ورق عنب حااامض من ايديني بأسهل طريقة وأحلى طعم جربيها وادعيلي ^___^

**مريم الشحي** · 2009-11-21, 21:57

السلام عليكم ورحمة الله

قبل أكثر عن اسبوع وانا خااااطري فورق عنب حاااامض

مادري شبلاي بس داااق فراسي وكل من ادش المطبخ اتعايز اقول باجر وباجر

لين اتوكلت على الله اليوم وقررت اني اسويه

فقلت ليش ما اصور واعلم البنات الي ما يعرفون يسوونه واكسب فيهم اجر ^___^

صح اني تعبت من الشغل والتصوير واهم مرحلة فكل هذا لف الورق وأخيراً التحميل صدق تعب>_<

بس فدوووة ^____^

المهم خلونا نبدى بالمقادير:غرشة ورق عنب-حامض ليمون-نص ليمونه لبنانية(او ليمونة وحده محلية )-كوبين عيش مصري-كزبرة(وان حبيتي بقدونس بعد)-بصلة وحده وسط-ثوم(قرابة5افصوص)-طماطة وحده وسط-بطاط4حبات وسط او ثنتين كبار بس انا ماحصلت فالمطبخ غير الوسط^__^-بهارات مختلفة(ملح-فلفل اسود-فلفل احمر-كزبرة مطحونه-زنجبيل مطحون)مكعبين ماجي

اقطع البصل والثوم والطماط( والكزبرة آخر شي عسب ما يتغير لونها )وافرمهم فرم ناعم (لأني مب من النوع الي يتقبل طعم الخضرة فالاكل فأحب اما اهرسهم او افرمهم ^__^ طبعاً بالذات الثوم والبصل)

اهنا حبيت اراويكم الطريقة الصح فتقطيع الكزبرة(افصل الساق عن الاوراق وعقب افرم) لأنه شي ناس عادي اتخلي السيقان والاوراق مع بعض واتقطعهم

واهنا الثوم والبصل والطماط والكزبرة مع بعض(بتلاحظون كمية الكزبرة اشوي بس انا متعمدة احط هالكمية لأني بضيف عقب الكزبرة المطحونة على المقادير فالحشو ^__^)

احينه اييب العيش(كوبين مثل ما قلنا)

هاي طريقتي فتنظيف العيش,,اييب مله والعيش احطه فقلاص وابدى اصب اشوي اشوي وان حصلت وصخ اشله ,,هاي الطريقة بدل ما تفرزين العيش كله فصينية وتبدين اتنقين حبة حبة ^___^

واغسل العيش

عقب اظيفه عالمقادير الاولية

احط لبهارات كلها +حامض الليمون

احط زيت زيتون

واعصر الليمون

واخلط كل المقادير الاولية

فهالوقت اقشر البطاط قبل ما ابدى الحشو

وافرد البطاط فالجدر الي بحط فيه الورق عنب

ااااااااخ احينه اصعب مرحلة من جذا شليت اقشاااري ويلست عالارض ,,يبت ملة +صينية عسب احشي عليها الورق

الملة احط فيها ماي ومهرتها فالموضوع انه اغسل فيها الورق ,,لأنه شي واايد ناس عبالهم الورق ايي نظيف دامه امحطاي فمرطبانات وهالشي غلط ,,لاحظي الوسخ الي بيتراكم عندج فآخر الشغل وقولي مريم ما قالت ^____^

المزيد من آخر المواضيع من نفس القسم:

**مريم الشحي** · 2009-11-21, 21:58

احينه احشي عاادي ^____^

اهنا كل اشوي اشوووف الطاسة وابا اصيييييييح انكسر ظهري وانا اقوول متى بخلص هالكمية وليش سويت وااايد وليش وليش >_< والله انه هالشغلة تكسر الظهر فلازم حد يعاونج ,,بس الي يهون علي اني اقووول ما عليه عقب هالتعب كله بناااكل صحن امرتب من ورق العنب الحااااااامض يميييي

الله اهني اتفس الصعدااااء عقب ما خلصت كل الاورااااااااااق ^____^ والله احساس جمييييل

قبل ما انهي شغلي واحط الجدر عالنار ظفت حامض ليمون من برع عسب ازييد من حموضة الاكلة ^___^

وزيت زيتون بعد

واشوييييية فلفل اسود

اهنا يبت قلاص ونص ماااي وكسرت الماجي فيه

وصبيييته فووق الورق

آخر شي وعسب اظمن انه الورق كاااامل بيستوي هو والعيش أظيف كمن ورقة عنب من فووووق

وآخر شي احط صحن صغيرووني عسب اظغط عالورق واغطي الجدر(بس يباله ساعه عالنار وشرط اتكون النار هادية^__^ ولا تستعلين عليها واونج تبين اتخلصين ابسرعه ومناك يحترق عندج الورق ويتم العيش يابس)

