المدارس الحكوميه =======والدوام الطويل

**الحوووور747** · 2009-10-28, 18:25

كيف حالكم خواتي حبيت اتكلم عن عن تاخير اليوم الدراسي شو الفايده منه ؟؟

ماعندي عيال فالحكومه بس يوم اشوف الطالبات يوصلن على صلاة العصر

يغمضوني وحتى المدرسات

خلونا نتناقش

هل جونا يساعد عالدوام الطويل؟؟الاجانب شمسهم تطلع عالساعه تسع عسب ها الشي دوامهم يبدا متاخر ويخلصون العصر احنا غير مفروض دوامنا يبدا من تطلع الشمس ويخلص عالوحده عشان الطالب يكون عنده وقت للراحه والغداء والصلاه وبعدين يذاكر

هل مدارسنا وباصاتنا مجهزه للدوام الطويل مفروض يكون في مطعم فكل مدرسه وبريك للغدا ومكان للصلاه مب حرام هالطالبات اللي فالصف الاول ايتمن باليوع الين العصر ؟؟

هل الطالب المضغوط من الصبح الين العصر يقدر يركز فالمذاكره متى بيذاكر اذا هو المفروض يرقد عالساعه 8 متى بيرتاح وبيذاكر لازم يسهر اشوي عسب الوقت يكفيه

انا فالجامعه ماكنت اخذ محاضرات عقب الوحده احس اني خلاص ما اقدر اركز
الله يعيييين الطلبه وماادري شو الهدف من تاخير الدوام؟؟؟؟

احيد يوم كنا صغاركنا نرد عالساعه 12 وكان يومنا طويل نتغدا ونرقد ونلعب مساكين عيال ها الايام ماعندهم وقت لللعب

نتريا اراء الخوات شو رايكم؟؟؟؟؟؟؟؟؟؟؟؟؟

المزيد من آخر المواضيع من نفس القسم:

**اناناسة** · 2009-10-28, 18:30

شو نسوي فديتج المنهج محتاج لوقت عسب يخلصونه

و نحن من كل حصة مزيدين 5 دقايق فقط يداومون 7 و ربع الطابور و يخلصون 2 و 10

يعني احسبه عادي و للعلم عيالي في مدارس حكومية

**3ƒτђα Đŋγαŷ** · 2009-10-28, 18:46

عـآآدي خلآص تعودنـآ ^^

**نفحة عطر22** · 2009-10-28, 18:47

صح مدارسنا مش مجهزه لدوام الطويل

انا اخويه الصغير يخلص الساعه 3 يقول مافي مرافق نظيفه (الحمامات عزكم الله) ولا مطعم حق الغدى المفروض يوفروهم اشياء وااايد قبل ما يخلون الدوام طويل

**سـآرهـ** · 2009-10-28, 18:56

والله ظلم !

اي منهج دخيل اللهـ !

يتلعثون باجازه رمضان

اصلا هاييج السنه نداوم رمضان بس اسبوعين واسبوعين اجازهـ عييد تقريبـآ

بتقولولي بيخلوناا نداوم لين 3 ونص سنه كااملهـ عشان يعوضون عن اسبوعين !!

تعب وماشي وقت نذااكر ولا نحضر و اونه يقوولون يتوقعون نسب ! اي نسب ع هالحاله

وحر ودنيــآ

الله كريم

**pinky pearl** · 2009-10-28, 18:57

ولدي بعده بالروضه الله يعين يوم يلحق بالركب شو بيسوي

بس هم اكيد لهم اسبابهم

**البنوته الحلو** · 2009-10-28, 19:00

شو أقلج يا أختي نحن ندرس في مدرسة قريبة من منطقتنا لأن في منطقنا ما فيها مدارس بنات بس مدارس أولاد
نطلع سبع الصبح ونرد الساعة 3و 40 دقيقة العصر يعني وأنا ثنوية عامة ، تعب وإرهاق يعني متى بتغدى وبرتاح لو ساعة وحدة ما عندي أبد وقت والله في الحصة يالسة أستوعب وخاصة الحصص الأخيرة لأن الحصص طويلة ومملة بس متى بيرد مثل قبل الدوام

**ام حمدان26** · 2009-10-28, 19:01

حراام غامضيني والمدرسات بعد الله يعينيهن خصوصا مدرسات الثانويه والي حامل والي تعبانه كيف الواحد له بارض يدرس ولا يذاكر والوقت جي مااااااااااشي وقت اصلا

**أم الأطفال** · 2009-10-28, 19:03

للررررررررررفع

**F.AlZaabi** · 2009-10-28, 19:08

تكلمتوا أو ما تكلمتوا .. احتجيتوا أو ما احتجيتوا .. الدوام مثل ما هو ما في تغيير .. ما أقول إلا الله يعينكم و تحملوا و رقدوا من وقت إنتوا و عيالكم الساعة 9 في الليل كل واحد ينخمد في فراشه .. السهر موب زين .. خلق الليل للنوم و ليس للسهر.

