ايهما افضل الولاده الطبيعيه والا القيصريه ..؟؟

**M!ss angle** · 2009-11-05, 16:45

السلام عليكم والرحمه

بنات بسألكم شو الاحسن الولاده الطبيعيه والا القيصريه سواء من ناحية الالم او شكل الجسم بعد الولاده ..؟؟

**ام ميودي3** · 2009-11-05, 17:10

انا احس الاثنين نفس الشي لاني جربت الاثنين ..

الطبيعي عوار ورا عوار نفس الوقت

بس القيصري بعدين بياثر ....انا في الطبيعي كنت بنج كامل والقيصري بعد نفس الشي لاني كنت صغيره وايد..

**alo0oya** · 2009-11-05, 17:11

افضل الطبيعيه

والجسم عادي يتعدل

القيصريه حدها اربع اطفال

الطبيعي تاخذي راحتج

**حرم زوجي** · 2009-11-05, 17:51

اكيد الطبيعيه افضل..
انا ولدت طبيعي فتوأم وكانو عاطيني فوق الابرتين بنج ومن غير هذا اللي شرات الاكسجين يحطونه ع حلجج كنت اتألم وايد لكن هذا شي طبيعي بيصير ومع ذلك كانو يحنون عليه يعطوني ابرة الظهر بس ماطعت.. وبعدين انا اتأخرو عليه وماعطوني ابر البنج اول ماحسيت فالويع عسب جي ماحسيت فالبنج بالاساس..<<<بس نسيت الحمدالله كيف كان الالم^_^صحيح اذكر اني كنت اتألم وايد بس ماذكر كيف كان الويع ومع ذلك الحمدالله ع كل حال ماتو عيالي..

اما القيصري سلبياتها وايد..
انا سرت لبنت عمتي المستشفى يوم ربت بقيصري وكنت اتحرى انه عادي واريحلي من القيصري بس مسكت رااسي يوم شفتها..ماتقدر اتقوم ولا تقعد كله منسدحه ووالله جنها مب مربيه كرشتها وااااااااااايد عوووده..جنها يوم حامل يعني جنهم مب مظهرين الياهل من بطنها..
ومن غير جي مب زين تحملين بعد القيصري ع طول ع الاقل سنه ولا سنتين وشرات ماقالت الاخت علوويه بان يحددون لج كم ياهل اتييبين..

باختصار الطبيعي افضل لج..والله يسهل عليج ولادتج ويقومج بالسلامه انتي والبيبي..

**حرمه يديده** · 2009-11-05, 17:57

انا يبت بجري و وحيدتي بعمليه و شفت الألم الفظييييييييييييييييييييييييييييع .. استغفر الله و الحمدلله على كل شي ..
أسبوع كلللللللللللللللللللللللللللللله الم و صياااح .. و قمة الالم اول 3 ايام و خصوصا يوم تنشين و تمشين .. يا الله ..
و طبعا الكرشه طاااااااااااااايحه .. يعني معاناه ..
بالنسبه للطبيعيه انا اشوفها وايد افضل من ناحية العوار يعني الالم يكون حزتها و حتى لو الخياطه تعور ما تكون شرات العمليه ..
ان شاء الله تكون عمليتي الاولى و الأخيره .. و اذا الله رزقني في المستقبل اربي طبيعي قولي آمين ^^

**almasse** · 2009-11-05, 17:57

شوفي هذا الموقع ان شاء الله افيدك
http://drbadran.com/mag/index.php?op...=verart&aid=90

**#وجدان#** · 2009-11-05, 18:03

انا جربت الطبيعي ...

اكيد فيه الم ... بس الي اذكره كنت اتمنى اني لو سويت عمليه ...

حتى كنت اقول خلاص ما اتحمل بقولهم ابا عمليه بس تعبت ...

يمكن لاني ما اعرف الم الولاده ... لانها كانت اول مره ...

حتى كنت اقول حق امي ياحظها حرمت اخوي مربي بعمليه ...

لكن الي اعرفه انه العمليه اتاثر ع الام ... واذا كانت كل ولاده لها بعمليه ...

راح تتعب بعدين وبيقولون لها انه خلاص لازم ما اتييب عيال ... لانه جسمها ما يتحمل ....

لكن اختي بعد الولاده سبحان الله تنسين كل التعب .. والالم ..

حتى تنسين كيف كان الالم ..