التكيس و الدوره

**رحمه الكون** · 2009-11-07, 20:43

السلام عليكم خواتي
انا صار لي متزوجه من 11 شهر , في اول اسبوع زواجي استوي عندي جرح و التهاب و رحت و تعالجت و الحمد الله و بعدها بكم شهر كانت الدوره تتاخر( قبل الزواج كانت منتظمه) عندي فرحت عند الدكتوره فقالت لي انه عندي التهابات فعطتني دوا حق الالتهاب و دوا ثاي حق تنظيم الدوره و بعدها الدوره يتني 28 و الشهر اللي بعده يتني 27 و الشهر اللي بعده يتني 36 فستعربت انا ليش تاخرت سويت فحص حمل ما طلع لي شي المهم رديت لنفس الدكتوره لقيتها مسافره فرحت لين دكتوره ثانيه و قلتلها عن كل شي صار لي المهم اهي كشفت على وشافت انه عندي تكيس (على فكره اول ما تزوجت ما كان عندي اي شي غير الالتهابات يعني التكيس يايني من 3 شهور او شهرين ) المهم اهي عطتني حبوب و قالت لي لازم تنتضمين عليها و سوت لي تحليل دم و طلع عندي ارتفاع في هرمون الحليب و الحمد الله عطتني له دوا و الحمد الله الحين نزل و صار معدله زين , و بعد قالت لي الدكتوره ان الهرمون الذكري و ايد مرتفع عندي بنسبه اكثر من 100 مره من المعدل الطبيعي
المهم يا بنات انا من عرفت و انا اتبع نظام غذائي صحي ابتعدت عن الفاست فود و عن الغازات وقمت اكل خضار و فواكه و الدجاج سويت له مقاطعه ما اكله ابد و بديت امشي كل يوم حولي نص ساعه او اكثر و نزلت من وزني 7 كيلو من 57 الى 50
المهم يا بنات الدوره هالشهر بعد تاخرت عندي ما اعرف ليش ؟؟ مع انه الدكتوره قالت لي اذا سويتي رياضه و اكلتي اكل صحي و نزلت من وزني و انتظمت على الدوا راح تعتدل الدوره عندي و تنزل بموعدها بس انا اليوم كملت 37 يوم و ما يتني و على فكره ما سويت فحص حمل
يا خواتي هل تعتقدون اني اكون حامل و لا شو سبب تاخر الدوره عندي ؟؟؟
بليز بنات اللي عندها معرفه عن هالشي يا ريت تخبرني و تطمني
و الله يررزق كل وحده فينا مرادها و يرزقنا بالذريه الصالحه آميين يا رب العالمين

المزيد من آخر المواضيع من نفس القسم:

**عثوله حلوه** · 2009-11-07, 20:57

ربي يشفينا من هالتكيس ..

حلو انج وااااااايد نظمتي من أكلج وبعد تسوين ريااضه ونقص وزنج ..

ان شاء الله تكونين حامل يااارب .. روحي للدكتورة وشوفيها شو تقولج .. دام انج نقصتي وزنج اعتقد ان التكيس راح عنج .. لأن الرياضه وااايد تلعب دور في تنظيم الدورة

ربي يرزقج بالذريه الصالحه ي ختيه

**شوق العيون33** · 2009-11-07, 22:53

صح كلام الاخت الله يشفيك يارب و يروقنا و يرزقج الذرية الصالحة يارب

**@شمعة الجلاس@** · 2009-11-08, 08:17

الله يرزقج الذريه الصالحه..

**دلوعة قلبها** · 2009-11-08, 11:05

حبيبتي سوي فحص حمل ولا تحتارين
لان كثر التفكير في الحمل يأخر الدورة
انا اذا شاكه وتاخرت الدوره اسوي فحص حمل وثاني يوم ع طول تنزل الدوره
انكشف امرها وماشي حمل وتستحي وتنزل مالها ويه خلاص خخخخخخخخ

**عواشهـ** · 2009-11-10, 14:19

من اعراض التكيس لخبطه في موعد الدورة من تجربتي

**حبك محلل** · 2009-11-10, 14:24

التكيس الغلااا ما يروح بسرعه يباله شهرين علاج على الأقل الله يشفيج

**يالحظ ركز شوي** · 2009-11-10, 14:35

الله يرزقج ويرزقني ويرزق كل محرومه بالذريه الصالحه ياااااااااااارب

**رحمه الكون** · 2009-11-10, 16:35

مشكورات خواتي ع الرد
انا اعالج عن التكيس صار لي 3 شهور , صح ان الدوره تتلخبط و لكنها و لا مره تأخرت شرات هالشهر اليوم كملت 40 يوم و الدوره ما بينت و لا شي

الله يعينا جميعا

**loji** · 2009-11-10, 18:52

ربنا يرزقنا جميعا بالتؤام الصالح

**عيون المهاااا** · 2009-11-10, 21:32

التكيس مايروح ويلخبط الدورة وايد وياخر الحمد وهذا الي انا اعاني منه بس الحمد لله ع كل حال

**Mįşš●Ċlaśŝįč** · 2009-11-10, 21:55

الكلوميد يسبب تكيس شئ اكيد
الله يشفيج يا رب

**nano1984** · 2009-11-11, 08:16

المشاركة الأصلية كتبت بواسطة رحمه الكون

مشكورات خواتي ع الرد
انا اعالج عن التكيس صار لي 3 شهور , صح ان الدوره تتلخبط و لكنها و لا مره تأخرت شرات هالشهر اليوم كملت 40 يوم و الدوره ما بينت و لا شي

الله يعينا جميعا

تأخرت من بعد حبوب التنظيم والا ما أخذتي حبوب تنظيم ؟؟

**الهنوف** · 2009-11-11, 11:21

الله يشفج وتكونين حمل انشاء الله
يس انا عندي سؤال هل ايذا فكرة
في الحمل صدق تتاخر الدوره...؟

**رحمه الكون** · 2009-11-11, 13:03

المشاركة الأصلية كتبت بواسطة nano1984

تأخرت من بعد حبوب التنظيم والا ما أخذتي حبوب تنظيم ؟؟

من بديت اعالج عن التكيس لا و الله ما اخذت حبوب تنظيم الدوره , الدكتوره عطتني لها و قالت لي استخدمها لما تنزل الدوره هالشهر لكنها لين الحين ما نزلت

الموضوع: التكيس و الدوره

أدوات الموضوع

عرض

التكيس و الدوره

المزيد من آخر المواضيع من نفس القسم:

المواضيع المتشابهه

التكيس

استحاضة في موعد الدوره وعدم نزول الدوره!

التكيس

التكيس

شو هو التكيس ؟