أسهل حمام مغربي فالبيت .~[ نعومه وبياض ]~.

**! شي راقي !** · 2009-10-25, 23:59

بسم الله الرحمن الرحيم

اللهم إكفنى بحلالك عن حرامك واغننى بفضلك عمّن سواك
اللهم إن كان رزقى فى السماء فأنزله وإن كان فى الأرض فأخرجه وإن كان بعيداً فقربه وإن كان قريبا فيسّره وإن كان ميسرا فبارك لى فيه .... اللهم بارك لي في رزقي يارب
اللهم انى أعوذ بك من الهم والحزن والعجز والكسل وأعوذ بك من الجبن و البخل و أعوذ بك من غلبة الدين و قهر الرجال
ما شاء الله .. لا قوة الا بالله

.~.~.~.~.~.~.~.~.~.~.~.~.~.~.~.~.~.~.

السلام عليكم ورحمة الله وبركاته

خواتي الحبيبات .. أتشرف بالمشاركة وياكم بأول موضوع لي كـ تاجرة..
وأتمنى أفيدكم وأقدم أشياء حلوه ومفيدة وبأسعار معقولة ..

أول منتج ببدا فيه هو شيّ مميز أنا استخدمته من خمس شهور ومستمره عليه ..
وهو من أهم الأسباب اللي شجعتني أشارك بعضوية تاجرة برونزية.. لأني استفدت من هالمنتدى وااااايد من مواضيع البنات
وحتى المنتجات اللي يعرضونها التاجرات فحبيت أفيدكم بشيّ مميز ومب موجود فالمنتدى وماتوقع تلقونه في مكان ثاني ..

مثل ماقريتوا في العنوان ^_^

هو عبارة عن

صابون مغربي أصلي بزيت الزيتون ~ إييج في علبة حجمها 500 غرام يعني نص كيلو ..
عبارة عن معجون مب سائل ولا صابون جامد ..
وسعره بس 35 درهم ..

يستخدمونه في الصوالين

وهاذي صورته من تصويري الخاص .. حطيت الموبايل عدّاله عشان تشوفون حجم العلبه ^^

واللي تبغي الليفه المغربية .. بوفرها لها وسعرها 15 درهم ..

علبة الصابون كبيره تكفّيج وايد .. انا عن نفسي أستخدمها من خمس شهور وبعدها ماخلصت باقي فوق النص تقريباً ..

أول شي وأهم ملاحظة لازم تسوينها ..
تدورين أي علبه صغيره عندج (أي علبة فاضيه نظيفه وناشفه ممكن علبة كريم مخلص)
وتاخذين من المعجون وتحطين كميه فيها للإستخدام وعلبة الصابون الأصلية تخلينها في درجة حرارة الغرفة مب في مكان حار يعني في الكبت عادي ..

العلبه الصغيره عادي تحطينها في الحمام وتستخدمين منها..

وإليكم طريقتي السريعه والسهله في إستخدامه بالتفصيل:
حددي لج يوم في الإسبوع لإستخدامه مثلا الجمعة ..
لأن الصابون المغربي يعتبر من أنواع التقشير فما نستخدمه مع كل سبوح ..

1- تتسبحين عادي تغسلين شعرج ويوم بتين تحطين الصابون، خذي من العلبة قطعه صغيره واستخدميها مثل الصابون العادي
واذا احتجتي زيادة ممكن تاخذين وتكملين جسمج وجسمج بيكون مبلول ..
بس انتبهي ايدج تكون ناشفه وانتي تاخذين من الصابون عشان الباقي مايخرس لأن اللي فالعلبه لو ياه ماي إحتمال يستوي سائل أكثر..

2- تغسلين جسمج عن الصابون عادي.

3- تسكرين الماي وهنيه يبدا الجد

تاخذين الليفه المغربية وتبدين تفركين جسمج كله .. وبتتعجبين من كمية الجلد الميت اللي بتطلع! وبقايا الكريم اللي على جسمج!!

4- عقب ماتفركين جسمج كله، شغلي الماي وبتحسين بشعووووور خياااااالي !!

5- هنيه نكون خلصنا والجسم نظف بس أنصحج تغسلين جسمج بشاور جل لأنه يكون ناشف عقب الصابون المغربي والشاور جل يرطبه..
عن نفسي أستخدم شاور جيل لوكس بالمشمش والكريمه ريحته تجنن..

