السماره تخف ما تزيد يمكن ما تخف بس مستحيييل تزييد

انا وربي شاهد علي من قمت البس شورتات قطنية وودرت الملابس الداخليه واستمريت بالترطيب وربي ماكملت 5 شهور الا صارت المنطقة نفس لون جسمي بالضبط صح مب افتح بس نفس الوون حتى صوب الفخذ راحت السماره

الترطيييب شي ضروووووووووري للخطوط البيضه وللسماره وللجفاف حتى للشعر وللنظافه



>>>>>> ثالثا ... بشرة الويه <<<<<<

في خلطه كاتبتها اخت عندنا بالمنتدى المهم من ضمنها حبة بطاط مع حليب بالخلاط وجذا

الكل يعرف انه البطاط مفيييد جدا جدا للبشره وعن تجربه اقولها .. ومكعبات ثلج ماي وردمنو ينكر انه مفيد ؟؟

عقب وحده تستخدم الخلطه يوم واحد قالت مب اوكيه تطلع لي حبوب

انا استخدمتها اسبوعين اول اسبوع كله تطلع لي حبوب ... مب معناته تشوه ويهي لالالالالا

معناته انها تسحب الدهون يلي بويهي وتطلعها .. تنظف بشرتي من داخل عقب تنظفها من برع

وبثاني اسبووع ما اشوف حبوب بالعكس نظاره وحيويه

اي شي يسحب الدهون بالبدايه لازم تطلع حبوب .. لانها تسحب الدهوون .. ولو البشره ما نظفت من اساسها كل يلي سويتيه بيرد يخترب لانه الحبوب بترجع تطلع وبتخرب كل شغلج

ولا تنسوون .. يلي تستخدم خلطات لتقشر بشرة ويها ضروري ترطبينها وبتبعدين عن اشعة الشمس عقب التقشيير ولا بشرتج بتسمر وااايد وبتخترب اكثر

ويلي تستخدم الخلطات ضروري تسوين تنظيف بشرة خفيف في البيت عسب تتخلصين من الخلايا الجلد الميته يلي على ويهج وعقب فترة بسيطه تقدرين تحطين الخلطه .. لانه خلايا الجلد الميته تعتبر حاجر وما تسرب المواد المفيده للبشره وتغطي على جلد البشرة الحيوي .. هالخطوة ضروريه ولا الخلطه مامنها فايده ..


>>>>>> رابعا ... الشعر ... والترهلات الصدر والوجه <<<<

زيوت وحاله ومادري شوو ...

بالاخير تلاقين البنت ما تغسل شعرها الا بماي حار او دافي ... اكبر غلط نرتكبه

الماي الحار يزيد من سقوط الشعر .. على الاقل بعد ما تغسلينه وتنضفينه بماي حار قبل ما تطلعين رشيه بماي بارد ... حتى بشرة جسمج محتاجه لماي بارد

على فكره .. الماي الحار يزيد من ترهل الصدر وبشرة الويه يلي تعانين من الترهلات ... عقب الماي الحال رشي المكان ضروووووووووري بماي بارد ضرووووووووووري مب شرط ثلج بس يكون بارد مب دافي باارد

الماي الحار يجمع الدم فييه لكن البارد يثبته ويشده

وعقب قولي الخلطه مافادت ولا رفعت صدري ولا شدت بشرة ويهي

صاحبات الشعر الدهني .. الزيوووت بتزد من سقوط الشعر .. لا تستخدمينها عالفروه .. لو قصدج تعالجين التقصف استخدميها على اطراف الشعر بس ابتعدني عن الفروه ... ولو قصدج التغذيه والنظافه .. حطي الزيووت على الفروه مع التدلييك لكن حذااري تكملين اكثر من نص ساعه لانه شعرج دهني فبتزيدين تساقط شعرج جذا ...

التعب انج لازم تغسلينه كل يوم حاولي تخليه شوي جاف من الدهوون مب تروحين للاستشوار وتحرقينه عسب تجففينه .. من الدهوون يعني تغسلينه بالشامبو يوميا .. او افضل حل اشوفه انج تحنين شعرج تغذيه وتكسبين لون وتتخلصين من الدهون الدايده فيه وعقب تقدرين كل يومين او 3 تغسلينه بدون ما يدهن ... مممم قلت حنه مب تصبغينه ... !!!