والله إني أستغرب يهال عمرهم أقل من 10 سنوات الساعة 11 و نص في الليل يتراكضون في الشوارع !!

**الحوووور747** · 2009-10-28, 19:24

المشاركة الأصلية كتبت بواسطة اناناسة

شو نسوي فديتج المنهج محتاج لوقت عسب يخلصونه

و نحن من كل حصة مزيدين 5 دقايق فقط يداومون 7 و ربع الطابور و يخلصون 2 و 10

يعني احسبه عادي و للعلم عيالي في مدارس حكومية

هلا اختي انوسه نورتي الموضوع والله يعينج دام عيالج فالحكومه ويعينهم احليلهم

**الحوووور747** · 2009-10-28, 19:33

المشاركة الأصلية كتبت بواسطة سـآرهـ

والله ظلم !

اي منهج دخيل اللهـ !

يتلعثون باجازه رمضان

اصلا هاييج السنه نداوم رمضان بس اسبوعين واسبوعين اجازهـ عييد تقريبـآ

بتقولولي بيخلوناا نداوم لين 3 ونص سنه كااملهـ عشان يعوضون عن اسبوعين !!

تعب وماشي وقت نذااكر ولا نحضر و اونه يقوولون يتوقعون نسب ! اي نسب ع هالحاله

وحر ودنيــآ

الله كريم

الله يعينكم الانسان المرهق كيف يقدر يعطي وهذا القرار غلط فغلط واجازة رمضان اسبوعين طلعوها منكم سنه الله يعييينكم انا احس ها الجيل الوزراره مخلتنهم فئران تجارب الا يطولون الدوام مره ولا يحولون المنهج انجليزي ولا مدارس الغد مب عارفين شو يسسسسووون

**كبرياء 22** · 2009-10-28, 19:40

حبيبتي .. تعالي جوفي مدرستنا والله البنات من الحصه الرابعه تحصلينهم شالات الجنطه أونه رواح وحمامات عزج الله أرف مدرستنا دهريه من 25 سنه وأكثر وماشي غير فسحتين البنات ميتات من اليوع ويضطرون يشترون هالحلاوه والجبس عشان ياكلون بين الحصص وسيرن البيت ما يتغدن ... خليها على الله .. ميتين قهر بس شو نسوي خاصه الحصه الاخيره ما يستوعبون حرااااااااام والله نحن ماعدنا مانع نداوم بس شو ذنبهم هاليهال ؟؟؟؟

**الحوووور747** · 2009-10-28, 20:17

المشاركة الأصلية كتبت بواسطة كبرياء 22

حبيبتي .. تعالي جوفي مدرستنا والله البنات من الحصه الرابعه تحصلينهم شالات الجنطه أونه رواح وحمامات عزج الله أرف مدرستنا دهريه من 25 سنه وأكثر وماشي غير فسحتين البنات ميتات من اليوع ويضطرون يشترون هالحلاوه والجبس عشان ياكلون بين الحصص وسيرن البيت ما يتغدن ... خليها على الله .. ميتين قهر بس شو نسوي خاصه الحصه الاخيره ما يستوعبون حرااااااااام والله نحن ماعدنا مانع نداوم بس شو ذنبهم هاليهال ؟؟؟؟

ياللللله والله حرام وقهر الصراحه الله يعينكم ويعين ها اليهال صدقج والله حتى بنت اربيعتي فديتها اتقولي احنا ناكل شبس وحلاوه فالباص نموت من اليوع وامها اتقول ترد من المدرسه من التعب ما تشتهي تاكل ليش والله حرام فكل مكان القرارات لصالح الطلبه الا عندنا مدري ليش والله لو تكون الحصه قصيره ومختصره يستفيد منها الطالب اكثر ما تكون طويله وممله وعالفاضي

**هكذا اذن2** · 2009-10-28, 20:37

خليهم دوام طويل بلا دلع

الموضوع: المدارس الحكوميه =======والدوام الطويل

أدوات الموضوع

عرض

المدارس الحكوميه =======والدوام الطويل

المزيد من آخر المواضيع من نفس القسم:

المواضيع المتشابهه

شغل البيت والدوام الطويل..

الاجازات والدوام الطويل

المدارس الحكوميه...

المدارس الخاصه ولا الحكوميه

المدارس الحكوميه