الفوايد اللي لاحظتها:

.~ نعومه تتلاحظ عقب كل سبوح.

.~ توحيد لون الجسم.

.~ تفتيح الجسم مع الإستمرار وخاصة الأكواع والركب شي خيالي.

.~ الخطوط البيضاء واللي هيه خطوط تمدد الجسم تبدا تخف ولونها يستوي مقارب للون البشرة، ماقولكم تختفي لأ بس تخف وايد الحمدلله ..

.~ حتى الكف من ورا افركيه بس بدون دفاشه هههههه بيفتح إذا كان مسمر من الشمس ..

هذا اللي لاحظته من تجربتي وإن شالله عقب ماتستخدمونه بتخبروني بفوايد أكثر وبضيفها هنيه في هالموضوع ^^

أنا عن نفسي ماروم استغنى عنه .. وأكيد اللي بيجربه بيرد يطلب مره ثانيه ..
واللي حابه تجرب ماعندي مشكله لو تطلب حبه وحده لأني واثقه إنها بترد تطلب إن شالله لها ولخواتها ^^

التوصيل مع شركة هوت لاين
لجميع الامارات ب25
للسلع والمنطقه الغربيه ب45

اللّي حابه تطلب
~ تامرني عالخاص برساله خاصة ~
~ إسمها ~
~ المنطقة ~ الإمارة ~
~ رقم الهاتف ~

.~ اختكم ~.
! شي راقي !

المزيد من آخر المواضيع من نفس القسم:

**القمرية** · 2009-10-26, 00:00

الحمدلله والصلاة والسلام على رسول الله وعلى آله وصحبه أجمعين

**عمري زايد** · 2009-10-26, 00:00

موفقه

**ام احمد 1997** · 2009-10-26, 00:00

الله يوفقج

**سحابة مرت** · 2009-10-26, 00:00

•°o.O ( اللهم إن كان رزقنا في السماء فأنزله) O.o°•

•°o.O ( وإن كان في الأرض فأخرجه) O.o°•

•°o.O ( وإن كان بعيدا فقربه ) O.o°•

•°o.O ( وإن كان قريبا فيسره ) O.o°•

•°o.O ( وإن كان قليلا فكثره) O.o°•

•°o.O ( وإن كان كثيرا فبارك لنا فيه) O.o°•

**بنت المطر 99** · 2009-10-26, 00:01

✿ سبحان الله وبحمده سبحان الله العظيم ✿

**ام عقوص** · 2009-10-26, 00:01

موفقه اختي

للرفع

**دانةالخليج** · 2009-10-26, 00:01

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**! شي راقي !** · 2009-10-26, 00:27

القمرية

عمري زايد

ام احمد 1997

سحابة مرت

بنت المطر 99

ام عقوص

دانة الخليج

الله يوفجكم ويرفعكم دنيا وآخرة .. اللهم آمين

^^

.~ اختكم ~.
! شي راقي !

**! شي راقي !** · 2009-10-26, 00:58

سبحان الله وبحمده

**رهف المشاعر** · 2009-10-26, 01:00

موفقه غلاتي

✿ سبحان الله وبحمده سبحان الله العظيم ✿

**أحلى بيبي..** · 2009-10-26, 08:47

بالتوفيق

**أم ماااااااجد** · 2009-10-26, 08:55

يا سلام عليج
شي حلو صراحة

**! شي راقي !** · 2009-10-26, 09:27

اختي رهف المشاعر ..

تسلمين الغاليه .. ربي يوفّق الجميع ^^

**مريووومه** · 2009-10-26, 09:28

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّم آمين

الموضوع: أسهل حمام مغربي فالبيت .~[ نعومه وبياض ]~.

أدوات الموضوع

عرض

أسهل حمام مغربي فالبيت .~[ نعومه وبياض ]~.

المزيد من آخر المواضيع من نفس القسم:

تسلمون خواتي ..

المواضيع المتشابهه

اريد ارقام حريم يسون حمام مغربي فالبيت

حرمة تسوي حمام مغربي فالبيت ... بنااااات العين

جاتني مغربية للبيت وسوت لي حمام مغربي <تعالوا شوفوا الطريقة> لون واحد وبياض ناصع

سويت حمام مغربي فالبيت بس ما طلع مني اللي يطلع من البنات

بنات بوظبي ,,حمام مغربي فالبيت ؟؟؟؟؟؟