وبالعافية علي ^____^

عاد اتمنى اتجربونها وتعطوني رايكم فيها ^_____^

**❥~S** · 2009-11-21, 22:05

اول مرهَ اشوف هالطريقـ ه‘

بس احسـ ه‘ لذيذ

انآ عندي طريقه ثآآآآنيـــــــــــــــــــــــه‘

ودآيمآ أسويهآ والكل يحبهآآآآآآ

وهآي طريقتيـ ه‘ انآآآ بروحي اتفنن لؤؤؤل

يإذن الله براويكم

تسلمين غاليتي

ابدعتي الصراحه

وبالعاااافيه ع قلوبكم

**softqueen** · 2009-11-21, 22:09

يمييييييييييييييييييييي

انا اسوي بعد المحشي رهيب ويذوب بالحلج

ان شاء الله في يوم من الايام بسويه وبصوره لكم

بس انا عندي يظهر العيش يابس فـ اسوي على مرحلتين .. يعني اصب اول شئ ماي وشوي ماجي .. وعقب اصب عليه مره ثانيه ليمون وزيت الزيتون وتمر هندي منقاي وشوي ملح عشان يظهر حامض ... وعقبها يضببببببط الطعم

**يا ورد** · 2009-11-21, 22:23

ما شاء الله

شو دراج ان اليوم في خاطري ورق عنب

الغاليه طريقتج 10 على 10 و نحن مرات انحط ثوم فيه بس بكباره ما نفرمه

ويعطي طعم روعه

الحين تام المحشي في خاطري

ممكن صحن

نتريا يديدج يالغلا

**مرحباني** · 2009-11-21, 22:37

يمييييييي يميييييييي

ماشااء الله عليج

ويعطييج العافيه

**مغربية في دبي** · 2009-11-21, 22:38

مااشاء الله

بس لو كنتي حاطة خطوات اللف عشان نتعلم

انا ما عمري سويته وان شاء الله اسوي طريقتج

بس كيف الفه هههه

**thariya** · 2009-11-22, 00:41

اصلا انا في يوم ومايمر ,,وخاطري بورق عنب؟؟
يسلمووووووو
بس انا ماحط ثوم لأني امووووت من ريحته...مستحيل اشتريه ويدش بيتي خخخخخ

**رووورووو** · 2009-11-22, 02:55

مااشاء الله

بس لو كنتي حاطة خطوات اللف عشان نتعلم

انا ما عمري سويته وان شاء الله اسوي طريقتج

بس كيف الفه هههه

يم يمممممممممممممي روووووووووووووووعه

**Back 2 Home** · 2009-11-22, 04:27

يمي يمي خاطري فيه الحينه

**روح سلطان** · 2009-11-22, 06:41

ثاني موضوع لليوم فيه ورق عنب .. طريقتج سهله يبالنا نجرب .. يسلموووو

**ام فصووولي** · 2009-11-22, 06:44

تسلم يدج

**احب عيالي** · 2009-11-22, 06:56

المشاركة الأصلية كتبت بواسطة مرحباني

يمييييييي يميييييييي

ماشااء الله عليج

ويعطييج العافيه

**الرحيق** · 2009-11-22, 10:21

تسلم الايادي

انا احب هالطريقه لان المحشي يطلع حاااامض من الخاطر لكن مب دوم نسويها لان بو العيال ما يحب الحامض واايد ..شو نسوي حكم الاوي خخخ

ومثل ما قالت الاخت ياورد اذا تحبون الثوم تقدرين تنثرين فوقه حبات ثوم راح تتشرب الحموضه وبتطلع لينه وحااااامضه .. عيالي يموتون عليه دوم تصير ضرابه منو ياخذ قبل ..

سؤال ..
في مرة جربتي تحطين مع الحشوة لحم مفروم .. يطلع رهييييييب

**LADY 4 DUBAI** · 2009-11-22, 12:04

يا وييييييييل حاااااااااالي ..×؛×

عذااااااااااااب × عذااااااااااااب ..):

طرشي صوبي كمن حبهـ اهئ اهئ ..

تسسسسسسسلم الايادي ..

و هنـــــــــــــــي و عافيهـ على قلبج ...(:

||

الموضوع: ورق عنب حااامض من ايديني بأسهل طريقة وأحلى طعم جربيها وادعيلي ^___^

أدوات الموضوع

عرض

ورق عنب حااامض من ايديني بأسهل طريقة وأحلى طعم جربيها وادعيلي ^___^

المزيد من آخر المواضيع من نفس القسم:

المواضيع المتشابهه

طريقتي في عمل الباونتي بأسهل حركة وأحلى طعم^____^حياكم

كيف تضاعف حسناتك بأسهل طريقة ؟

الكبة الشامية بأسهل طريقة !

كيف تضاعف حسناتك بأسهل طريقة ؟