قصة ولادتي الحزينه اللي تدمع لها العيون (الجزء الثالث)

[منى الروحm]

هلا حبوبات اسمحوا لي اتاخرت عليكم
فديتكم هذا الجزء الثاني http://forum.uaewomen.net/showthread.php?t=595005
الحين التكملة
تم ولدي عندي وكنا مستانسين وقام يرجع وايد شرات الكبار قلت يمكن عادي بس تم اربعة ايام على نفس الحالة وقام يزرق اتصلت في ريلي وديت المستشفى طبعا شافوا الاوكسجين عند وايد ناقص رقدوا في المستشفى خامس شاف دكتور القلب سوا له فحوصات الصدمه ان من زود مب ولدي يرجع كان عند شريان مفتوح من الترجيع انسد لازم الحين عملية يوم سمعت الدكتور والله يا بنات انهرت خلاص كيف عملية ولدي عمره 20 يوم صحت صياح السستر صاحت وياي حضنت ابوي تمت اصيح ريلي مسكين انصدم نفسيا دمعت عيون كانوا حاطين له اوكسجين ما نفع وياه حطوا على التنفس صناعي قلبي اتقطع نقلوه العناية المركزة مرة ثانيه ما يستوي اتم وياه رديت البيت وقلبي متقطع مب كفاية الا فينا مرة ثانية ابتعدت منه يا حسرتي كنت ارقد الدموع في عيني قالوا لنا بينقلون بوظبي لازم عملية نقلوه في الاسعاف والله امودين وانا روحي وياه وصلنا بوظبي ماساتي تستمر ما يستوي ابات وياه شفتوا كيف
خليت هناك ورديت الله يدري بحالي وانا الدموع ما فارقتني كنت كل يوم اسير وارد
قرروا يوم العيد عملية الساعه 8 وصلت المستشفى الساعه 6ونص الناس اتعيد ومستانسه وانا عملية ولدي كنت فرحانه بشتري له بدله حق العيد بيعيد وياي هذا اول عيد يا فرحة ما تمت
المهم سرت من وقت عسب اتم وياه سرت وشليت والدموع في عيني تم يطالعني وانا اصيح وهومبتسم
فديت كان صايم من فليل كان يصيح من اليوع وقلبي يتقطع المهم وصوا مال العمليات وشلوه من حضني والله يا بنات ما اعرف اوصف لكم شعوري حسيت الكون كله ما يسوا شي
كياني اهتز روحي اتصيح قلبي متقطع شلوه تم يصيح يوم شلوه من حضني
المهم ودوه غرفة العمليات واتميت عند باب القسم اتريا متى بيبون وبشوفه وقلبي بيرتاح
حتى السكيورتي رحمني قال لي اختي ايلسي يوم بيبونه انا بزقرج ما طعت اتحرك من عند الباب شفت الدكتور قال لي العمليه نجحت يالله كنت خلاص بطير من الفرحه كنت اضحك واصيح في نفس اللحظه

المهم يابوه دشيت وشفته عور لي قلبي الحمدلله اتخطى مرحلة الخطر وتم عندهم اسبوعين
كنت كل يوم اسير وارد
الحمدلله هو عندي الحين اشكر ربي
باجي له عمليتين
عمليه قلب وعملية راس
ادعوا له يا بنات الله يشفيه والله يصبرني

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[7 دانات]

الله يشفيه حبيبتي
الله يقومه لج بالسلامه وتشوفينه جدامج بخير وعافيه
الله يصبرج عيوني

[أخفي غلاك]

قصتج يدمع لها القلب قبل العين ..

يالله يااربي اشفيه وفرح قلوب اهله فيه..

والله يرده لج سااالم ومتعافي ..

والله يصبرج وكله بأجر ان شاء الله

[اسعد تعيسه]

والحمدالله علي كل حال

ان شاء الله ربي بشفيه وبشوفينه يكبر جدامج

كله باجره

[Cute Mamy]

فديته والله ,, تاكدي بان رب العالمين يحبكم و حطكم في اختبار و باذن الله بتتجاوزونه

الله يرفع عنه البلاء و يعطيه العافية ,, و يعطيكم الاجر على صبركم و ثباتكم

[Cappuccino]

الله يشفيه ويعطيه الصحه والعاااافيه
والله قلبي عورني عليج ...
عليج بالصبر والاستغفار
اذكري هالشي
ربج ما ابتلاج الا لانه يحبج

[شحيهـ والنعم]

الله يشفيه ان شالله وتفرحين فيه وتشوفينه معاج

[-الورده-]

يالله يااربي اشفيه وفرح قلوب اهله فيه..

والله يرده لج سااالم ومتعافي ..

والله يصبرج وكله بأجر ان شاء الله

[بنان 2010]

تستاهلين سلامته ياااارب اتعافيه وتخليه لج يارب وتشوفينه معرس بإذن الله.

[صمتي_قرار]

فديت قلبه الله يشافيه ويعافيه ان شاء الله
الله يحفظه ويخليه لكم ان شاء الله

[كتكوته الامارات]

الله يشفيه حبيبتي
الله يقومه لج بالسلامه وتشوفينه جدامج بخير وعافيه
الله يصبرج

[قلب الشمال]

صيحتيني يا اختي، ربي يعافيه،والله ان احب عبد ابتلاه،عليج بالصبر

[أحبك يا دنيتي]

آآه يا قلبي

ربي يشفيه يارب ولا تنسين الدعاء وقيام الليل وخاصه بهالأيام والصدقه

[أم عامر]

حبيبتي الله يشفي ولج ويعافيه ياااااارب،،،،،،،،ويصبرج ان شالله

[Looooonely]

اتصدقي ((الصدقة تدفع البلاء))..

والله يشافيه ويعافيه ياااا رب..