>>>>>> خامسا... الصبر <<<<<<

مافي وحده اتيي وتقولي الخلطه مفيده من اول مره ... ولا وحده اتيي وتقوول الخلطه مب مفيده وهي استعملتها مره وحده بس


يا جماااااااااعه الخير يلي يبغي الحلو يصبر على مره ...

مثلا السنه يلي طافت مريت على موضوع وما فكرت اجرب الخلطه يلي يبالي اصبر عليها شهر ونص .. لاني انسانه مب صبوره .. واليوم رديت ولقيت نفس الموضوع

لو بديت فيها ما كنت خلصت عمري ؟؟ ولا اترييت سنه بدون حل لمشكلتي

لكن مشكلتنا الحلول السرييعه .. يلي نتائجها بسرعه تروح ..

افضل الخلطات يلي تعلاج مشكلتج بالتدريج .. مب تغطي على شي وتخلييه بالبشره وعقب يرجع

جماااعه الخير ... الصبر ثم الصبر ثم الصبر .. ولا انج اتيين السنه اليايه وتدورين الحل وهو كان بايدج



ترانا ضلمنا وايد منتجات ووايد خلطات .. بسبة اشيا وغلطات تافه نرتكبها ..


ربي يوفجكم انشاء الله وتستفيدون من كل شي تستخدمونه


والسموحه عالمغثه


خويتكم كفاااااااااية

المزيد من آخر المواضيع من نفس القسم:

• نصائح لمنع شحوب البشرة في رمضان
• اهم فوائد غسول الوجه للبشرة
• فوائد زيت بذور العتب السحرية للبشرة حصري
• افضل ماسكات ماء الورد للعناية بالبشرة الدهنية
• افضل نوع سيروم للبشرة الدهنية
• روتين العناية بالشفايف
• فوائد صابونة الكركم للبشرة وطريقة استعمالها
• ابرز فوائد زبدة الشيا السحرية للبشرة حصري
• ابرز فوائد كبسولات فيتامين (E) للبشرة
• افضل ماسكات قشر البرتقال للعناية بالبشرة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[N81]

صحححححح صححححححح كلامج كله صحححح


ودوووم اقووووول للبنااات هالكلام اهم شي الصبر والاستمراااار مافي شي ايي بسرعه .. من بغا الزين يصبببر


مشكووووووورة حبيبتي

[نوآري المرر]

أي بالله

أجديتي

كلااااااااامج كله عيبني

[حزينة المساء]

صح كلامج نحن مافينا صبر

شكرا عالموضوع

[فراولة_]

صح كلامج

^^

شكراا ع النصايح

[سهم البنفسج]

بصراحه صدق كلامج وانا عن نفسي بصراحه من غيرت الملابس الداخليه الي القطن وكله البس الشورتات القطنيه بدون بدون الملابس الداخليه الصغيره اللي ترص على الفخوذ ان الاسمرار خف واااايد ومع خلطات الترطيب والتنظيف المستمر ان شاءالله بتختفي وبرتاح

[يارب نور دربي]

عين العقل


ثااااااااانكس

[كفاية]

صحححححح صححححححح كلامج كله صحححح


ودوووم اقووووول للبنااات هالكلام اهم شي الصبر والاستمراااار مافي شي ايي بسرعه .. من بغا الزين يصبببر


مشكووووووورة حبيبتي

تسلمين يا غناتي

انشاء الله ربج يلهمنا كلنا الصبر


العفو يا غلايه .. الشكر لج على طلتج الحلوه

[كفاية]

أي بالله

أجديتي

كلااااااااامج كله عيبني

تسلميين يا غلايه

انشاء الله الكل يستفيد بس

ومشكووره على المرور ^_^

[#وجدان#]

صح كلامج يالغاليه...

وياليت انطبق كلامج ...

لانه بالفعل سواد ترهلات وزن زايد ... الخ , كل هذي الاشياء اتكونت خلال فترات طويله .. ممكن سنين او شهور

مستحيل انها اتروح خلال ايام او شهر ... لازم نستمر .. اظمن شي اننا نستمر ع الشي ع الاقل ثلاث شهور ...

[المها2009]

كلامج صح مشكلتنا انمل بسرعه ونبا حل سريع

ربي يوفقج

[*أم الميث والشيوخ*]

يزاج الله خير

[كفاية]

صح كلامج نحن مافينا صبر

شكرا عالموضوع

الله لهمنا الصبر انشاء الله ^_^

الشكر لج عالمرور

[qtr]

موضوعج وايد عيبني

وربي يعطيج العافية

[ام محمد 4]

جزك الله ألف خير